Amos 5:4 - BAIBLO ALOO NGMAMI KLƆUKLƆU Ɔ

⁴ Bɔ nɛ Yawɛ ngɛ Israel ma a dee ji nɛ ɔ nɛ: “Nyɛɛ kpale kɛ ba nɛ nyɛ ba pee ye ma ekohu, konɛ nyɛ yi nɛ na wami.

Amos 5:4 ပူးပေါင်းရင်းမြစ်များ

Kronika II, 15:2

nɛ e ho nɛ e kɛ Asa ya kpe, nɛ e de lɛ ke, “Matsɛ Asa, kɛ Yuda, kɛ Benyamin bi tsuo, nyɛɛ bu mi tue! Be abɔ nɛ nyɛ pɛtɛ Yawɛ he nɛ ɔ, lɛ hu e kɛ nyɛ ngɛ. Ke nyɛ hla e se blɔ ɔ, e ma ha nɛ nyɛɛ na lɛ. Se ke nyɛ kpale ngɛ e se ɔ, lɛ hu e ma kua nyɛ.

Zefania 2:3

Nyɛ nihi tsuo nɛ nyɛ ngɛ je ɔ mi, nɛ nyɛ baa nyɛ he si, nɛ nyɛ yeɔ Yawɛ mlaa amɛ a nɔ, nyɛ hla e se blɔ. Nyɛɛ pee nɔ́ nɛ da, nɛ nyɛɛ ba nyɛ he si; alini, ligbi ɔ nɛ Yawɛ mi mi ma fu wawɛɛ, nɛ e maa gbla nihi a tue ɔ, nyɛɛ lɛɛ a maa laa nyɛ nɔ.

La 14:2

Yawɛ hyɛɛ nimli adesahi ngɛ zugba kɛ jeɔ hiɔwe. E hyɛɛ kaa e maa na nɔ ko nɛ le nɔ́, nɛ hlaa lɛ Mawu ɔ se blɔ lo.

Yesaya 55:3

“Ye ma, nyɛ ta tue, nɛ nyɛɛ ba ye ngɔ; nyɛɛ ba ye ngɔ, konɛ nyɛ yi nɛ na wami. I kɛ nyɛ maa so somi ko nɛ maa hi si kɛ maa ya neneene; nɛ gbaami nɛ i wo David si ke ma ha e nina a, ma kɛ ha nyɛ.

Mateo 7:8

Ejakaa nɔ tsuaa nɔ nɛ biɔ ɔ, a haa lɛ; nɔ nɛ hlaa a, e naa; nɛ nɔ nɛ siɔ sinya a, a bliɔ kɛ haa lɛ.

Kronika I, 28:9

Jehanɛ, David de Salomo ke, “Ye bi Salomo, i ngɛ mo dee ke ó le o tsɛ e Mawu ɔ, nɛ o sɔmɔ lɛ kɛ o tsui tsuo, kɛ o juɛmi tsuo; ejakaa Yawɛ le wa susumi ɔmɛ, kɛ wa suɔmi nya ní ɔmɛ tsuo. Ke o hla e se blɔ ɔ, e ma he mo; se ke o kua lɛ ɔ, lɛ hu e maa je o se kɛ maa ya neneene.

Kronika II, 20:3

Yehoshafat tsui po, nɛ e fa kue ha Yawɛ, nɛ e bi lɛ ga womi. Yehoshafat ha nɛ a fiɛ ke nɔ tsuaa nɔ nɛ ha hwɔ ngɛ Yuda zugba a nɔ tsuo.

Amos 5:6

“Ke nyɛ kpale we kɛ bɛ ye ngɔ ɔ, ma ba nyɛ Israel bi ɔmɛ nyɛ kpɛti kaa la nɛ ngɛ tsoe gegeege. La nɛ ɔ maa sã Betel ma mi bi ɔmɛ, nɛ nɔ ko nɔ ko be nyɛe nɛ e gbe.” Nɔ́ nɛ Yawɛ de Israel bi ɔmɛ ke a pee, konɛ a yi nɛ na wami ji nɛ ɔ nɛ.

La 69:32

Ke nɔ́ nali na a, a bua maa jɔ. Nyɛ ni nɛmɛ nɛ nyɛ ngɛ Mawu se blɔ hlae ɔ, nyɛ nɔ gbagba nɛ te.

La 27:8

O de ke, “Nyɛɛ ba ye ngɔ.” Imi hu i kɛ bua jɔmi he nɔ ke, “Yawɛ, i ma;

La 22:26

Ohiatsɛmɛ maa ye ní nɛ a maa tɔ. Nihi nɛ hlaa Yawɛ se blɔ ɔ ma je e yi; a bua maa jɔ a he kɛ maa ya neneene.

Kronika II, 34:3

Yosia matsɛ yemi be ɔ jeha nɛ ji kpaanyɔ ɔ mi ɔ, be mi nɛ e wɛ saasaa a, e bɔni e nɛ̃ David Mawu ɔ jami. Jeha nɛ ji nyɔngma kɛ enyɔ ɔ mi ɔ, e bɔni jami he ɔmɛ nɛ ngɛ Yerusalem kɛ Yuda a gbɛmi; e ywia yo mawu ɔ nɛ a tsɛɛ Ashera a we amaga amɛ, kɛ amaga kpa amɛ tsuo.

Mose V, 4:29

Nyɛ ma hla Yawɛ, nyɛ Mawu ɔ ngɛ lejɛ ɔ. Ke nyɛ hla lɛ kɛ nyɛ tsui tsuo ɔ, nyɛ maa na lɛ.

Mose V, 32:46

e slɔ mɛ ke, “Nyɛɛ hyɛ saminya nɛ nyɛɛ ye mlaa nɛ ɔmɛ tsuo nɛ i ngɛ nyɛ woe mwɔnɛ ɔ a nɔ. Nyɛɛ tsɔɔ nyɛ bimɛ ɔmɛ, konɛ a ye Mawu mlaa amɛ tsuo a nɔ pɛpɛɛpɛ.

Mose V, 32:47

Mlaa nɛ ɔmɛ pi munyu guhi; nyɛ wami daa si ngɛ a nɔ. Nyɛɛ ye a nɔ, konɛ nyɛ se nɛ kɛ ngɛ zugba a nɛ ngɛ Yordan se nɛ nyɛ yaa ngɔ ɔ nɔ.”

Yesaya 31:1

Musu tloo nihi nɛ yaa Egipt ya biɔ yemi kɛ buami ngɛ lejɛ ɔ. Musu tloo mɛ, ejakaa a ngɔɔ a hɛ kɛ fɔɔ Egipt ta zugba lɛhi, kɛ okpɔngɔ ta buli a nɔ; ejakaa a hiɛ babauu, nɛ a he wa hulɔ. Se a ngɔɛ a hɛ kɛ fɔ we Yawɛ, Israel Mawu klɔuklɔu ɔ mohu nɔ; ga womi hu a bi we lɛ.

Ezekiel 18:9

Kikɛmɛ a nɔmlɔ nɛ buɔ ye gbi tue, nɛ e bɔɔ mɔde, nɛ e yeɔ ye mlaa amɛ a nɔ pɛpɛɛpɛ ɔ, dalɔ ji lɛ; niinɛ, e yi ma na wami.” Nyɔmtsɛ Yawɛ lɛ de.

Matsɛmɛ II, 20:3

“Yawɛ lee, i kpa mo pɛɛ nɛ o kai bɔ nɛ i ba ye je mi ngɛ o hɛ mi, bɔ nɛ i ye mo anɔkuale, bɔ nɛ i sɔmɔ mo kɛ ye tsui tsuo, kɛ bɔ nɛ i pee o suɔmi nya ní.” Nɛ Hezekia fo ya kɛ he hiami.

Kronika II, 20:4

Nihi je Yuda ma amɛ tsuo a mi kɛ ba Yerusalem, konɛ a ba bi Yawɛ ga womi.

La 69:33

Ejakaa Yawɛ buɔ dɛgutsɛmɛ tue, nɛ lɛ nitsɛ e nihi nɛ a wo mɛ tsu ɔ, e hɛ ji a nɔ.

Yeremia 38:20

I de lɛ ke, “Dɛbi, a be mo ngɔe kɛ wo a dɛ. I kpa mo pɛɛ nɛ o bu Yawɛ sɛ gbi nɛ i kɛ ha mo nɛ ɔ tue. Ke o pee ja a, e maa hi ha mo, nɛ o yi ma na wami.

Hosea 10:12

I de ke, ‘Nyɛɛ ye dami sane, konɛ ma suɔ nyɛ, nɛ ma gbaa nyɛ. Nyɛ tsake nyɛ tsui; ejakaa be ɔ su nɛ nyɛ ma hla imi Yawɛ, ye se blɔ. Kɛkɛ ɔ, ma ha dami sane yemi ma he si kaa bɔ nɛ hiɔmi nɛɛ ɔ.’