Amos 5:25 - BAIBLO ALOO NGMAMI KLƆUKLƆU Ɔ

²⁵ “Nyɛ Israel bi, jeha nyingmi eywiɛ sɔuu nɛ́ i kpaka nyɛ kɛ gu nga a nɔ ɔ, anɛ i bi nyɛ hyɛ ke nyɛ ba ke mi ní, aloo nyɛ ba sã bɔ ha mi lo?

Amos 5:25 ပူးပေါင်းရင်းမြစ်များ

Nehemia 9:18

Benɛ a puɛ amaga ko nɛ ngɛ kaa na ku, nɛ a de ke amaga nɛ ɔ nɛ kpaka mɛ kɛ je Egipt kɛ ba a, a bɔ musu babauu kɛ si mo Yawɛ.

Nehemia 9:21

Jeha nyingmi eywiɛ sɔuu nɛ a nyɛɛ nga kplanaa a nɔ ɔ, o ha mɛ nɔ́ tsuaa nɔ́ nɛ he hia mɛ: a tadehi gba we ngɛ a he, nɛ a nanehi hu fuu we.

Ezekiel 20:16

ejakaa a kua ye blɔ nya tomi ɔmɛ, nɛ a yi ye mlaa amɛ a nɔ. A ble ye Hejɔɔmi ligbi ɔmɛ hu kpɔtɔɔ. Ejakaa a suɔ wawɛɛ kaa a ma ja amaga amɛ mohu.

Ezekiel 20:24

I pee nɔ́ nɛ ɔ, ejakaa a bui ye blɔ nya tomi ɔmɛ, nɛ ye mlaa amɛ hu, a yi nɔ; jehanɛ hu, a ble ye Hejɔɔmi ligbi ɔmɛ, nɛ a nɛmɛ ɔmɛ a we amaga amɛ mohu a suɔ wawɛɛ.

Ezekiel 20:8

Se a tsɔ ye hɛ mi atuã; a kplɛɛ we nɛ a bu mi tue; nɔ ko nɔ ko sakee we yakayaka ní ɔmɛ ngɔ pue he; a hɛɛ Egipt amaga amɛ a mi wawɛɛ. Kɛkɛ nɛ i to ye yi mi kaa ma ha nɛ a nu ye we abofu gbeyegbeye ɔ he ngɛ Egipt.

Mose III, 17:7

Enɛ ɔ ma ha Israel bi ɔmɛ maa jɔɔ bɔ sami ha mumi yayamihi nɛ hɛɛ apletsi su nɛ a jee Mawu se nɛ a ya jaa a. Enɛ ɔ maa pee mlaa nɛ fɔɔ si ha mɛ, kɛ a nina kɛ yaa neneene.

Zakaria 7:5

“Bi ni ɔmɛ tsuo, kɛ osɔfo ɔmɛ ke, nɛ a ha hwɔ daa nyɔhiɔ enuɔne ɔ, kɛ kpaanyɔne ɔ jeha nyingmi kpaago ɔ, imi a ha hwɔ ha lo?

Yoshua 24:14

Yoshua ya nɔ nɛ e de ke, “Lɔ ɔ he ɔ, nyɛɛ ye Yawɛ gbeye, nɛ nyɛ sɔmɔ lɛ saminya ngɛ anɔkuale mi. Nyɛ je mawu ɔmɛ nɛ nyɛ nɛmɛ ɔmɛ ja ngɛ Mesopotamia kɛ Egipt ɔ ngɔ pue he, nɛ nyɛ sɔmɔ Yawɛ pɛ.