Amos 5:21 - BAIBLO ALOO NGMAMI KLƆUKLƆU Ɔ

²¹ Yawɛ ke, “Kusumihi nɛ nyɛ peeɔ, kɛ gua pɔtɛɛhi nɛ nyɛ bɔɔ ngɛ nyɛ nyami ligbi ɔmɛ a nɔ, nɛ nyɛɛ kɛ woɔ ye hɛ mi nyami ɔ, i hiee, nɛ i na we a he bua jɔmi.

Amos 5:21 ပူးပေါင်းရင်းမြစ်များ

Mose I, 8:21

Yawɛ nu bɔ ɔ he via, nɛ e ná he bua jɔmi. Kɛkɛ nɛ e de e he ke, “I be níhi nɛ wami ngɛ a mi ɔ tsuo a hɛ mi kpatae kikɛ nɛ ɔ hu kɔkɔɔkɔ.

Abɛ Womi 15:8

Yayami peelɔ bɔ sami ɔ, Yawɛ sume kulaa; se ke nɔmlɔ kpakpa fa kue ɔ, e naa he bua jɔmi.

Abɛ Womi 21:27

Yayami peelɔ bɔ ɔ, Yawɛ sume kulaa, hluu nɛ a de ke yi mi tomi yayami piɛ bɔ ɔ he.

Abɛ Womi 28:9

Nɔ nɛ sume kaa e yeɔ mlaa nɔ ɔ, ke e fa kue ha Mawu po, e bɔ musu.

Yesaya 66:3

“Ma mi bi ɔmɛ peeɔ nɔ́ nɛ mɛ nitsɛmɛ a suɔ. E si we mɛ kpu kaa a maa ngɔ na, loo nɔmlɔ adesa kɛ sã bɔ. Slɔɔto ko be mi ke a ngɔ to kɛ sã bɔ, loo a ku gbe kuɛ kɛ pee. Slɔɔto be mi ke a ngɔ ngma kɛ ba sã niye ní bɔ, aloo a ngɔ kpotoo muɔ kɛ ba. Tsopa kɛ e he via a ngɛ sãe jio, amaga nɛ a ngɛ jae jio, slɔɔto ko kulaa be mi ha mɛ. Musu ní nɛ ɔmɛ a he a nyaa.

Yeremia 14:12

Ke a ha hwɔ tete po, i be a kue fami ɔ tue bue; nɛ ke a sã sami bɔ, kɛ niye ní bɔ ha mi hu, i be hee. Se mohu ɔ, níhi nɛ i kɛ ma kpata a hɛ mi ji ta, hwɔ, kɛ gbenɔ hiɔ.”

Yeremia 6:20

Tsopa kɛ e he via nɛ a kɛ jeɔ Sheba kɛ ba haa mi ɔ, mɛni ma pee he? Nu he via nɛ a kɛ jeɔ ma se lokoo kɛ ba haa mi ɔ, i hla we. I be a sami bɔ ɔmɛ ngɔe; bɔ kpa amɛ hu i sume.

Ezekiel 23:18

Benɛ e ngɛ ajuama bɔe wawɛɛ, nɛ e ha nɔ tsuaa nɔ na le kaa yaholɔ nitsɛnitsɛ ji lɛ ɔ, imi hu e sane ba gbe ye nya jehanɛ; i sume lɛ hu, kaa bɔ nɛ i sume e nyɛmiyo nɔkɔtɔma a.

Hosea 2:11

E nyami be ɔmɛ: Nyɔhiɔhe, Hejɔɔmi, kɛ nyami be kpa amɛ tsuo a se maa po.

Hosea 5:6

A maa ngɔ tohi, kɛ nahi kɛ ba sã bɔ ha Yawɛ, se a be lɛ nae; ejakaa Yawɛ je a se.

Hosea 8:13

A gbeɔ lohwehi kɛ sãã bɔ kɛ haa mi, nɛ lo ɔ nɛ a kɛ ba sã bɔ ɔ lɛɛ mɛ nitsɛmɛ a yeɔ. Se imi Yawɛ, ye bua jɔɛ a he. Ma kai a he yayami ɔmɛ, nɛ ma gbla a tue kokooko ngɛ he; ma kpale mɛ kɛ ho Egipt ya!

Mose III, 26:31

Ma kpata nyɛ ma nguangua amɛ a hɛ mi kɛ yaa si a ma plɛ pee ma dokuhi. Nyɛ jami he ɔmɛ hu ma puɛ mɛ, nɛ i be nyɛ bɔ ɔmɛ hee hu.

Amos 4:4

Yawɛ Tabohiatsɛ ɔ ke, “Nyɛ Israel ma, nyɛ suɔ kaa nyɛ ba ja Mawu ngɛ Betel, nɛ ke nyɛ ba a, nyɛ ba peeɔ yayami! Nyɛ suɔ kaa nyɛ ya ja Mawu ngɛ Gilgal, nɛ ke nyɛ ya lejɛ ɔ, nyɛ ya peeɔ yayamihi babauu kɛ piɛɔ he! Ke nyɛ ngɔ lohwehi kɛ ma bɔ sami daa mɔtu ɔ, nyɛ peeɔ yayami! Daa ligbi etɛ, ke nyɛ ngɔ nyɛ níhi a mi dlami nyɔngmanyɔngma mi kakaaka kɛ ma a, nyɛ peeɔ yayami!

Amos 4:5

Ke nyɛɛ kɛ abolo ma Mawu si nami ɔ, nyɛ peeɔ yayami! Jehanɛ, ke nyɛ je nyɛ tsui mi faa, nɛ nyɛ ngɔ bɔ kpa komɛ kɛ ma po, nyɛ suɔ kaa nyɛɛ fĩa! Israel ma, nɔ́ nɛ nyɛ suɔ peemi ji nɛ ɔ nɛ. Nyɛɛ ya nɔ nɛ nyɛɛ pee!

Amos 6:8

Yawɛ Tabohiatsɛ Mawu ɔ ka e he kita ke, “Israel bi ɔmɛ a he nɔ womi ɔ, i hiee; a mɔ nguangua amɛ hu, i sume. Ma ngɔ a matsɛ ma a, kɛ e mi níhi tsuo kɛ ha a he nyɛli.”

Amos 8:10

Jehanɛ se hu, be mi nɛ nyɛ ngɛ ní yee, nɛ nyɛ ngɛ nyae ɔ, ma ha nɛ nyɛ ma bɔni kɔmɔ yemi jamɛ a be ɔ mi nɔuu; ma tsake nyɛ bua jɔmi la amɛ kɛ pee kɔmɔ yemi lahi. Ma ha nɛ nyɛ ma sã nyɛ yi nɔ, nɛ nyɛ ma bu kpekpe ya bo. Ma ha nɛ nyɛ maa ye kɔmɔ kaa nɔ ko nɛ e bi kake too pɛ ɔ gbo; nɔ tsuaa nɔ maa pee mɔbɔmɔbɔ jamɛ a ligbi ɔ.

Mateo 23:13

“Nyɛ mlaa tsɔɔli, kɛ Farisi bi, musu tloo nyɛ! Osatotsɛmɛ! Nyɛ ngaa hiɔwe matsɛ yemi ɔ nya ngɔ woɔ nihi, se nyɛ nitsɛmɛ lɛɛ nyɛ sɛ́ mi. Ni nɛmɛ nɛ a hlaa kaa a maa sɛ mi ɔ hu nyɛ ngmɛ́ mɛ blɔ! [

Efesobi 5:2

Nyɛ je nyɛ suɔmi kpo ngɔ tsɔɔ nyɛ sibi ngɛ nyɛ ní peemi mi kaa bɔ nɛ Kristo suɔ wɔ nɛ e ba gbo ngɛ wa he ɔ. Ee, Kristo ngɔ e he ngɔ ha kaa nike ní nɛ a kɛ sã bɔ, nɛ he via, nɛ sa Mawu hɛ mi.

Filipibi 4:18

Níhi tsuo nɛ nyɛ mane ɔ ba su mi; a hiɛ kulaa pe bɔ nɛ i susu! Epafrodito ngɔ nyɛ manemi ɔmɛ tsuo kɛ ba, nɛ nɔ́ ko nɔ́ ko hia we mi hu. Nike ní nɛ ɔmɛ ngɛ kaa bɔ ko nɛ a sã ha Mawu. Bɔ kaa kikɛ nɛ ɔ jeɔ via liliili; e saa Mawu hɛ mi, nɛ e naa he bua jɔmi.