Amos 5:20 - BAIBLO ALOO NGMAMI KLƆUKLƆU Ɔ

²⁰ Ligbi ɔ nɛ Yawɛ maa gbla Israel tue ɔ, bɔ nɛ níhi ma ya ba pɛpɛɛpɛ ji nɛ ɔ nɛ. Diblii nɛ́ maa wo jamɛ a ligbi ɔ, e mi ma ti bɔ nɛ nɔ ko nɔ ko be nyɛe maa hyɛ nɔ́ saminya.

Amos 5:20 ပူးပေါင်းရင်းမြစ်များ

Yesaya 13:10

Dodoe tsuaa dodoe, kɛ dodoe kuu ɔmɛ nɛ a ngɛ hiɔwe ɔ be kpɛe hu. Ke pu je po, diblii maa wo, nɛ nyɔhiɔ hu be kpɛe.

Yesaya 8:22

aloo a ma kɔkɔ a yi si kɛ hyɛ zugba mi gaa, se a be nɔ́ ko nɔ́ ko nae kaa ja haomi kɛ diblii kpii nɛ woɔ nɔ he gbeye nɛ a ngɛ mɛ fiee kɛ ngɛ mi woe.

Ezekiel 34:12

Bɔ nɛ to hyɛlɔ hlaa e tohi nɛ gbɛ fĩa, nɛ e buaa a nya ekohu ɔ, jã ma hla ye to ɔmɛ a se blɔ. Ma kpaka mɛ kɛ je he tsuaa he nɛ a gbɛ fĩa ligbi ɔ nɛ jamɛ amanehlu kɔɔhiɔ yaya ba fia mɛ ɔ.

Yoel 2:2

Jamɛ a ligbi ɔ, je mi ma yu tuu; nɛ je mi tsuo pee mɔbɔmɔbɔ. Baalɛ maa ha yo ɔmɛ a nɔ tuu kaa ta buli nɛ a he ngɛ gbeye. Enɛ ɔ eko bɛ hyɛ, nɛ eko hu be bae ja gblegbleegble.

Obadia 1:15

“Be ɔ su ta nɛ imi Yawɛ, ma kojo je ma amɛ tsuo. Edom, nɔ́ nɛ o pee ɔ, a kɛ maa pee mo. O ní peemi ní ɔmɛ maa kpale ba bu o yi mi.” Mawu lɛ de.

Nahum 1:8

E kpataa e he nyɛli ɔmɛ a hɛ mi pɛsɛpɛsɛ kaa bɔ nɛ pa nguaa nɛ ngɛ bee kɛ fo kpataa níhi a hɛ mi ɔ; e gbeɔ nihi nɛ tee si woɔ lɛ ɔ.

Zefania 1:15

Jamɛ a ligbi ɔ, Mawu mi mi ma fu wawɛɛ nitsɛ; nihi a yi ma fi, nɛ a maa hao; a ma kpata níhi a hɛ mi basabasa; bɔku yumu tslitsliitsli maa wo, nɛ je ɔ mi maa pee tuu.

Mateo 22:13

Kɛkɛ nɛ matsɛ ɔ de e tsɔli ɔmɛ ke, ‘Nyɛɛ fi e nine, kɛ e nane ngɔ bla, nɛ nyɛ ya sake lɛ ngɔ fɔ tsu ɔ se ngɛ diblii ɔ mi tsitsaa. Lejɛ ɔ nɛ e maa wo ya, nɛ e ma kpe e lungu nya ngɛ.’ ”

Mateo 24:29

“Haomi nɛ maa ba jamɛ a be ɔ, ke e se po pɛ pu maa tsɔ diblii, nɛ nyɔhiɔ be kpɛe hu. Dodoehi ma tsɔ kɛ je hiɔwe ba fia si, nɛ a maa fie he wamihi nɛ bɔle je ɔ kɛ je a blɔ hehi.

Yuda 1:13

A ngɛ kaa wo mi oslɔke nɛ ngɛ kue hamahama, nɛ a zo ní ɔmɛ je kpo paa kaa hwɔli. A ngɛ kaa dodoehi nɛ ngɛ si bɔlee kɛ ngɛ yae kɛ ngɛ bae; nimli nɛ ɔmɛ ɔ, Mawu dla he ko ngɔ to mɛ momo ngɛ gbogboehi a je diblii nɛ mi ti ɔ mi.

Kpojemi 16:10

Bɔfo enuɔne ɔ plɛ e kplu ɔ mi nɔ́ ɔ ngɔ pue lohwe awi yelɔ ɔ matsɛ sɛ ɔ nɔ. Diblii wo ngɛ lohwe ɔ matsɛ yemi ɔ mi, nɛ nihi a he hia mɛ, nɛ a ta a lilɛ.