Amos 5:2 - BAIBLO ALOO NGMAMI KLƆUKLƆU Ɔ

² Israel bi nɛ nyɛ ngɛ kaa zangmawi! Nyɛ nɔ ta, nɛ nyɛ be si tee hu. A gbe nyɛ ngɔ pue nyɛ nitsɛmɛ nyɛ zugba nɔ; Nɛ nɔ ko bɛ nɛ e ba wo nyɛ nɔ.

Amos 5:2 ပူးပေါင်းရင်းမြစ်များ

Matsɛmɛ II, 15:29

Israel matsɛ, Peka yi nɔ ɔ, Asiria matsɛ, Tiglat Pileser ba ngɔ Iyon, Abel Bet Maaka, Yanoa, Kedesh, Hazor, Gilead, kɛ Galilea-Naftali zugba a tsuo; nɛ e ngɔ nimli nɛ ɔmɛ nyɔguɛ kɛ ho Asiria ya.

Matsɛmɛ II, 17:16

Mlaahi nɛ Yawɛ, a Mawu ɔ wo mɛ ɔ, a yi ekoeko nɔ; se mohu a ngɔ dade nɛ a sle kɛ pee na bi enyɔ kɛ ha a he. A pee Ashera, nɛ a ja hiɔwe níhi tsuo; a ja Baal hulɔ.

Yesaya 14:21

Nyɛɛ hyɛ nɛ nyɛɛ gbe a bimɛ ɔmɛ; nyɛ bɔni a hɛ mi kpatami koo! Matsɛ ɔ binyumu ɔmɛ ma gbo ngɛ a nɛmɛ ɔmɛ a he yayami ɔmɛ a he. Ke pi ja a, a ma ba te si ekohu; a maa ye je ɔ nɔ, nɛ a maa po mahi ha a he.”

Yesaya 24:20

E maa hi kpae kɛ hi yae kɛ hi bae kaa dã tɔlɔ, aloo ngmɔ si tsu nɛ kɔɔhiɔ sɛ mi. Yayamihi nɛ je ɔ tloo ɔ ngɛ lɛ gbee; ke e hule pue si ɔ, e be si tee gblegbleegble hu.

Yesaya 3:8

Niinɛ, musu tloo Yerusalem! Yuda hɛ mi kpata! Ejakaa a deɔ nɔ́ tsuaa nɔ́, nɛ a peeɔ nɔ́ tsuaa nɔ́ kɛ siɔ Yawɛ; a jee blɔ pueɔ Mawu nitsɛ hɛ mi si.

Yesaya 37:22

Nɔ́ nɛ Yawɛ ngɛ Asiria matsɛ ɔ dee ji nɛ ɔ nɛ: “Asiria matsɛ, Zion biyo, yomiyo ɔ ngɛ mo muɔe oo!

Yesaya 43:17

Ta nguaa nɛ ngɛ he wami, nɛ je kpo kɛ e ta zugba lɛhi kɛ okpɔngɔhi babauu ɔ, e ha mɛ tsuo a nɔ si nɛ a nyɛ we nɛ a te si hu; a la a gbo kaa kane mi tako, loo kaa kane nɛ nu ta mi.

Yeremia 14:17

Yawɛ fa mi ke ma de ma a ke, “Ye hɛngmɛ nɛ tɔ nyu nyɔ kɛ pia daa nɛ ɔ nɛ ma ko kpa ya fomi gblegbleegble. Ejakaa a fia ye ma mi bi ɔmɛ ní kɛ pue si nɛ a plaa wawɛɛ nitsɛ.

Yeremia 18:13

Yawɛ ke, “Nyɛ bi je ma amɛ tsuo kaa nɔ́ ko kaa kikɛ nɛ ɔ ba hyɛ lo. Israel ma a pee nɔ́ ko nɛ he wa wawɛɛ nitsɛ!

Yeremia 2:27

A ma pue nyɛ tsuo pɛpɛɛpɛ nyɛ hɛ mi si, nyɛ ni nɛmɛ nɛ nyɛ tsɛɔ tso ke nyɛ tsɛ, nɛ nyɛ deɔ ke nyɛ nyɛ ji tɛ sa a. Nɔ́ nɛ ɔ maa ba mi, ejakaa nyɛ tsɔ ye hɛ mi atuã, be mi nɛ e sa kaa nyɛ ba nyɛɛ ye se mohu. Se ke haomi ba nyɛ nɔ lɛɛ nyɛ deɔ ke ma ba he nyɛ yi wami.

Yeremia 31:4

Ma to nyɛ si ekohu. Nyɛ maa ngɔ nyɛ fao ɔmɛ, nɛ nyɛ maa do kɛ bua jɔmi ekohu.

Yeremia 4:20

Haomi ɔmɛ ba nɔtonɔto kɛ ya si zugba a tsuo hɛ mi kpata. A hule wa bo tsu ɔmɛ ngɔ pue si tlukaa, nɛ a hía bo ɔmɛ a mi dukuduku.

Yeremia 50:32

Nyɛ, ma he nɔ woli nɛ ɔmɛ ɔ, nyɛ ma tɛ nɔ́ nɛ nyɛ maa nɔɔ si, nɛ nɔ ko nɔ ko be nyɛ nɔ woe. Ma mɛ nyɛ ma amɛ a he la, nɛ nɔ́ tsuaa nɔ́ nɛ bɔle mɛ kɛ kpe ɔ hɛ mi ma kpata.”

Yeremia 51:64

nɛ o de ke, ‘Bɔ nɛ Babilonia ma mu kɛ ya nyu sisi ji nɛ ɔ nɛ. Babilonia ma mu, nɛ e be hiae hu, ejakaa Yawɛ ma kpata zugba a hɛ mi pɛsɛpɛsɛ.’ ” Yeremia sɛ gbi ɔ nya ta ngɛ hiɛ ɔ.

Yeremia 8:4

Yawɛ de mi ke ma de ma a ke, “Ke nɔ ko nɔ si ɔ, anɛ e ti si ekohu lo? Ke nɔ ko laa blɔ ɔ, anɛ e kpale we e se lo?

Yeremia 9:21

Gbenɔ kuɔ wa saflɛ ɔmɛ kɛ ba sɛ wa mɔ ɔmɛ a mi, nɛ e kpata wa nihewi ɔmɛ, kɛ wa yihewi ɔmɛ a hɛ mi; jokuɛwi pa fiɛ we ngɛ gbɛjegbɛ ɔmɛ a nɔ hu, nɛ nihewi kɛ yihewi ta jua amɛ a nɔ.

Yeremia 9:9

Anɛ ma ko gbla a tue ngɛ ní nɛ ɔmɛ a he lo? Ma nɛ ngɛ kaa kikɛ nɛ ɔ, ma ko gbla a tue lo? Imi, Yawɛ lɛ i ngɛ munyu tue ɔ nɛ.”

Kɔmɔ Yemi 2:13

Yerusalem, i suɔ mo! Yerusalem, mɛni ma de ha mo? Kɛ ma pee kɛ jɔɔ o bua kɛɛ? Nɔ ko nɔ ko nɛ́ amanehlu hyɛ kaa nɔ́ nɛ ba o nɔ nɛ ɔ. O haomi ɔ kle tsɔ, nɛ e nyagbe be. Mɛnɔ ma he o yi wami?

Hosea 14:1

Israel ma, nyɛɛ kpale kɛ ba Yawɛ, nyɛ Mawu ɔ ngɔ. Nyɛ yayami ɔmɛ ha nɛ nyɛ pee kaa ni komɛ nɛ tɛ nɔ́ nɛ a nɔɔ si.

Hosea 6:2

Ngɛ ligbi enyɔ mi ɔ, e ma ha wa na he wami ekohu; ligbi etɛne ɔ, e ma wo wa nɔ nɛ waa kɛ lɛ maa hi si.

Amos 8:14

Nimli nɛ ɔmɛ maa nɔ si, nɛ a be si tee hu gblegbleegble. Ejakaa a jaa mawuhi nɛ ngɛ Samaria, Dan, kɛ Beersheba a, nɛ a kɛ a biɛhi kaa kita.”

Amos 9:11

Yawɛ ke, “Amlɔ nɛ ɔ, David matsɛ yemi kpetekpleenyɛ ɔ pee kaa we ko nɛ hule ngɔ pue si. Se be ma nɛ ma ha nɛ matsɛ yemi nɛ ɔ maa da si ekohu kaa bɔ nɛ e ngɛ sa a.