Amos 5:11 - BAIBLO ALOO NGMAMI KLƆUKLƆU Ɔ

^11-12 I le kaa nyɛ peeɔ yayami agboagbohi babauu. Nyɛ waa nimli kpakpahi yi mi. Nyɛ heɔ nyɔ mi ní. Nyɛ sisiɔ ohiatsɛmɛ, nɛ nyɛ plɛɔ dami sane hɛ mi ngɔ buɔ si. Enɛ ɔmɛ a he je ɔ, mɔ kpakpahi nɛ nyɛɛ kɛ tɛ ma a, nyɛ be a mi hie. Jehanɛ se hu, wai ngmɔ saminyawiiwi nɛ nyɛ pee ɔ, nyɛ be a mi dã nue.

Amos 5:11 ပူးပေါင်းရင်းမြစ်များ

Hiob 20:19

Ejakaa e wa ohiatsɛmɛ yi mi, nɛ e kua mɛ; wehi nɛ nihi ma a, e kpɔ ngɛ a dɛ pani nya.

Yesaya 16:10

Jehanɛ lɛɛ nɔ ko nɔ ko bua jɔɛ e he ngɛ ngmɔhi nɛ baa ní saminya a a nɔ hu. Nɔ ko nɔ ko kpa we ngmlaa; nɔ ko nɔ ko la we ngɛ wai ngmɔ ɔmɛ a nɔ, nɛ nɔ ko nɔ ko ngɛ̃ wai kɛ ji wai yiblii mi hu. Lele hwɔmi ngɛ ngmɔ ɔmɛ a nɔ ɔ tsuo se po.

Ezekiel 26:12

O he nyɛli ɔmɛ ma kpɔ ní nɛ o ná a ngɛ o dɛ, nɛ a maa ha o guɛ ní. A maa ku o gbogbo ɔmɛ kɛ, o we saminyawiiwi ɔmɛ. A maa muɔ tɛ ɔmɛ kɛ tso ɔmɛ, kɛ zu ɔ tsuo kɛ ya pue wo mi.

Ezekiel 34:21

Nyɛɛ lɛɛ nyɛ tsitsɛɛɔ to hiɔtsɛmɛ ɔmɛ, nɛ nyɛ hɛɛ mɛ koli kɛ jee to kuu ɔ he kɛ yaa se.

Hosea 9:2

Ngma gbeemi he, kɛ wai muɔ mi ní be nyɛ nya sue. Wai he hu ma bɔ nyɛ.

Mose III, 26:16

lɛɛ ma ngɔ amanehlu gbeyegbeye nɛ ɔmɛ kɛ gbla nyɛ tue: hiɔ nɛ be tsa ba, kɛ asla nɛ puɛɔ nɔ hɛngmɛ, nɛ haa nɔ peeɔ hiɔtsɛ kulaa. Nyɛ ma du ní, se nɔ́ kpakpa ko be mi jee; ejakaa nyɛ he nyɛli maa ye nyɛ nɔ, nɛ mɛ mohu a ma ba ye ní ɔmɛ nɛ nyɛ du ɔ.

Amos 2:6

Yawɛ ke, “Nyɛ Israel ma, nyɛ pee yayamihi nɔtonɔto babauu. Nimli kpakpahi nɛ a hɛɛ hiɔ, kɛ dɛgutsɛmɛ nɛ a nyɛ we nɛ a wo tokota nane hiɛ kɛ hiɛ he hiɔ ɔ, nyɛ juaa mɛ kaa nyɔguɛhi. Enɛ ɔmɛ a he je ɔ, ja i gbla nyɛ tue.

Amos 2:7

Nyɛ niatsɛmɛ ɔmɛ hlaa kaa a ye ohiatsɛmɛ amimi daa; ke ohiatsɛ ngɛ amanehlu mi, kɛkɛ niatsɛ bua jɔ. Nɔ kɛ e tsɛ po kɛ nyɔguɛ yo kake naa bɔmi, nɛ a kɛ nɔ́ nɛ ɔ peemi bleɔ ye biɛ klɔuklɔu ɔ.

Amos 3:15

Ma ku wehi nɛ ngɛ ma amɛ, kɛ kɔpe ɔmɛ a mi ɔ ngɔ pue si. Wehi nɛ a kɛ suɔ wu dla a mi ɔ maa hule pue si, nɛ wehi babauu a hɛ mi ma kpata.” Yawɛ lɛ de.

Amos 3:9

Mawu de gbalɔ ɔ ke e tsɔ nɛ a ya de nihi nɛ a ngɛ mɔ nguanguahi a mi ngɛ Egipt kɛ Ashdod ke, “Nyɛ ya bua nyɛ he nya ngɛ yo ɔmɛ nɛ bɔle Samaria a nɔ, nɛ́ nyɛɛ hyɛ yayamihi nɛ a ngɛ pee ngɛ lejɛ ɔ, kɛ bɔ nɛ lejɛ ɔ pee basabasa ha.”

Amos 4:1

Amos ya nɔ nɛ e de ke, “Nyɛ Samaria yihi nɛ nyɛ plɔke pee tɔfutɔfu kaa Bashan nahi nɛ a je blɔ lɛ mɛ, nyɛɛ bu tue! Nyɛ nɛ nyɛ waa ohiatsɛmɛ yi mi, nɛ nyɛ sisiɔ dɛgutsɛmɛ, nɛ nyɛ nyɛɔ nyɛ hunomɛ a nɔ ke a ha nyɛ dã nɛ nyɛɛ nu!

Amos 6:11

Lɔ ɔ he ɔ, ke Yawɛ wo gbi ɔ, a maa ku we nguangua amɛ, kɛ wawi ɔmɛ tsuo ngɔ pue si.

Amos 6:12

Anɛ okpɔngɔhi ma nyɛ maa tu fo ngɛ tɛ sa nɔ lo? Dɛbi! Anɛ nɔ ko ma nyɛ ma hu wo mi kɛ na kpakplaa lo? Dɛbi! Se nyɛɛ lɛɛ nyɛ tsake dami sane yemi kɛ pee duɔ; nyɛ tsake nɔ́ nɛ da kɛ pee nɔ́ nɛ dɛ.

Amos 8:4

Nyɛ jua yeli nɛ nyɛ kpɔɔ níhi ngɛ dɛgutsɛmɛ a dɛ, nɛ nyɛ hlaa kaa nyɛ ma kpata ohiatsɛmɛ nɛ ngɛ zugba a nɔ ɔ a hɛ mi, nyɛɛ bu tue!

Amos 9:14

Ma kpale nyɛ, ye ma a kɛ ba nyɛ zugba a nɔ ekohu. Nyɛ ma ba dla nyɛ ma doku ɔmɛ, nɛ nyɛ maa hi a mi. Nyɛ ma du wai yiblii, nɛ nyɛ ma na wai maa nu. Nyɛ ma hu ngmɔ, nɛ nyɛ maa ye e mi ní.

Mika 1:6

Lɔ ɔ he ɔ Yawɛ ke, “Ma ha nɛ Samaria maa pee kaa kuku ngɛ nga nɔ, he nɛ a ma du wai tsohi ngɛ. Ma kpɛne tɛhi ngɛ ma a mi kɛ wo kɔ̃ ɔ mi, nɛ ma a sisi tomi ɔ maa je kpo.

Mika 2:2

A hɛ kɔɔ nihi a zugbahi a nɔ, nɛ a kpɔɔ zugba amɛ pani nya; ke we ko nɛ muɔ a hɛ hu, a ngɔɔ faa. A kpɔɔ nihi a wehi ngɛ a dɛ, nɛ a juɔ a weto níhi.

Mika 6:15

Nyɛ ma du ní, se nyɛ be ní kpae. Nyɛ maa nga oliv yiblii kɛ pee nu, se nyɛ be nu kpae. Nyɛ maa pee wai, se nyɛ be nue.

Zefania 1:13

A maa ha a níhi, nɛ a we ɔmɛ maa pee we dokuhi. Wehi nɛ a ngɛ poe ɔ, a be a mi hie, nɛ wai ngmɔhi nɛ a ngɛ hue ɔ, a be a mi dã nue.”

Hagai 1:6

Nyɛ du ní gidiglɛmɛɛ, se nyɛ kpa bɔbɔyoo pɛ. Nyɛ yeɔ ni, se nyɛ tɔɛ gblee. Nyɛ nuɔ dã, se e sui nyɛ nya. Nyɛ ngɛ heha ní, se e ha we nɛ nyɛ he mi nɛ pee kulɔɔ. Nyɛ yeɔ apaa, nɛ a woɔ nyɛ hiɔ, se nyɛ kɛ woɔ kotoku nɛ sisi gu mi. Yawɛ Tabohiatsɛ ɔ ke, ‘Nyɛ na bɔ nɛ níhi ngɛ yae ha.’

Malaki 1:4

Ke Esau nina Edom bi ma de ke, “A ywia wa ma amɛ lɛɛ, se wa maa ma mɛ ekohu” ɔ, Yawɛ Tabohiatsɛ ɔ ma he nɔ ke, “Ha nɛ a dla nɛ a ma; ke a ma a, ma ku ngɔ pue si ekohu kɛ yaa si a maa wo mɛ biɛ ke ‘Zugba nɛ a peeɔ yi wu tso ní ngɛ nɔ, kɛ ma nɛ Yawɛ mi mi fu mɛ kɛ yaa neneene.’ ”

Mose V, 28:30

“Nyɛ ma bi yo si, se nyumu kpa maa ngɔ lɛ; nyɛ maa ma tsu, se nyɛ be mi hie; nyɛ ma hu wai ngmɔ, se nyɛ be e mi wai yiblii ɔ eko yee.

Yakobo 2:6

Se nyɛ pueɔ ohiatsɛmɛ ɔmɛ a hɛ mi si. Anɛ pi niatsɛmɛ ɔmɛ nɛ waa nyɛ yi mi ɔ? Anɛ pi mɛ nɛ a ngɔɔ nyɛ kɛ yaa kojomi he ɔ?