Amos 4:6 - BAIBLO ALOO NGMAMI KLƆUKLƆU Ɔ

⁶ “Imi lɛ i ha nɛ hwɔ ba nyɛ ma amɛ tsuo a mi ɔ nɛ; se kɛ̃ ɔ, nyɛ kpale we kɛ bɛ ye ngɔ.” Yawɛ lɛ de.

Amos 4:6 ပူးပေါင်းရင်းမြစ်များ

Matsɛmɛ I, 17:1

Gbalɔ ko nɛ a tsɛɛ lɛ Eliya, nɛ je Tishbe ngɛ Gilead ɔ de Matsɛ Ahab ke, “Ina Yawɛ, Israel Mawu ɔ nɛ i jaa lɛ ɔ kaa bɔ́, aloo hiɔmi be nɛe ngɛ hiɛmɛ nɛ ɔ jeha enyɔ, loo etɛ kɛ yaa si be nɛ ma tsɔɔ.”

Matsɛmɛ I, 18:2

Nɛ Eliya pue nɔ kɛ ho. Jamɛ a be ɔ, hwɔ ɔ nya wa wawɛɛ ngɛ Samaria,

Matsɛmɛ II, 4:38

Benɛ Elisha kpale e se kɛ ba Gilgal ɔ, jamɛ a be ɔ mi ɔ, hwɔ ba zugba a nɔ. Ligbi ko, benɛ gbali a kuu ɔ hii si ngɛ e hɛ mi nɛ e ngɛ mɛ ní tsɔɔe ɔ, e de e tsɔlɔ ɔ ke, “Ngɔɔ pɔ buɛ agbo ɔ kɛ ma la nɔ, nɛ o pee ní ha gbali a kuu ɔ nɛ a ye.”

Matsɛmɛ II, 8:1

Elisha de Shunem yo ɔ nɛ e binyumu ɔ gbo, nɛ lɛ, Elisha a tle lɛ si ɔ ke, “Moo mia nɛ o kɛ o we mi bi ɔmɛ nyɛɛ ho nɛ nyɛ ya to nubwɔ ngɛ he tsuaa he nɛ nyɛ ma na; ejakaa Yawɛ ma ha nɛ hwɔ maa ba zugba a nɔ jeha kpaago.”

Kronika II, 28:22

Kikɛmɛ a Matsɛ Ahaz nɛ ɔ, benɛ e yi ba fi wawɛɛ nitsɛ po, e pee yayami babauu kɛ si Yawɛ pe kekle ɔ.

Yesaya 26:11

Yawɛ, o to kaa o maa gbla he nyɛli ɔmɛ a tue, se a li tete. Ha nɛ zo nɛ gbe mɛ, nɛ a na nɔ́. Gbla a tue kaa bɔ nɛ o to ha mɛ ɔ. Ha nɛ a na kaa o suɔ o ma a sane saminya.

Yesaya 3:1

Bu tue! Nyɔmtsɛ Yawɛ Tabohiatsɛ ɔ be blɔ ngmɛe nɛ nihi nɛ a ba ye bua Yuda ma a, kɛ Yerusalem hu. E ma ha a niye ní, kɛ nyu maa ta.

Yesaya 9:12

Siria ngɛ beleku je, nɛ Filistia ngɛ bonyoku je. A pa a nya mi hatoo, konɛ a mii Israel. Enɛ ɔ tsuo se ɔ, Yawɛ mi mi fumi ɔ se be poe kɛ yaa si e ma kpata a hɛ mi pɛsɛpɛsɛ.

Yesaya 9:13

Israel bi ɔmɛ kpale we kɛ bɛ Yawɛ Tabohiatsɛ ɔ ngɔ. E ngɛ mi kaa e gbla a tue bɔ nɛ sa lɛɛ,

Yeremia 14:18

Ke i je kpo kɛ ya nga nɔ ɔ, i naa nihi nɛ a gbe mɛ ngɛ ta mi ngɔ pue si. Ke i ya ma amɛ a mi hu i naa nihi nɛ hwɔ gbe mɛ ngɔ pue si. Se gbali ɔmɛ, kɛ osɔfo ɔmɛ lɛɛ kpami kɛkɛ a hii kpae ngɛ zugba nɛ a li nɔ.”

Yeremia 5:3

Anɛ pi anɔkuale yemi pɛ nɛ Yawɛ suɔ lo? Yawɛ fia nyɛ ní, se nyɛ bui fɛɛ. Yawɛ kpata nyɛ hɛ mi, se nyɛ kase we ní kɛ ji mi. Nyɛ kplii nyɛ tsui kaa tɛ sa, nɛ nyɛ kpale we kɛ ji nyɛ yayami ɔmɛ a se.

Ezekiel 14:21

Bɔ nɛ Nyɔmtsɛ Yawɛ ngɛ dee ji nɛ ɔ nɛ: “Ma ha tue gblami nɛ nya wa eywiɛ nɛ ɔmɛ maa ba Yerusalem nɔ: ta, hwɔ, lohwe awi yeli, kɛ gbenɔ hiɔ. Nimlihi, kɛ lohwehi tsuo a hɛ mi ma kpata ngɛ lejɛ ɔ.

Ezekiel 16:27

“Lɔ ɔ he ɔ, i kɛ ye he wami gbla o tue, nɛ i po o niye ní ɔ nɔ. I ngɔ mo kɛ wo o he nyɛli Filisti bi ɔmɛ a dɛ mi. Ahlua ní kpɔtɔɔ nɛ o ngɛ pee ɔ, pee Filisti bi ɔmɛ tete po zo.

Hosea 11:5

“Akɛnɛ a kua ye ngɔ bami ɔ, a maa kpale kɛ ho Egipt ya, nɛ Asiria maa ye a nɔ.

Hosea 5:15

“Ma ngmɛɛ ye ma a he, konɛ a na nɔ́ wawɛɛ. Kɛkɛ ɔ, a ma pia a he ngɛ a yayami ɔmɛ a he, nɛ a ma hla ye se blɔ. Ke a yi fi ɔ, a ma ba kpa mi pɛɛ.”

Yoel 1:16

Pi wa niba ní nɛ wa ngɛ hyɛe nɛ hɛ mi ngɛ kpatae nɛ ɔ? Bua jɔmi, kɛ nyami se po ngɛ wa Mawu ɔ we ɔ.

Mose III, 26:23

“Ke tue gblami nɛ ɔmɛ tsuo a se ɔ, nyɛ bui mi tue, se mohu nyɛ ya nɔ tsɔ atuã kɛ mwɔɔ ɔ,

Mose III, 26:26

Ma ha nɛ nyɛ niye ní se maa po kulaa. Niye ní he maa hia bɔ nɛ abolo tsuo nɛ nyɛ maa ye ɔ, yihi nyɔngma pɛ maa sã ngɛ flɔɔnɔɔ kake mi. A maa ngmɛ abolo ɔ ngɛ sɛni tɛ nɔ ha nyɛ, nɛ ke nyɛ ye ɔ nyɛ be tɔe.

Hagai 2:17

Imi nitsɛ lɛ i ha nyɛ ní ɔmɛ fu ja, nɛ kɔɔhiɔ nɛ nglaa ní, kɛ gbiɛ ngo ngu ba kpata nɔ́ tsuaa nɔ́ nɛ nyɛ gbo he dengme ɔ hɛ mi, se kɛ̃ ɔ, nyɛ tsakee we nyɛ tsui.

Mose V, 28:38

“Nyɛ ma du ní babauu ngɛ nyɛ ngmɔ mi, se ní bɔɔ pɛ nyɛ ma kpa; ejakaa baalɛ maa ye nyɛ niba ní ɔmɛ.

Kpojemi 2:21

I ha lɛ be, konɛ e kɛ tsake e tsui, se e sume kaa e ma kpa e yakayaka nyɛɛmi ɔ.

Rut Womi 1:1

Manyadali ɔmɛ a yi nɔ, benɛ matsɛmɛ na we nɛ a bɔni Israel ma a nɔ yemi lolo ɔ, hwɔ ba zugba a nɔ. Lɔ ɔ he ɔ, nyumu ko nɛ a tsɛɛ lɛ Elimelek, nɛ je Efrat weku ɔ mi, kɛ e yo Naomi, kɛ a bimɛ nihewi enyɔ, Malon kɛ Kilion, hia kɛ je Betlehem ngɛ Yuda zugba a nɔ kɛ ya to nubwɔ ngɛ Moab zugba a nɔ. Benɛ a ngɛ lejɛ ɔ,