Amos 4:3 - BAIBLO ALOO NGMAMI KLƆUKLƆU Ɔ

³ A maa gbla nyɛ ti nɔ tsuaa nɔ kɛ gu gbogbo puɔ nɛ ngɛ e hɛ mi tɛɛ ɔ mi, nɛ a ma sake nyɛ ngɔ fɔ he.’ ” Yawɛ lɛ de.

Amos 4:3 ပူးပေါင်းရင်းမြစ်များ

Matsɛmɛ II, 25:4

a ywia gbogbo ɔ nɛ a fia kɛ wo ma a he ɔ. Jamɛ a be ɔ mi ɔ, Babilonia bi ɔmɛ bɔle ma a kɛ kpe mohu, se matsɛ ɔ, kɛ ta buli ɔmɛ tsuo tu fo nyɔ ɔ mi. A gu matsɛ abɔɔ ɔ mi kɛ ya be ngɛ agbo ɔ nɛ ngɛ gbogbo enyɔ ɔmɛ a kpɛti ɔ nya; nɛ a ngɔ a yi ngɔ ka Yordan kɔ̃ ɔ mi blɔ.

Matsɛmɛ II, 7:15

Tsɔli ɔmɛ nyɛɛ Siria bi ɔmɛ a se kɛ ya su Yordan pa a nya tɔɔ. Benɛ a yaa a, a na tadehi, kɛ ní kpa komɛ nɛ Siria bi ɔmɛ sake ngɔ pue blɔ ɔ tue benɛ a ngɛ fo tue esɔesɔ ɔ. Tsɔli ɔmɛ kpale a se kɛ ba nɛ a ba bɔ matsɛ ɔ amaniɛ.

Yesaya 2:20

Jamɛ a be ɔ, ni ɔmɛ ma sake amaga amɛ nɛ a kɛ sika tsu kɛ sika hiɔ pee nɛ a ma ja a ngɔ hɛ fɔ he ha jesihi kɛ apanihi.

Yesaya 31:7

Be ma nɛ nyɛ tsuo nyɛ ma sake amaga amɛ nɛ nyɛɛ kɛ pee yayami ɔ ngɔ pue he. Amaga nɛ ɔmɛ ɔ, nyɛ nitsɛmɛ nyɛ ngɔ sika tsu, kɛ sika hiɔ kɛ pee.

Yeremia 52:7

a hule gbogbo ɔ nɛ a fia kɛ wo ma a he ɔ. Jamɛ a be ɔ mi ɔ, Babilonia bi ɔmɛ bɔle ma a kɛ kpe mohu, se matsɛ ɔ, kɛ ta buli ɔmɛ tsuo tu fo nyɔ ɔ mi. A gu matsɛ abɔɔ ɔ mi kɛ ya be ngɛ agbo ɔ nɛ ngɛ gbogbo enyɔ ɔmɛ a kpɛti ɔ mi, nɛ a ngɔ a yi ngɔ ka Yordan kɔ̃ ɔ mi blɔ.

Ezekiel 12:12

Ke du bu ɔ, Yerusalem ganɔ ɔ maa fi tlomi kɛ fɔ e konɔ, nɛ e maa ywia gbogbo ɔ he ko, nɛ e maa gu puɔ ɔ mi kɛ je kpo. E maa ngɔ nɔ́ kɛ ha e hɛ mi, nɛ he nɛ e yaa a, e hɛngmɛ be hyɛe.

Ezekiel 12:5

Benɛ a ngɛ mo hyɛe ɔ, ywia gbogbo ɔ he ko, nɛ o gu puɔ ɔ mi kɛ je kpo.

Amos 6:7

Enɛ ɔ he je ɔ, nyɛ ji kekleekle nihi nɛ a maa nuu nyɔguɛ kɛ ho. Nɛ nyɛ bua jɔmi ɔ se maa po.

Zefania 1:18

Ligbi ɔ nɛ Yawɛ ma je e mi mi fumi ɔ kpo ɔ, nɔ́ ko nɔ́ ko be nyɛe ma he ma a yi wami: sika hiɔ jio, sika tsu jio. E kɛ e mi mi fumi ɔ ma kpata je ɔ tsuo hɛ mi kaa bɔ nɛ la sãã nɔ́ ɔ. E maa gbe níhi tsuo ngɛ je ɔ mi si kake too.

Mateo 16:26

Mɛni se nɔ ko ma na ke e nine su je ɔ tsuo nɔ, se e laa e klaa? Dɛbi! Nɔ́ ko be nɛ e ma ngɔ ha nɛ e kɛ kpɔ e klaa a.

Manyadali 5:17

Gilead tlɔ Yordan pa a se; Dan hu, mɛni he je e tlɔ lɛ ɔmɛ a he ɔ? Asher hii si kpoo ngɛ wo ɔ nya he nɛ lɛ ɔmɛ ba saa si ngɛ ɔ.