Amos 4:13 - BAIBLO ALOO NGMAMI KLƆUKLƆU Ɔ

¹³ Mawu lɛ puɛ yo ɔmɛ. Lɛ nɛ e pee kɔɔhiɔ, nɛ e haa nɛ nɔmlɔ adesa leɔ e yi mi tomi; Mawu haa nɛ piani peeɔ nyɔ mi. Lɛ nɛ e yeɔ je ɔ tsuo nɔ. E biɛ ji Yawɛ Tabohiatsɛ!

Amos 4:13 ပူးပေါင်းရင်းမြစ်များ

Amos 5:8

Mawu lɛ bɔ dodoehi nɛ́ jeɔ gbo kɛ gbiɛ. E haa nɛ nyɔ mi peeɔ piani, nɛ piani peeɔ nyɔ mi. E yɛɔ nyu kɛ jeɔ wo mi, nɛ e plɛɔ kɛ pueɔ zugba. Lɛ ji Yawɛ ɔ nɛ.

Mika 1:3

Yawɛ kple si kɛ je e hi he klɔuklɔu ɔ kɛ ma. E ma ba nyɛɛ yo ɔmɛ a yi mi ngɛ je ɔ mi.

Amos 9:6

Yawɛ poɔ e we ngɛ hiɔwe, nɛ e ngɔɔ hiɔwe nɔ́ mluguduu ɔ kɛ haa zugba a hɛ mi. E yɛɔ nyu kɛ jeɔ wo mi nɛ e plɛɔ kɛ pueɔ zugba. Lɛ ji Yawɛ!

Yesaya 47:4

Israel Mawu klɔuklɔu ɔ ha wa ye wa he. E biɛ ji Yawɛ Tabohiatsɛ.

Daniel 2:28

Se Mawu ko ngɛ hiɔwe nɛ jeɔ laami sanehi kpo ngɔ tsɔɔ. Mawu nɛ ɔ ji nɔ nɛ je ngɔ tsɔɔ mo Matsɛ Nebukadnezar ngɛ nlami mi, nɔ́ nɛ maa ba hwɔɔ se ɔ nɛ. Nlami nɛ o nla, kɛ nina nɛ o na, benɛ o hwɔ mahe ɔ ji nɛ ɔ nɛ.

Yeremia 13:16

Nyɛɛ wo Yawɛ, nyɛ Mawu ɔ hɛ mi nyami be mi nɛ e ha we nɛ diblii nɛ wo nyɛ nɛ nyɛ ba tɛ si ngɛ yoku ɔmɛ a nɔ, be mi nɛ e ha we nɛ la nɛ nyɛ ngɛ blɔ hyɛe ɔ nɛ plɛ pee diblii kpii.

La 65:6

Mo nɔuu nɛ o ngɔ yo gojogojoo ɔmɛ ngɔ ma si kpɛii ngɛ o he wami kpetekpleenyɛ ɔ nya.

Mose V, 33:29

A gbaa nyɛ, Israel ma. Ma ko ma ko be kaa nyɛ ma nɛ Yawɛ he nyɛ yi wami. Yawɛ ji nyɛ tsɛ̃i kɛ klaate. Lɛ ji nɔ nɛ faa nyɛ he. Lɛ ji nɔ nɛ haa nyɛ yeɔ kunimi. Nyɛ he nyɛli ɔmɛ ma ba kpa nyɛ pɛɛ ke nyɛɛ na mɛ mɔbɔ; se nyɛɛ lɛɛ nyɛ maa naa a nɔ.”

Zakaria 12:1

Sɛ gbi nɛ je Yawɛ ngɔ nɛ kɔɔ Israel he ji nɛ ɔ nɛ. Yawɛ ji nɔ nɛ bɔ hiɔwe kɛ zugba; lɛ nɛ ha nɔmlɔ adesa wami. Yawɛ ke,

Amos 8:9

Jamɛ a ligbi ɔ, ma ha nɛ pu maa nɔ si piani katakata, nɛ je ɔ mi maa wo diblii. Imi, Nyɔmtsɛ Yawɛ lɛ i de.

Yeremia 51:19

Yakob Mawu ɔ be kaa mɛ; lɛ ji nɔ nɛ pee nɔ́ tsuaa nɔ́, nɛ e hla Israel kɛ pee lɛ nitsɛ e ma. E biɛ ji Yawɛ Tabohiatsɛ.

Yeremia 10:16

Yakob Mawu ɔ be kaa mɛ; lɛ ji nɔ nɛ pee nɔ́ tsuaa nɔ́, nɛ e hla Israel kɛ pee lɛ nitsɛ e ma. E biɛ ji Yawɛ Tabohiatsɛ.

Yesaya 40:12

Mɛnɔ lɛ hɛɛ nyu tsuo nɛ ngɛ wo mi ɔ ngɛ e dɛ kɔkɔ mi hyɛ? Mɛnɔ lɛ ngɔ e nine mi blimi kɛ susu hiɔwe hyɛ? Mɛnɔ lɛ ngɔ je nɛ ɔ mi tabo zu tsuo kɛ wo kplu mi hyɛ? Loo e ngmɛ yo ɔmɛ, kɛ yoku ɔmɛ ngɛ sɛni nɔ hyɛ?

Mose V, 32:13

“E ha e ma a ye yo nɔ zugba amɛ a nɔ, nɛ a ye ngmɔ ɔmɛ a mi niba ní. E ma a ná hwo kɛ je tɛ sa mi; nɛ oliv tso ɔmɛ hu plɔke ngɛ zugba nɛ tɛ ngɛ mi ɔ nɔ.

Mose II, 14:20

ngɛ Egipt tabo ɔ, kɛ Israel tabo ɔ a kpɛti. Bɔku ɔ ha diblii wo Egipt bi ɔmɛ, se Israel bi ɔmɛ lɛɛ a hyɛ nɔ. Lɔ ɔ he ɔ, tabo enyɔ ɔmɛ nyɛ we nɛ a su a sibi a he nɛ je kɛ na.

Mose II, 10:22

Mose pee ja, nɛ diblii kpii wo ngɛ Egipt ligbi etɛ.

Yohane 3:8

Kɔɔhiɔ ɔ, e fiaa kɛ yaa he tsuaa he nɛ e suɔ; o nuɔ e fiami ɔ, se he nɛ e je, kɛ he nɛ e yaa lɛɛ o li. Kikɛ nɛ ɔ nɔ tsuaa nɔ nɛ a je Mumi mi fɔ lɛ ɔ ngɛ.”

Habakuk 3:19

Nyɔmtsɛ Yawɛ lɛ haa mi he wami. Lɛ nɛ haa ye nane maa si saminya kaa bayelɔ nɔ́; nɛ i naa tue mi jɔmi ngɛ yo ɔmɛ a nɔ.”

Amos 6:8

Yawɛ Tabohiatsɛ Mawu ɔ ka e he kita ke, “Israel bi ɔmɛ a he nɔ womi ɔ, i hiee; a mɔ nguangua amɛ hu, i sume. Ma ngɔ a matsɛ ma a, kɛ e mi níhi tsuo kɛ ha a he nyɛli.”

Amos 5:27

nɛ ma ngɔ nyɛ kaa nyɔguɛhi kɛ maa ya Damasko se tsitsaa a.” Yawɛ Tabohiatsɛ Mawu ɔ lɛ de.

Amos 3:13

Yawɛ Tabohiatsɛ ɔ ke, “Lɔ ɔ he ɔ, nyɛɛ bu tue, konɛ nyɛɛ bɔ Yakob nina a kɔkɔ.

Yeremia 51:16

Ke e wo gbi kikɛ nɛ ɔ, nyu nɛ ngɛ hiɔwe ɔ keɔ wawɛɛ nitsɛ; Yawɛ haa nɛ afua teɔ si kɛ jeɔ zugba a nyagbe he ɔmɛ. E haa oslabai gbaa, be mi nɛ hiɔmi ngɛ nɛe, nɛ e jeɔ kɔɔhiɔ kpo kɛ jeɔ e nito he ɔ.

Yeremia 10:13

Ke e wo gbi kikɛ nɛ ɔ, nyu nɛ ngɛ hiɔwe ɔ keɔ wawɛɛ nitsɛ; Yawɛ lɛ haa afua teɔ si kɛ jeɔ zugba a nyagbe he ɔmɛ. E haa oslabai gbaa be mi nɛ hiɔmi ngɛ nɛe, nɛ e jeɔ kɔɔhiɔ kpo kɛ jeɔ e nito he ɔ.

Yesaya 48:2

Nyɛ siɔ nyɛ gugue, nɛ nyɛ deɔ ke ma klɔuklɔu ɔ mi bi ji nyɛ; nyɛ deɔ hu ke Israel Mawu nɛ e biɛ ji Yawɛ Tabohiatsɛ ɔ nɔ nyɛ ngɔ nyɛ hɛ ngɔ fɔ.

Yesaya 5:30

Jamɛ a ligbi ɔ, a ma hwɔ hoo kɛ wo Israel kaa wo nɛ gli. Ke nɔ ko hyɛ zugba a nɔ ɔ, e maa na kaa e nɔ wo diblii. E pee gbeye kɛ aywilɛho. E nɔ wo diblii kpii; la ko be.

La 147:18

Ke e fa a, gbiɛ ngo ngu ɔmɛ sileɔ; e haa kɔɔhiɔ fiaa, kɛkɛ nyu ɔ bɔni nyɛɛmi.

La 139:2

Ye si himi, kɛ ye si temi tsuo o le, ye yi mi tomi tsuo pɛpɛɛpɛ, o le momo.

La 135:7

Lɛ nɛ e haa bɔku teɔ si ngɛ je ɔ nyagbe he; e pee oslabai kɛ ha hiɔmi, nɛ e jeɔ kɔɔhiɔ kpo kɛ jee e to he ɔmɛ.

Yohane 2:25

E hia we pohu nɛ nɔ ko nɛ ye nɔmlɔ adesa he odase kɛ tsɔɔ lɛ, ejakaa lɛ nitsɛ e le nɔmlɔ yi mi.

Mateo 9:4

Se Yesu na a juɛmi ɔ, nɛ e bi ke, “Mɛni he je nyɛ ngɛ ní yayahi susue ngɛ nyɛ tsui mi ɔ?

Daniel 2:30

Imi lɛɛ tsa pi ní nɛ i le tsɔ pe nɔ ko he je nɛ a je nɔ́ nɛ ɔ ngɔ tsɔɔ mi. A pee nɔ́ nɛ ɔ, bɔ nɛ pee nɛ nlami nɛ o nla nɛ wo o he gbeye ɔ, a tsɔɔ mo nɛ o nu sisi.

Yoel 2:2

Jamɛ a ligbi ɔ, je mi ma yu tuu; nɛ je mi tsuo pee mɔbɔmɔbɔ. Baalɛ maa ha yo ɔmɛ a nɔ tuu kaa ta buli nɛ a he ngɛ gbeye. Enɛ ɔ eko bɛ hyɛ, nɛ eko hu be bae ja gblegbleegble.

Hiob 9:7

E nyɛɔ faa nɛ pu ti si, nɛ dodoehi hu kpɛ we.

Yesaya 45:7

Imi ji nɔ nɛ bɔ la kɛ diblii tsuo. Imi ji nɔ nɛ haa he jɔmi baa, haomi hu imi nɔuu. Imi Yawɛ ji nɔ nɛ peeɔ ní nɛ ɔmɛ tsuo.

Yeremia 46:18

Imi Yawɛ Tabohiatsɛ ɔ, imi ji Mawu hɛ kalɔ ɔ nɛ. Kaa bɔ nɛ Tabor yo ɔ daa si gagaa ngɛ yo ɔmɛ a kpɛti, aloo kaa bɔ nɛ Karmel yo ɔ daa si ngɛ wo tue ɔ, jã ji bɔ nɛ nɔ nɛ ma mo tuami ɔ e he wami ngɛ.

Hosea 12:6

Lɔ ɔ he ɔ, Yakob nina, nyɛɛ ngɔ nyɛ hɛ ngɔ fɔ nyɛ Mawu ɔ nɔ, nɛ nyɛɛ kpale kɛ ba e ngɔ. Nyɛɛ suɔ lɛ anɔkuale mi, nɛ́ nyɛɛ ye dami sane. Nyɛɛ to nyɛ tsui si, nɛ́ nyɛɛ hyɛ nyɛ Mawu ɔ blɔ.