Amos 4:12 - BAIBLO ALOO NGMAMI KLƆUKLƆU Ɔ

¹² “Lɔ ɔ he ɔ, Israel ma, ma gbla nyɛ tue. Nyɛ dla nyɛ he nɛ nyɛɛ kɛ imi, nyɛ Mawu ɔ ba kpe!”

Amos 4:12 ပူးပေါင်းရင်းမြစ်များ

Yesaya 32:11

Nyɛ yihi nɛ nyɛ he mi jɔ nyɛ, nɛ haomi ko be nyɛ nɔ, jehanɛ lɛɛ nyɛɛ ye gbeye, nɛ nyɛ he nɛ do blibliibli! Nyɛ kpa bo ngɛ nyɛ he, nɛ nyɛɛ hɛɛ nyɛ he gu. Nyɛɛ ngɔ kpekpe ya bo kɛ fi nyɛ mlɛ mi.

Yesaya 47:3

Nihi maa na o he gu ɔ; a maa na o zo kpɔtɔɔ ɔ. Ma ha tue gblami maa ba, nɛ nɔ ko nɔ ko be ye nya tsie.”

Yesaya 64:2

I ná nɛ yo ɔmɛ mimiɛ ngɛ o hɛ mi kaa bɔ nɛ lɛ́ tsɔwi la tsoo nɛ e haa nyu fiaa gudaguda ngɛ la nɔ ɔ. Ke e ba mi ja a, o he nyɛli ɔmɛ maa nu o he, nɛ je ma amɛ a he maa do blibliibli ngɛ o hɛ mi!

Yeremia 5:22

Imi ji Yawɛ; mɛni he je lɛ nyɛ yi mi gbeye? Mɛni he je nyɛ he dui blibliibli ngɛ ye hɛ mi? Imi lɛ i ngɔ zia kɛ wo huzu ha wo, huzu nɛ ngɛ daa kɛ daa, nɛ wo be nyɛe maa hane ligbi ko ligbi ko. Ke wo gli kaa mɛni, e be nyɛe maa hane huzu nɛ ɔ. Ke oslɔkehi ngɛ kue nɛ wo ɔ pee hamahama kaa mɛni, e be nyɛe maa be huzu nɛ ɔ he gblegbleegble.

Ezekiel 13:5

Israel ma a gbogbo ɔ hehi nɛ ku kɛ pueɔ si ɔ, a ya bui ngɛ lejɛ ɔmɛ, nɛ a dla we nɛ a fia gbogbo ɔ kɛ wo ma a he. Lɔ ɔ he ɔ, ma a be ta a nya nyɛe maa da ngɛ Yawɛ ligbi ɔ nɔ.

Ezekiel 22:30

I hla nɔ ko nɛ maa po piɛ kɛ wo a he, loo nɛ e maa tsi puɔ ɔ nɛ ngɛ gbogbo ɔ mi ɔ ha ma a, konɛ ma ko puɛ zugba a, se i nɛ nɔ ko nɔ ko.

Hosea 13:8

Ma ba tua nyɛ kaa osisiblisi nɛ a nu e bimɛ. Ma fɛ nyɛ mi, nɛ ma ye lo ɔ ngɛ lejɛ ɔ nɔuu kaa jata; ma tsɔtslɔɔ nyɛ mi kaa bɔ nɛ lohwe dikalɔ peeɔ ɔ.

Amos 2:14

Nyɛ kpɛti nihi nɛ a he sɔɔ po be nyɛe nɛ a tu fo kɛ je. Nihi nɛ a he wa a ma gbɔjɔ; nɛ ta buli ɔmɛ be nyɛe nɛ a he mɛ nitsɛmɛ a yi wami.

Mateo 24:44

Lɔ ɔ he ɔ, nyɛ hu nyɛ dla nyɛ he kɛ to; ejakaa Nɔmlɔ Bi ɔ maa ba tlukaa be mi nɛ nyɛ hɛ be nɔ.

Mateo 5:25

“Ke nɔ ko sama mo, nɛ nyɛ ngɛ blɔ ɔ nɔ kɛ yaa kojomi he ɔ, o kɛ lɛ nɛ tsa mla. Ke pi ja a, o pɛbilɔ ɔ maa ngɔ mo ya wo kojolɔ ɔ dɛ mi; kojolɔ hu maa ngɔ mo ya wo tsɔlɔ ɔ dɛ mi, nɛ a maa wo mo tsu.

Kpojemi 3:3

Lɔ ɔ he ɔ, kaii nɔ́ nɛ a tsɔɔ mo, kɛ nɔ́ nɛ o nu ɔ. Bu tue, nɛ o tsake o tsui. Ke o pee we ja a, ma ba na mo tlukaa kaa julɔ be mi nɛ o hɛ be o he nɔ.