Amos 4:1 - BAIBLO ALOO NGMAMI KLƆUKLƆU Ɔ

¹ Amos ya nɔ nɛ e de ke, “Nyɛ Samaria yihi nɛ nyɛ plɔke pee tɔfutɔfu kaa Bashan nahi nɛ a je blɔ lɛ mɛ, nyɛɛ bu tue! Nyɛ nɛ nyɛ waa ohiatsɛmɛ yi mi, nɛ nyɛ sisiɔ dɛgutsɛmɛ, nɛ nyɛ nyɛɔ nyɛ hunomɛ a nɔ ke a ha nyɛ dã nɛ nyɛɛ nu!

Amos 4:1 ပူးပေါင်းရင်းမြစ်များ

Matsɛmɛ I, 16:24

E he Samaria yoku ɔ ngɛ nyumu ko nɛ a tsɛɛ lɛ Shemer ɔ dɛ sika hiɔ yi akpe ekpa. Omri po ma ngɛ yoku ɔ nɔ, nɛ e fia gbogbo ngɔ wo he. E kɛ yoku ɔ tsɛ biɛ Shemer ɔ wo ma a, nɛ ma a biɛ ba pee Samaria.

Hiob 20:19

Ejakaa e wa ohiatsɛmɛ yi mi, nɛ e kua mɛ; wehi nɛ nihi ma a, e kpɔ ngɛ a dɛ pani nya.

Hiob 24:4

A fieɔ ohiatsɛmɛ kɛ jeɔ a blɔ nɔ, nɛ ohiatsɛmɛ ɔmɛ ya buaa a he nya nɛ a laa a he.

La 12:5

Se Yawɛ ke, “Akɛnɛ a ngɛ ohiatsɛmɛ yi mi wae, nɛ dɛgutsɛmɛ ngɛ kɛmɛe he je ɔ, jehanɛ lɛɛ ma te si, nɛ ma ha mɛ he jɔmi nɛ a ngɛ hlae ɔ.”

La 140:12

Yawɛ, i le kaa nihi nɛ a ní ngɛ mɔbɔ ɔ, mo lɛ o hyɛɛ a nɔ, nɛ o yeɔ ohiatsɛmɛ a sane ha mɛ.

La 22:12

He nyɛli kpanakuhi babauu bɔle mi kɛ kpe; a he ngɛ gbeye kaa na kuhi nɛ je Bashan zugba a nɔ.

Abɛ Womi 22:7

Niatsɛ nyɔguɛ ji ohiatsɛ. Ke o pa sika ngɛ nɔ ko dɛ kɛkɛ o plɛ pee e nyɔguɛ.

Fiɛlɔ 4:1

Jehanɛ se hu, i na kaa yi mi sɔuu lɛ a ngɛ wae ngɛ je ɔ mi. Nɔ́ nali ngɛ ya foe, nɛ nɔ ko be nɛ maa jɔɔ a bua. Bua wolɔ ko be mɛ, ejakaa nihi nɛ ngɛ mɛ yi mi wae ɔ, he wami ngɛ a dɛ.

Fiɛlɔ 5:8

Ke o na nɛ a ngɛ ohiatsɛ yi mi wae, aloo a plɛ sane hɛ mi ngɔ bu si, nɛ a kojo we ngɛ blɔ nɛ da nɔ ngɛ zugba ko nɔ ɔ, e ko pee mo nyakpɛ kulaa. Tsɔli nɛ ngɛ ma a nya, kɛ je nɔ wayoo pe kulaa nɔ kɛ ya si nɔkɔtɔma pe kulaa nɔ ɔ, mɛ tsuo a le nɔ́ nɛ ngɛ nɔ yae ɔ he nɔ́ ko.

Yesaya 28:1

Musu tloo Efraim nina, Israel nɔ yemi ɔ. E hɛ mi nyami ɔ ngɛ tae kaa mɔmɔ jlasi nɛ ma nimeli dã tɔli ngɔ fi a yi. A wo a yi mi nu je via saminya lɛɛ, se hyɛ mɛ nɛ a tɔ dã kpɔtɔɔ kɛ pueɔ si.

Yesaya 5:8

Musu tloo nyɛ! Wehi babauu, kɛ zugbahi nyɛ ngɛ hee kɛ ngɛ ní nɛmɛ nɛ nyɛ ngɛ momo ɔ a he piɛe. E be kɛe kulaa nɛ nɔ kpa ko be he ko nae maa hi hu, nɛ e maa piɛ nyɛ pɛ ngɛ zugba a nɔ.

Yesaya 56:12

Dã tɔli nɛ ɔmɛ deɔ ke, ‘Nyɛɛ ba nɛ wa ya hla wai nɛ waa nu. Wa maa nu dã bɔ nɛ wa ma nyɛ mwɔnɛ ɔ! Hwɔɔ lɛɛ e maa pee gbeye!’ ”

Yesaya 58:6

“Hwɔ hami nɛ maa sa ye hɛ mi ji nɛ ɔ nɛ. Nyɛ kpa yi wu tso ní peemi, nɛ nyɛɛ ye dami sane. Nyɛ kplɔ kuɛpã tso ngɛ ni nɛmɛ nɛ nyɛ ngɛ mɛ yi mi wae ɔ a kuɛ, nɛ nyɛɛ ku mɛ dukuduku, konɛ ni ɔmɛ nɛ a ye a he.

Yeremia 50:11

Bɔ nɛ Yawɛ de ji nɛ ɔ nɛ: “Babilonia bi, nyɛ kpata ye zugba a hɛ mi. Nyɛ kle tɔfutɔfu kaa na yihi nɛ ye niye ní kpakpa, nɛ nyɛ kpaa ngmlaa kɛ he wami kaa okpɔngɔ. Nyɛ bua jɔɔ nyɛ he, nɛ nyɛ nyaa.

Yeremia 50:27

Nyɛɛ gbe a ta buli ɔmɛ tsuo! Nyɛ kpata a hɛ mi pɛsɛpɛsɛ! Babilonia bi ɔmɛ a yi fi wawɛɛ nitsɛ. A tue gblami be ɔ su!”

Yeremia 51:34

Babilonia matsɛ, Nebukadnezar poo Yerusalem mi nɛ e ye. E muɔ níhi kɛ je ma a mi, nɛ ma a fɔɔ si kaa buɛ mi gu. E mi ma a kaa bɔ nɛ sinɔ ngua miɔ nɔ́ ɔ. E ye ma a mi ní kpakpa amɛ, nɛ e sake nɔ́ nɛ piɛ ɔ ngɔ pue he.

Yeremia 6:6

Yawɛ Tabohiatsɛ ɔ fa matsɛmɛ nɛ ɔmɛ nɛ a po tso kɛ pee kpoku kɛ bɔle Yerusalem kɛ kpe, nɛ a sa ma a yi. Yawɛ de to ke, “Ma gbla ma nɛ ɔ tue, ejakaa amimi sɔuu lɛ a ngɛ yee ngɛ ma a mi.

Yeremia 7:6

Nyɛ ko wa nibwɔhi, loo awusahi, loo yalɔyihi yi mi. Nyɛ ko pue nɔ ko muɔ si yaka gu ngɛ zugba nɛ ɔ nɔ. Nyɛ ko ya nyɛɛ mawu kpahi a se; ke nyɛ pee ja a, nyɛ hɛ mi ma kpata.

Ezekiel 18:12

e waa ohiatsɛmɛ kɛ dɛgutsɛmɛ yi mi, e fiaa nihi ojo, e kpale we nɔ́ nɛ a kɛ ba to awaba kɛ ha we nɔtsɛ, e jaa amagahi, e peeɔ ní hiemi níhi,

Ezekiel 22:12

Nyɛ ti ni komɛ heɔ nyɔ mi ní nɛ a kɛ pueɔ muɔ si. Ni komɛ paa sika kɛ haa a nyɛmimɛ Israel fɔfɔɛhi, nɛ a heɔ hekpa fuu ngɛ a dɛ kɛ naa a he kpɔtɔɔ. Nɛ a hɛ je ye nɔ.” Nyɔmtsɛ Yawɛ lɛ de.

Ezekiel 22:27

Ganɔ ɔmɛ ngɛ kaa ogbeteehi nɛ ngɛ a de lo mi tsɔtslɔɔe. A gbeɔ nɔ, bɔ nɛ pee nɛ a na ní yaka.

Ezekiel 22:29

Zugba a nɔ bi ɔmɛ tsuo yeɔ amimi, nɛ a haa níhi; a waa dɛgutsɛ, kɛ ohiatsɛmɛ yi mi. A yeɔ nubwɔ amimi wawɛɛ nitsɛ nɛ a yɛ se.

Ezekiel 22:7

Nɔ ko nɔ ko be ma a mi nɛ buɔ e fɔli. O yeɔ nibwɔhi amimi, nɛ o waa awusahi, kɛ yalɔyihi hu yi mi.

Ezekiel 34:16

“Tohi nɛ laa a, ma ya hla mɛ; ní nɛmɛ nɛ tla blɔ ɔ, ma ya tsɔ́ mɛ kɛ ba; ní nɛmɛ nɛ plaa a, ma fi a pa amɛ a nɔ ha mɛ; hiɔtsɛmɛ ɔmɛ hu ma tsa mɛ. Se ní nɛmɛ nɛ wo zɔ, kɛ ní nɛmɛ nɛ ngɛ he wami saminya a, ma kpata a hɛ mi; ejakaa i yeɔ dami sane.

Ezekiel 39:18

A maa ye katsɛmɛ ɔmɛ a lo, nɛ a maa nu zugba a nɔ ganɔ ɔmɛ a muɔ. Ni nɛ ɔmɛ tsuo ngɛ kaa Bashan agbosuhi, loo jijɔhi, loo akpakpohi, loo na kuhi nɛ wo zɔ.

Yoel 3:3

A fɔ sɔ kɛ dla nyɔguɛhi nɛ a nuu ngɛ ta mi ɔ ngɔ ha a he. A kɛ nyumuwi ɔmɛ tsake yaholi, nɛ a jua yiwi ɔmɛ kɛ he wai nɛ a nu.

Amos 3:1

Nyɛ Israel bi! Nyɛ ma a tsuo nɛ Yawɛ je kɛ je Egipt zugba a nɔ ɔ, nyɛɛ bu nɔ́ nɛ Yawɛ ngɛ dee ngɛ nyɛ he ɔ tue.

Amos 3:3

Anɛ ni enyɔ hiaa blɔ nɛ a wui a sibi si ke a maa kpe ngɛ hiɛ, loo hiɛ lo? Dɛbi!

Amos 5:11

I le kaa nyɛ peeɔ yayami agboagbohi babauu. Nyɛ waa nimli kpakpahi yi mi. Nyɛ heɔ nyɔ mi ní. Nyɛ sisiɔ ohiatsɛmɛ, nɛ nyɛ plɛɔ dami sane hɛ mi ngɔ buɔ si. Enɛ ɔmɛ a he je ɔ, mɔ kpakpahi nɛ nyɛɛ kɛ tɛ ma a, nyɛ be a mi hie. Jehanɛ se hu, wai ngmɔ saminyawiiwi nɛ nyɛ pee ɔ, nyɛ be a mi dã nue.

Amos 6:1

Nyɛ nihi nɛ nyɛ he mi jɔ nyɛ ngɛ Zion, kɛ nyɛ Samaria bi nɛ e peeɔ nyɛ kaa nɔ́ ko he hia we nyɛ, musu tloo nyɛ! Nyɛ Israel ma kpetekpleenyɛ nɛ ɔ mi ganɔhi nɛ ma a mi bi ba biɔ yemi kɛ buami ngɛ nyɛ ngɔ, musu tloo nyɛ!

Amos 6:6

Nyɛ nuɔ dã bami ngɛ tsimi agboagbohi a mi, nɛ nyɛ kpaa nu je via kpakpahi. Se nyɛ yi kɔmɔ kaa a ma kpata Israel hɛ mi.

Malaki 3:5

Yawɛ Tabohiatsɛ ɔ ke, “Ma ba nyɛ ngɔ nɛ ma ba kojo, nɛ ma gbla nimli nɛ ɔmɛ a tue amlɔ: kunya yeli, gba puɛli, lakpa odase yeli, nihi nɛ sisiɔ ní tsuli nɛ a wui mɛ hiɔ susui, kɛ ni nɛmɛ nɛ waa yalɔyihi, awusahi, kɛ nibwɔhi yi mi. Ee, ma gbla nɔ tsuaa nɔ nɛ bui mi ɔ tue.” Yawɛ Tabohiatsɛ ɔ lɛ de.

Mose IV, 21:33

Lɔ ɔ se ɔ, Israel bi ɔmɛ kpale a se ya gu Bashan blɔ ɔ nɔ. Bashan matsɛ, Og kɛ e tabo ɔ tsuo hia ta, nɛ a kɛ mɛ ba bua ngɛ Edrei, nɛ a hwu ta.

Mose V, 24:14

“Koo sisi apaatsɛ ohiatsɛ nɛ e fi lɛ ɔ, o nyɛmi Israel no jio, nubwɔ nɛ ngɛ o ma amɛ eko mi jio.

Mose V, 28:33

Nyɛ zugba a nɔ niba ní nɛ nyɛ gbo he dengme ɔ hu, je ma ko nɛ nyɛ li ma ba ye lɛ tsuo; nyɛ be nɔ́ kpakpa ko nae, se a maa wa nyɛ yi mi, nɛ a maa pee nyɛ posoo kaa zugba zu.