Amos 3:9 - BAIBLO ALOO NGMAMI KLƆUKLƆU Ɔ

⁹ Mawu de gbalɔ ɔ ke e tsɔ nɛ a ya de nihi nɛ a ngɛ mɔ nguanguahi a mi ngɛ Egipt kɛ Ashdod ke, “Nyɛ ya bua nyɛ he nya ngɛ yo ɔmɛ nɛ bɔle Samaria a nɔ, nɛ́ nyɛɛ hyɛ yayamihi nɛ a ngɛ pee ngɛ lejɛ ɔ, kɛ bɔ nɛ lejɛ ɔ pee basabasa ha.”

Amos 3:9 ပူးပေါင်းရင်းမြစ်များ

Samuel II, 1:20

Nyɛ ko tu munyu nɛ ɔ nɛ Gat bi ba nu. Nyɛ ko sɛɛ ngɛ Ashkelon gbɛjegbɛ ɔmɛ a nɔ. Ke pi ja a, Filisti yi ɔmɛ ma na bua jɔmi. Ke pi ja a, wɔ jali a biyi ɔmɛ ma nya.

Abɛ Womi 1:13

Wa ma na ní kpakpahi nɛ a he jua wa babauu, nɛ wa we ɔmɛ ma hyi tɔtɔɔtɔ kɛ níhi nɛ wa ha.

Abɛ Womi 11:16

Yo nɛ hɛ mi ngɛ nyami ɔ, a buu lɛ, se yo nɛ be subai ɔ lɛɛ hɛ mi si puemi e kɛ baa.

Fiɛlɔ 4:1

Jehanɛ se hu, i na kaa yi mi sɔuu lɛ a ngɛ wae ngɛ je ɔ mi. Nɔ́ nali ngɛ ya foe, nɛ nɔ ko be nɛ maa jɔɔ a bua. Bua wolɔ ko be mɛ, ejakaa nihi nɛ ngɛ mɛ yi mi wae ɔ, he wami ngɛ a dɛ.

Yeremia 31:5

Nyɛ maa pee wai ngmɔhi ngɛ Samaria yo ɔmɛ a nɔ ekohu; ni nɛmɛ nɛ ma du ní ɔ, mɛ lɛ a maa ye niba ní ɔ.

Yeremia 46:14

“Nyɛɛ fiɛ ngɛ Egipt ma amɛ a mi, ngɛ Migdol, Memfis, kɛ Tapanhes ke, ‘Nyɛɛ mia, nɛ nyɛɛ pee klaalo, ejakaa ta ngɛ ní puɛe ngɛ mahi nɛ bɔle nyɛ ɔ a mi kɛ ma!

Yeremia 50:2

“Nyɛɛ fiɛ munyu nɛ ɔ kɛ ha je ma amɛ! Nyɛɛ si aflaangaa, nɛ nyɛɛ fiɛ! Nyɛ ko laa nɔ́ ko nɔ; nyɛ de ke, ‘A ngɔ Babilon oo, a ngɔ Babilon! Babilon mawu ɔ nɛ a tsɛɛ Marduk ɔ, a kpata e hɛ mi. A pue Babilon wɔ ɔmɛ a hɛ mi si, nɛ a ywia amaga amɛ dukuduku.’

Ezekiel 36:8

Se Israel yo ɔmɛ a nɔ lɛɛ tso ɔmɛ ma gba kɔnihi, nɛ a maa wo yiblii ha nyɛ ekohu. Be nɛ nyɛ maa kpale kɛ ba we ekohu ɔ su ta.

Ezekiel 37:22

Ma pee mɛ ma kake ngɛ zugba a nɔ ngɛ Israel yo ɔmɛ a nɔ. Matsɛ kake maa ye a nɔ. A be je ma enyɔ pee hu. A mi be gbae kɛ pee nɔ yemi enyɔ hu.

Hosea 7:1

“Be tsuaa be nɛ i hla kaa ma tsa ye ma Israel hiɔ ɔ, yi wu tso ní peemi, kɛ ní yayahi sɔuu i naa ngɛ Samaria. A sisiɔ a sibi, a sɛɛ wehi a mi ya juɔ, nɛ a yeɔ ojo ngɛ blɔ ɔmɛ a nɔ.

Amos 1:8

Ma gbe ma nɔ yeli ɔmɛ ngɛ Ashdod kɛ Ashkelon. Ma gbla Ekron ma a tue, nɛ Filisti bi nɛ a he maa je tue gblami nɛ ɔ mi ɔ ma gbo.” Yawɛ lɛ de.

Amos 4:1

Amos ya nɔ nɛ e de ke, “Nyɛ Samaria yihi nɛ nyɛ plɔke pee tɔfutɔfu kaa Bashan nahi nɛ a je blɔ lɛ mɛ, nyɛɛ bu tue! Nyɛ nɛ nyɛ waa ohiatsɛmɛ yi mi, nɛ nyɛ sisiɔ dɛgutsɛmɛ, nɛ nyɛ nyɛɔ nyɛ hunomɛ a nɔ ke a ha nyɛ dã nɛ nyɛɛ nu!

Amos 5:11

I le kaa nyɛ peeɔ yayami agboagbohi babauu. Nyɛ waa nimli kpakpahi yi mi. Nyɛ heɔ nyɔ mi ní. Nyɛ sisiɔ ohiatsɛmɛ, nɛ nyɛ plɛɔ dami sane hɛ mi ngɔ buɔ si. Enɛ ɔmɛ a he je ɔ, mɔ kpakpahi nɛ nyɛɛ kɛ tɛ ma a, nyɛ be a mi hie. Jehanɛ se hu, wai ngmɔ saminyawiiwi nɛ nyɛ pee ɔ, nyɛ be a mi dã nue.

Amos 6:1

Nyɛ nihi nɛ nyɛ he mi jɔ nyɛ ngɛ Zion, kɛ nyɛ Samaria bi nɛ e peeɔ nyɛ kaa nɔ́ ko he hia we nyɛ, musu tloo nyɛ! Nyɛ Israel ma kpetekpleenyɛ nɛ ɔ mi ganɔhi nɛ ma a mi bi ba biɔ yemi kɛ buami ngɛ nyɛ ngɔ, musu tloo nyɛ!

Amos 6:3

Nyɛ susuɔ kaa nyɛ tsitsɛɛ haomi be ɔ yi se kɛ ya tsitsaa. Se níhi nɛ nyɛ ngɛ pee ɔ mohu ma ha nɛ nimli basabasahi maa ba, nɛ a ma ba kpata nyɛ hɛ mi.

Amos 8:6

Wa maa jua ngma bibliwi po kɛ he jua wawɛ. Wa ma he ohiatsɛmɛ kɛ pee wa nyɔguɛhi, ejakaa a be nyɛe maa wo a hiɔ ɔmɛ. Ke ohiatsɛ ko hɛɛ hiɔ nɛ e nya maa su kaa tokota nane hiɛ kɛ hiɛ po, e be nyɛe maa wo.”

Mika 6:10

Nyɛ yayami ɔmɛ ba hiɛ tsɔ! Sisimi blɔ nɔ nɛ nyɛ guɔ kɛ naa ní ɔ, anɛ nyɛ be kpae lo? Yayami peeli a wehi a mi hyi tɔ kɛ june nɛ a kpɔ ngɛ nihi a dɛ. A kɛ sɛni tɛ nɛ sui ngmɛɔ níhi. I nyɛ nɔ́ nɛ ɔ.

Samuel I, 5:1

Benɛ Filisti bi ɔmɛ kpɔ somi daka a, a wo lɛ kɛ je Ebenezer kɛ ho Ashdod ya,