Amos 3:8 - BAIBLO ALOO NGMAMI KLƆUKLƆU Ɔ

⁸ Ke jata ngɛ huãe ɔ, mɛnɔ lɛ e tsui pui? Ke Yawɛ ngɛ munyu tue ɔ, mɛnɔ ma kua ke e be e sɛ gbi ɔ fiɛe? Nɔ ko nɔ ko be!

Amos 3:8 ပူးပေါင်းရင်းမြစ်များ

Yesaya 21:10

Ye ma Israel, mo nɛ́ be ko ɔ, a hao mo, nɛ a wa mo yi mi wawɛɛ nitsɛ kaa ngma nɛ a gbee, nɛ a sa mi ɔ, jehanɛ lɛɛ bu manye munyu tue. Manye munyu nɛ i ngɛ mo dee nɛ ɔ, i nu kɛ je Yawɛ Tabohiatsɛ, Israel Mawu ɔ ngɔ.

Yesaya 31:4

Yawɛ de mi ke, “Bɔ nɛ to hyɛli kɛ a ngmlaa babauu nyɛ we nɛ a fieɔ jata kɛ jee e de lo he ɔ, ja pɛpɛɛpɛ nɛ nɔ́ ko nɔ́ ko be nyɛe maa tsi imi, Yawɛ Tabohiatsɛ ɔ ye nya kaa ma bu Zion yo ɔ he.

Yeremia 20:9

Se ke i de ke, “I be Yawɛ biɛ ta woe hu, nɛ i be fiɛe ngɛ e biɛ mi hu” ɔ, o sɛ gbi ɔ peeɔ kaa la nɛ ngɛ tsoe ngɛ ye tsui mi, kɛ ye wuhi a mi. I bɔɔ mɔde saminya kaa ma tsi nya, se jehanɛ lɛɛ, i pa nyɛ we hu.

Yeremia 26:12

Kɛkɛ nɛ i de ma nimeli ɔmɛ, kɛ ma a tsuo ke, “Níhi tsuo nɛ nyɛ nu nɛ i de kɛ si we nɛ ɔ, kɛ ma nɛ ɔ, Yawɛ lɛ tsɔ mi ke ma ba de.

Ezekiel 29:21

“Jamɛ a ligbi ɔ, ma ha Israel ma na he wami he, nɛ ma ha Ezekiel maa tu munyu wawɛɛ ngɛ ma a tsuo hɛ mi, konɛ a le kaa imi ji Yawɛ.”

Amos 1:2

Amos de ke, “Yawɛ tu munyu ngɛ Zion yo ɔ nɔ kaa jata nɛ ngɛ huãe, nɛ e miɔ nɛ e ma tsɔtslɔɔ lohwe ko mi. Yawɛ wo gbi ngɛ Yerusalem kaa hiɔwe nɛ ngɛ sie. Ba amɛ ngla ngɛ lohwehi a ní yemi he ɔmɛ, nɛ nga nɛ ngɛ Karmel yo ɔ nɔ ɔ gbli.”

Amos 2:12

Se nyɛ ha nɛ Nazir bi ɔmɛ nu dã, nɛ a puɛ kɔ; gbali ɔmɛ hu, nyɛ wo mɛ mlaa ke a ko de ye sɛ gbi ɔ. Ye ma Israel, anɛ nɔ́ nɛ ɔ be mi lo? Imi Yawɛ lɛ i ngɛ nyɛ bie!

Amos 3:4

Anɛ jata huãã ngɛ pu mi be mi nɛ e nɛ de lo lo? Anɛ jata bi huãã ngɛ muɔ mi be mi nɛ e nui lohwe ko lo? Dɛbi!

Ni Tsumi 4:20

Ejakaa wɔɔ lɛɛ, níhi nɛ wa na, kɛ níhi nɛ wa nu ɔ, wa be nyɛe ma ma wa nya ngɔ to nɔ kaa ja wa de.”

Ni Tsumi 5:20

“Nyɛɛ ya sɔlemi we ɔ nɛ nyɛ ya jaje kikɛmɛ a si himi he nɛ ɔ mi munyu ɔmɛ tsuo ngɔ tsɔɔ ma a.”

Ni Tsumi 5:29

Petro, kɛ bɔfo kpa amɛ he nɔ ke, “E sa kaa waa bu Mawu mohu tue, se pi nimli.

1 Korintobi 9:16

Niinɛ, sane kpakpa a nɛ i fiɛɛ ɔ, lɔ ɔ kɛkɛ ha we mi he blɔ kaa ma fĩa, ejakaa Mawu nitsɛ nɛ fa mi ke ma pee jã. Kaa i fiɛ we sane kpakpa a, jinɛ musu tloo mi pɛ!

Kpojemi 5:5

Kɛkɛ nɛ nikɔtɔma amɛ a ti nɔ kake de mi ke, “Ko fo ya. Hyɛ! Jata a nɛ je Yuda wɛtso ɔ mi, nɛ ji David nina a ye kunimi. Nɛ lɛ nɛ e ma nyɛ tsɔ womi nya sɔumi nɔ́ kpaago ɔmɛ, nɛ e ma nyɛ bli womi kpo ɔ nya.”