Amos 3:14 - BAIBLO ALOO NGMAMI KLƆUKLƆU Ɔ

¹⁴ Ligbi ɔ nɛ ma gbla Israel tue ngɛ a yayami ɔmɛ a he ɔ, ma ywia bɔ sami la tɛ ɔmɛ ngɛ Betel ma a mi. Bɔ sami la tɛ ɔmɛ a he koli ɔmɛ nɛ a saa we ngɛ a he ɔ, ma ku mɛ tsuo ngɔ pue si.

Amos 3:14 ပူးပေါင်းရင်းမြစ်များ

Matsɛmɛ II, 23:15

Jehanɛ, bɔ sami la tɛ ɔ nɛ ngɛ Betel ɔ, kɛ jami he ɔ nɛ Nebat binyumu Yeroboam nɛ ha Israel pee yayami ɔ ma a, Yosia ku jamɛ a bɔ sami la tɛ ɔ; e mɛ jami he ɔ he la, nɛ e ywia tɛ ɔmɛ dukuduku. Amaga a nɛ a puɛ kɛ ha Ashera a hu e mɛ he la.

Amos 9:1

I na Yawɛ nɛ daa si ngɛ bɔ sami la tɛ ɔ hɛ mi. E fa ke, “Nyɛɛ ngɔ nɔ́ kɛ fia titima amɛ nɛ ngɛ Yawɛ we ɔ mi ɔ a yi mi kpɔ ɔmɛ a nɔ wawɛɛ, konɛ tsu ɔ sisi tomi ɔ nɛ mimiɛ, nɛ tsu ɔ nɛ hule ngɔ pue ni ɔmɛ tsuo nɛ ngɛ lejɛ ɔ a nɔ. Ni nɛmɛ nɛ maa piɛ ɔ, ma gbe mɛ ngɛ ta nga nɔ; nɔ ko nɔ ko be fo tue kɛ je, nɛ nɔ kake ngmelu po he be mi jee.

Kronika II, 31:1

Benɛ a ye nyami be ɔmɛ ta a, Israel bi tsuo nɛ ba lejɛ ɔ pue nɔ kɛ ho Yuda ma amɛ a mi ya. A gbɛ jami he ɔmɛ; a ku amagahi nɛ a puɛ kɛ ha yo mawu ɔ nɛ a tsɛɛ Ashera a ngɔ pue si, nɛ a ywia bɔ sami la tɛ ɔmɛ, kɛ jami he ɔmɛ ngɛ Yuda ma amɛ tsuo a mi. A tsu kikɛmɛ a ní nɛ ɔ nɔuu ngɛ Benyamin, Efraim, kɛ Manase zugba amɛ a nɔ, loko a kpale kɛ ho a wehi a mi ya ngɛ a mahi a mi.

Mose II, 32:34

Moo lɛɛ yaa nɛ o ya kpaka ye ma a kɛ ya he nɛ i de mo ɔ. Ye bɔfo ɔ maa nyɛɛ o hɛ mi. Se be ma nɛ ma wo ma a hiɔ ngɛ a he yayami ɔ he.”

Amos 2:8

Ngɛ nyɛ jami he ɔmɛ tsuo ɔ, bohi nɛ ohiatsɛmɛ kɛ ba toɔ nyɛ awaba a, jamɛ a bo ɔmɛ a nɔ nyɛ hwɔɔ. Dã nɛ nyɛ nuɔ ngɛ imi Mawu, ye we ɔ ji dã nɛ nyɛ heɔ ngɛ nihi nɛ nyɛ bu mɛ fɔ ɔ a dɛ.”

Amos 4:4

Yawɛ Tabohiatsɛ ɔ ke, “Nyɛ Israel ma, nyɛ suɔ kaa nyɛ ba ja Mawu ngɛ Betel, nɛ ke nyɛ ba a, nyɛ ba peeɔ yayami! Nyɛ suɔ kaa nyɛ ya ja Mawu ngɛ Gilgal, nɛ ke nyɛ ya lejɛ ɔ, nyɛ ya peeɔ yayamihi babauu kɛ piɛɔ he! Ke nyɛ ngɔ lohwehi kɛ ma bɔ sami daa mɔtu ɔ, nyɛ peeɔ yayami! Daa ligbi etɛ, ke nyɛ ngɔ nyɛ níhi a mi dlami nyɔngmanyɔngma mi kakaaka kɛ ma a, nyɛ peeɔ yayami!

Amos 7:10

Osɔfo ko nɛ a tsɛɛ lɛ Amazia hi Mawu we ɔ ngɛ Betel. Ligbi ko ɔ, e tsɔ ya de Israel matsɛ, Yeroboam ke, “Amos ngɛ yi mi yaya toe kɛ wo o he ngɛ mo nitsɛ o nɔ yemi he ɔ. Munyuhi nɛ e ngɛ tue ɔ ma ha nɛ ma mi bi ɔmɛ maa te si kɛ wo mo, a matsɛ ɔ. Ke e ba mi ja a, kɛkɛ pe ma a ywia a nɛ.

Amos 7:13

Se Betel ma nɛ ɔ mi lɛɛ o be hie nɛ o kɛ gba hu gblegbleegble. Ejakaa hiɛmɛ nɛ ɔ lɛ matsɛ ɔ jaa Mawu ngɛ; hiɛmɛ nɛ ɔ ji ma a tsuo a jami he klɔuklɔu.”

Amos 7:9

A ma kpata hehi tsuo nɛ Isak nina a jaa mi ngɛ ɔ a hɛ mi. Israel he klɔuklɔu ɔmɛ maa pee kaa kuku nɔ, nɛ ma ha nɛ Yeroboam matsɛ yemi ɔ se maa po.”