Amos 3:12 - BAIBLO ALOO NGMAMI KLƆUKLƆU Ɔ

¹² Yawɛ ke, “Ke jata ye lohwe ko ta a, to hyɛlɔ ɔ ngɔɔ lohwe ɔ nane enyɔ, aloo e tue kake pɛ nɛ piɛ ɔ kɛ ba yeɔ odase. Samaria ma mi bi ɔmɛ nɛ mwɔnɛ nɛ ɔ a ngɛ mle yee ngɛ sa tso bɔdɔbɔdɔhi a nɔ ɔ, jã kɛ̃ lɛ a ma he a ti nihi bɔɔ pɛ a yi wami.”

Amos 3:12 ပူးပေါင်းရင်းမြစ်များ

Matsɛmɛ I, 20:30

Ni nɛmɛ nɛ gbo we ɔ tu fo kɛ ho Afek ya, nɛ gbogbo ɔ nɛ a fia kɛ wo ma a he ɔ hule pue a ti nihi akpe nyingmi enyɔ kɛ kpaago a nɔ. Benhadad hu tu fo kɛ ho ma a mi ya, nɛ e ya laa e he ngɛ se tsu ko mi.

Matsɛmɛ I, 20:34

Benhadad de lɛ ke, “Mahi nɛ tsaatsɛ kpɔ ngɛ o tsɛ dɛ ɔ, ma kpale ngɔ ha mo ekohu. O ma nyɛ maa ma jua yemi hehi ngɛ Damasko kaa bɔ nɛ tsaatsɛ hu pee ngɛ Samaria a.” Ahab he nɔ ke, “Ngɛ o siwo nɛ ɔ nya a, ma ha o ye o he.” Nɛ Ahab kɛ lɛ so, nɛ e ngmɛɛ e he.

Matsɛmɛ I, 22:25

Mikaya he nɔ ke, “Ke be nɛ o ya sɛ se tsu mi nɛ o laa o he ɔ, kɛkɛ o maa na mo.”

Matsɛmɛ II, 16:9

Asiria matsɛ ɔ bu lɛ tue, nɛ e hia kɛ ya tua Damasko. E ngɔ ma a, nɛ e gbe Matsɛ Rezin; se ma a mi bi ɔmɛ lɛɛ e nuu mɛ nyɔguɛ kɛ ho Kir ya.

Ester 1:6

Bɔ nɛ a dla lejɛ ɔ ha ji nɛ ɔ nɛ: a kɛ bo bluu, kɛ bo futaa kpla lejɛ ɔ, nɛ a kɛ kpa hiɔ nɛ ngɛ fɛu, kɛ kpa nɛ hɛɛ kɔbɛi su fi sika hiɔ gahi ngɔ wo titimahi nɛ a kɛ tɛ hiɔ pee ɔ a he. Sɛhi nɛ ngɛ lejɛ ɔ hu sika tsu, kɛ sika hiɔ a kɛ pee mɛ. Zugba a nɛ sɛ ɔmɛ maa si ngɛ nɔ ɔ hu, a kɛ tɛ kpakpa nɛ ɔmɛ ka: tɛ hiɔ, tɛ tsu, tɛ nɛ he jua wa nɛ ngɛ kpɛe, kɛ tɛ bluu.

Ester 7:8

Benɛ e ya bu si ngɛ Manyɛ Ester sɛ ɔ nɔ ɔ, matsɛ ɔ kpale e se kɛ je abɔɔ ɔ mi kɛ ba tsu ɔ mi. Benɛ matsɛ ɔ na nɔ́ nɛ ɔ, e kpa ngmlaa ke, “Anɛ nyumu nɛ ɔ ngɛ hlae nɛ e tua manyɛ ɔ ngɛ hiɛ ɔ, ngɛ ye hɛ mi, ngɛ imi nitsɛ ye we mi lo?” Matsɛ ɔ nya nɔɛ si tete nɛ nihi nɛ a puɛ mɛ ɔ kɛ nɔ́ ko ba ha Haman hɛ mi.

La 132:3

“I be ye we mi yae, nɛ i ya be si hwɔe hulɔ.

Yesaya 17:7

Jamɛ a be ɔ, nihi maa kpale kɛ ba a bɔlɔ, Israel Mawu klɔuklɔu ɔ ngɔ kɛ ba hla yemi kɛ buami.

Yesaya 31:4

Yawɛ de mi ke, “Bɔ nɛ to hyɛli kɛ a ngmlaa babauu nyɛ we nɛ a fieɔ jata kɛ jee e de lo he ɔ, ja pɛpɛɛpɛ nɛ nɔ́ ko nɔ́ ko be nyɛe maa tsi imi, Yawɛ Tabohiatsɛ ɔ ye nya kaa ma bu Zion yo ɔ he.

Yesaya 8:4

Loko bi nɛ ɔ maa le ‘Maa’ loo ‘Tsaatsɛ’ demi ɔ, Asiria matsɛ ɔ ma ba muɔ Damasko sika tsuo, kɛ Samaria ta yibu ní tsuo kɛ ho.”

Amos 6:4

Nyɛ nihi nɛ nyɛ jualeɔ nyɛ se ngɛ sa tso kpakpahi nɛ a he jua wa a nɔ, nɛ nyɛ yeɔ jijɔ, kɛ na kpakpahi a lo, musu tloo nyɛ!

Amos 9:8

Imi Nyɔmtsɛ Yawɛ, ye hɛngmɛ ngɛ Israel, ma nɛ peeɔ yayami nɛ ɔ hyɛe. Ma kpata nyɛ hɛ mi pɛsɛpɛsɛ, nɛ ma bɛɛ nyɛ kɛ maa je je ɔ mi. Se kɛ̃ ɔ, i be Yakob nina a tsuo a hɛ mi kpatae. Imi, Yawɛ lɛ i de.