Amos 3:11 - BAIBLO ALOO NGMAMI KLƆUKLƆU Ɔ

¹¹ Lɔ ɔ he ɔ, he nyɛli ma ba sa ma a yi. A maa ywia a mɔ ɔmɛ, nɛ a maa ha ní ngɛ a we saminyawiiwi ɔmɛ a mi.”

Amos 3:11 ပူးပေါင်းရင်းမြစ်များ

Amos 6:14

Se Yawɛ Tabohiatsɛ Mawu ɔ nitsɛ ke, “Israel bi, ma ha nɛ je ma ko ma ba tua nyɛ zugba a, nɛ a maa hao nyɛ. A maa ngɔ nyɛ zugba a kɛ maa je Hamat yo kpɛ blɔ ɔ he, ngɛ omleyi je, kɛ ma ya ta Ngo wo ɔ he, ngɛ leneyi je.”

Amos 2:5

Ma mɛ Yuda ma a, kɛ Yerusalem mɔ ɔmɛ a he la.”

Amos 6:8

Yawɛ Tabohiatsɛ Mawu ɔ ka e he kita ke, “Israel bi ɔmɛ a he nɔ womi ɔ, i hiee; a mɔ nguangua amɛ hu, i sume. Ma ngɔ a matsɛ ma a, kɛ e mi níhi tsuo kɛ ha a he nyɛli.”

Amos 3:15

Ma ku wehi nɛ ngɛ ma amɛ, kɛ kɔpe ɔmɛ a mi ɔ ngɔ pue si. Wehi nɛ a kɛ suɔ wu dla a mi ɔ maa hule pue si, nɛ wehi babauu a hɛ mi ma kpata.” Yawɛ lɛ de.

Amos 3:10

Yawɛ ke, “Nimli nɛ ɔmɛ a mɔ ɔmɛ hyi tɔ kɛ níhi nɛ a gu ju kɛ yi mi wami blɔhi a nɔ kpɔ ngɛ nihi a dɛ. Bɔ nɛ a yeɔ anɔkuale po, a li.

Kronika II, 36:19

E sã Yawɛ we ɔ, kɛ Yerusalem ma a kɛ e mi mɔ ɔmɛ; e kpata ní kpakpahi tsuo a hɛ mi, nɛ e ku Yerusalem gbogbo ɔ ngɔ pue si.

Matsɛmɛ II, 15:29

Israel matsɛ, Peka yi nɔ ɔ, Asiria matsɛ, Tiglat Pileser ba ngɔ Iyon, Abel Bet Maaka, Yanoa, Kedesh, Hazor, Gilead, kɛ Galilea-Naftali zugba a tsuo; nɛ e ngɔ nimli nɛ ɔmɛ nyɔguɛ kɛ ho Asiria ya.

Matsɛmɛ II, 15:19

Asiria matsɛ, Tiglat Pileser ba tua Israel; nɛ Menahem ha lɛ sika hiɔ kilo akpe nyingmi etɛ kɛ eywiɛ, bɔ nɛ pee nɛ Tiglat Pileser nɛ e piɛ e he, nɛ e matsɛ yemi ɔ nɛ da si.

Mose I, 34:27

Jehanɛ Yakob binyumu ɔmɛ tsuo ya sɛ ma a mi, nɛ a ha ní ngɛ a nyɛmiyo ɔ nɛ a pue e hɛ mi si ɔ he.

Hiob 20:21

Ke e ye ní ɔ, eko kulaa píɛ ngɛ se. Enɛ ɔ he je ɔ, ní nami ɔ se maa po.