Amos 2:6 - BAIBLO ALOO NGMAMI KLƆUKLƆU Ɔ

⁶ Yawɛ ke, “Nyɛ Israel ma, nyɛ pee yayamihi nɔtonɔto babauu. Nimli kpakpahi nɛ a hɛɛ hiɔ, kɛ dɛgutsɛmɛ nɛ a nyɛ we nɛ a wo tokota nane hiɛ kɛ hiɛ he hiɔ ɔ, nyɛ juaa mɛ kaa nyɔguɛhi. Enɛ ɔmɛ a he je ɔ, ja i gbla nyɛ tue.

Amos 2:6 ပူးပေါင်းရင်းမြစ်များ

Yoel 3:3

A fɔ sɔ kɛ dla nyɔguɛhi nɛ a nuu ngɛ ta mi ɔ ngɔ ha a he. A kɛ nyumuwi ɔmɛ tsake yaholi, nɛ a jua yiwi ɔmɛ kɛ he wai nɛ a nu.

Yoel 3:6

Nyɛ ngɔ Yuda kɛ Yerusalem bi ɔmɛ kɛ je a zugba nɔ kɛ ho ma se lokoo ya, nɛ nyɛ jua mɛ ngɔ ha Hela bi.

Yesaya 29:21

Mawu ma kpata nimli nɛ ɔmɛ hu a hɛ mi: nihi nɛ a kɛ a nya mi munyu poɔ nihi a nya kaa a tɔ mlaa, kɛ nihi nɛ tsɔɔ klama ha kojoli ngɛ kojomi he, nɛ a kɛ lakpa yemi haa nɛ a plɛɔ nɔ nɛ sane da a e sane hɛ mi kɛ buɔ si.

Matsɛmɛ II, 18:12

Nɔ́ nɛ ha nɛ a ngɔ Samaria ji, Israel bi ɔmɛ bui Yawɛ, a Mawu ɔ tue. Somi nɛ Yawɛ kɛ mɛ so, kɛ mlaahi nɛ e tsɔlɔ Mose wo mɛ ɔ, a tɔ lɛ tsuo pɛpɛɛpɛ. A bui Mawu tue, nɛ e mlaa amɛ hu a yi nɔ.

Matsɛmɛ II, 18:11

Asiria matsɛ ɔ nuu Israel bi ɔmɛ nyɔguɛ kɛ ho Asiria ya. E ngɔ ni komɛ ya to Hala, e ngɔ ni komɛ ya to Habor pa a nya ngɛ Gozan zugba a nɔ, nɛ e ngɔ ni komɛ hu ya to Media bi ɔmɛ a ma amɛ a mi.

Ezekiel 22:13

“Lɔ ɔ he ɔ, ma tsɛ̃ ye nguɛ nya ngɛ ojo nɛ a ngɛ yee, kɛ muɔ si nɛ a ngɛ puee ɔ he.

Yesaya 10:2

Jã nyɛ peeɔ kɛ kpɔɔ ohiatsɛmɛ a blɔ nya níhi ngɛ a dɛ, nɛ nyɛ yi dami sane ha we mɛ. Jã nyɛ peeɔ kɛ kpɔɔ yalɔyihi kɛ awusahi a weto ní ngɛ a dɛ.

Zakaria 11:5

Totsɛmɛ ɔmɛ juaa to ɔmɛ, nɛ a deɔ ke, ‘Wa ná ní. Nyɛ ha wa je Yawɛ yi.’ Nihi nɛ heɔ to ɔmɛ ɔ, ya gbee mɛ nɛ nɔ ko gbla we a tue. To hyɛli ɔmɛ nitsɛmɛ lɛɛ, to ɔmɛ a he mɔbɔ ko kulaa pee we mɛ.”