Amos 2:4 - BAIBLO ALOO NGMAMI KLƆUKLƆU Ɔ

⁴ Yawɛ ke, “Yuda ma mi bi ɔmɛ pee yayamihi nɔtonɔto babauu. A yi imi Yawɛ, ye mlaa amɛ a nɔ fɛɛ. Yaka mawuhi nɛ a nɛmɛ ɔmɛ sɔmɔ ɔ, jamɛ a mawu ɔmɛ nɔuu a se lɛ a ya nyɛɛ. Enɛ ɔ he je ɔ, ja i gbla a tue kokooko.

Amos 2:4 ပူးပေါင်းရင်းမြစ်များ

Ezekiel 20:24

I pee nɔ́ nɛ ɔ, ejakaa a bui ye blɔ nya tomi ɔmɛ, nɛ ye mlaa amɛ hu, a yi nɔ; jehanɛ hu, a ble ye Hejɔɔmi ligbi ɔmɛ, nɛ a nɛmɛ ɔmɛ a we amaga amɛ mohu a suɔ wawɛɛ.

Ezekiel 20:16

ejakaa a kua ye blɔ nya tomi ɔmɛ, nɛ a yi ye mlaa amɛ a nɔ. A ble ye Hejɔɔmi ligbi ɔmɛ hu kpɔtɔɔ. Ejakaa a suɔ wawɛɛ kaa a ma ja amaga amɛ mohu.

Ezekiel 20:13

Se Israel ma a tsɔ ye hɛ mi atuã ngɛ nga a nɔ. A yi ye mlaa amɛ, kɛ blɔ nya tomi ɔmɛ a nɔ; a bui mɛ kaa níhi nɛ ke nɔmlɔ ye a nɔ ɔ, e yi ma na wami. A ble ye Hejɔɔmi ligbi ɔmɛ hu kpɔtɔɔ. Kɛkɛ nɛ i to ye yi mi kaa ma ha nɛ a nu ye we abofu gbeyegbeye ɔ he ngɛ nga a nɔ, nɛ ma kpata a hɛ mi pɛsɛpɛsɛ.

Habakuk 2:18

Mɛni se nami ngɛ amaga he? E ji nɔ́ ko kɛkɛ nɛ nɔmlɔ adesa pee, nɛ lakpa pɛ e toɔ. Mɛni se nami ngɛ he ha nɔ nɛ pee lɛ ɔ, kaa e maa ngɔ e hɛ kɛ fɔ e nɔ; mawu nɛ nyɛ we munyu tete po nɛ e tuɔ ɔ!

Hosea 12:2

Yawɛ kɛ Yuda ma a ná. E maa gbla Israel ma a hu tue ngɛ a je mi bami he. A he yayami ɔmɛ a he ɔ, e maa gbla a tue.

Yesaya 28:15

Nyɛ ngɛ fĩae ke nyɛɛ kɛ gbenɔ so, nɛ nyɛɛ kɛ gbeje pee kake. Nyɛ hɛ ngɛ nɔ kaa ke haomi ba a, e be nyɛ he sae kulaa; ejakaa nyɛ ngɔ nyɛ hɛ ngɔ fɔ lakpa, kɛ sisimi nɔ kaa nyɛ maa ye nyɛ he.

Romabi 1:25

Anɔkuale ɔ nɛ a le ngɛ Mawu he ɔ, a he we yi; lakpa níhi mohu a heɔ yeɔ. Níhi nɛ Mawu bɔ ɔ, lɔ ɔmɛ mohu a jaa, nɛ a sɔmɔɔ. Bɔlɔ ɔ nɛ sa kaa a je e yi kɛ ya neneene ɔ, a ja we lɛ, nɛ a sɔmɔ we lɛ hulɔ. Amen!

Amos 3:2

Yawɛ ke, “Ngɛ je ma amɛ tsuo a kpɛti ɔ, nyɛ pɛ ji ma nɛ i je blɔ hla, nɛ i ngɛ nɔ hyɛe. Enɛ ɔ ha nɛ nyɛ he yayami ɔ kle agbo, nɛ e hia kaa ma gbla nyɛ tue wawɛɛ nitsɛ.”

Ezekiel 20:18

Se i bɔ a bimɛ ɔmɛ kɔkɔ mohu ke, mlaahi nɛ nyɛ nɛmɛ ɔmɛ wo ɔ, nyɛ ko ye a nɔ, nɛ nyɛ ko ngɔ a we amaga amɛ kɛ ble nyɛ he.

Yeremia 9:14

A wa tue, nɛ a ya pee mɛ nitsɛmɛ a suɔmi nya níhi mohu. A ya ja Baal amaga amɛ kaa bɔ nɛ a nɛmɛ ɔmɛ tsɔɔ mɛ ke a pee ɔ.

Yeremia 8:9

Zo gbe nyɛ ní leli ɔmɛ; bibi gbe mɛ, nɛ a pa li nɔ́ nɛ nɔ nɛ a ngɛ hu. A kua ye munyu ɔ, lɛɛ mɛni ji ní ɔ nɛ a le ɔ mɔ?

Nehemia 1:7

Wa pee yi kpɛti wami níhi kɛ si mo, nɛ wa yi o mlaa amɛ a nɔ. Mlaahi, kɛ blɔ nya tomihi nɛ o kɛ ha wɔ kɛ gu o tsɔlɔ Mose nɔ ɔ, wa yi nɔ.

Matsɛmɛ II, 17:19

Yuda wɛtso ɔ nitsɛ po yi Yawɛ, a Mawu ɔ mlaa amɛ a nɔ. Ma se kusumihi nɛ Israel kɛ ba a, lɔ ɔmɛ a he ní mɛ hu a tsuɔ.

1 Petro 1:18

Ejakaa yakayaka si himi nɛ nyɛ nɛmɛ ɔmɛ si ha nyɛ ɔ, nyɛ le hĩɔ nɛ Mawu wo loko e kɛ kpɔ nyɛ kɛ je mi nɛ nyɛ ye nyɛ he. Pi nɔ́ ko nɛ puɛɔ kaa sika hiɔ, loo sika tsu nɛ Mawu ngɔ kɛ tsu kikɛmɛ a ní nɛ ɔ,

1 Tesalonikabi 4:8

Lɔ ɔ he ɔ, nɔ tsuaa nɔ nɛ bui tsɔɔmi nɛ ɔ, pi nɔmlɔ adesa nɛ e bui, se mohu Mawu, nɔ nɛ ha nyɛ e Mumi Klɔuklɔu ɔ.

Hosea 6:11

“Yuda bi, nyɛ hu i to be nɛ ma gbla nyɛ tue ngɛ yayami nɛ nyɛ ngɛ pee ɔ he.

Ezekiel 22:28

Gbali ɔmɛ laa yayamihi a nɔ kaa bɔ nɛ a kɛ kalo saa gbogbo he. Lakpa ninahi a naa, nɛ a gbami ɔmɛ hu lakpa sɔuu. A deɔ ke Nyɔmtsɛ Yawɛ lɛ tsɔ mɛ, be mi nɛ imi Yawɛ, i de we mɛ nɔ́ ko kulaa.

Ezekiel 22:8

O gbeɔ ye ní klɔuklɔu ɔmɛ a he guɛ, nɛ o bleɔ ye Hejɔɔmi ligbi ɔmɛ.

Ezekiel 20:30

Lɔ ɔ he ɔ, de Israel bi ɔmɛ ke bɔ nɛ imi Nyɔmtsɛ Yawɛ, i ngɛ mɛ dee ji, mɛni he je nyɛ ngɛ nyɛ he blee kaa bɔ nɛ nyɛ nɛmɛ ɔmɛ pee ɔ, nɛ nyɛ ngɛ ajuama bɔe kɛ ngɛ a ní hiemi níhi a se nyɛɛe ɔ?

Ezekiel 13:22

“Ejakaa dalɔ nɛ i sume kaa e ye aywilɛho ɔ, nyɛ ngɔɔ nyɛ lakpa munyu ɔmɛ kɛ yeɔ e tsui. Se nyɛ woɔ yayami peelɔ mohu he wami konɛ e ko kpa yayami peemi, nɛ a ko he e yi wami.

Yeremia 16:12

Se nyɛɛ lɛɛ nyɛ nɔ́ pa pe nyɛ nɛmɛ ɔmɛ a nɔ́ ɔ po. Nyɛ tsuo pɛpɛɛpɛ nyɛ tue wa; nyɛ peeɔ yayami bɔ nɛ nyɛ suɔ, nɛ nyɛ bui mi fɛɛ.

Yeremia 8:2

A be wu nɛ ɔmɛ a nya buae, nɛ a be mɛ pue hulɔ; wu ɔmɛ maa pee kaa kuku ngɛ zugba a nɔ. A ma ka wu ɔmɛ ngɔ ha pu kɛ nyɔhiɔ kɛ dodoehi. Ní nɛ ɔmɛ ji níhi nɛ ma a suɔ saminya; ma a sɔmɔ mɛ, nɛ a bi ní ngɛ a ngɔ, nɛ a ja mɛ hulɔ.

Yeremia 6:19

Je ɔ, bu tue! Ma ngɔ haomi kɛ ba ma nɛ ɔ nɔ kaa yayamihi nɛ mɛ nitsɛmɛ a pee ɔ he tue gblami. Ejakaa a bui ye munyu ɔmɛ tue, nɛ ye mlaa a hu a yi nɔ.

Yesaya 44:20

E ní pee mɔbɔ kaa nɔ nɛ ngɛ la zu yee; a mlɔɔ lɛ, nɛ e laa blɔ; lɔ ɔ he ɔ, e be nyɛe ma he lɛ nitsɛ e yi wami, loo nɛ e ma de ke, “Anɛ pi yaka nɔ́ nɔ nɛ i ngɔ ye hɛ ngɔ fɔ nɛ ɔ?”

Nehemia 9:26

“Se enɛ ɔmɛ tsuo a se ɔ, o ma a tsɔ o hɛ mi atuã, nɛ a bui mo tue; a sake o mlaa a ngɔ fɔ a tue se. A gbe gbali ɔmɛ nɛ ka a hɛ mi, nɛ de mɛ ke a kpale kɛ ba o ngɔ ɔ; kɛ nɔ a bɔ musu babauu.

Kronika II, 30:7

Nyɛ ko pee kaa nyɛ nɛmɛ ɔmɛ, kɛ nyɛ nyɛmimɛ ɔmɛ nɛ a pee yayami kɛ si Yawɛ, a Mawu ɔ. Kaa bɔ nɛ nyɛ na a, Mawu gbla a tue wawɛɛ nitsɛ.

Manyadali 10:6

Israel ma a pee yayami kɛ si Yawɛ ekohu. A ya sɔmɔ Baalhi, Ashtarot, kɛ Siria, Sidon, Moab, Amon, kɛ Filisti bi ɔmɛ a mawu ɔmɛ. Se Yawɛ nitsɛ lɛɛ a kua lɛ, nɛ a kpa lɛ sɔmɔmi.

Yeremia 16:11

Ke a bi mo ja a, de mɛ ke, Yawɛ ke, ‘Nyɛ nɛmɛ ɔmɛ je ye se nɛ a ya ja mawu kpahi, nɛ a sɔmɔ mɛ. A kua mi, nɛ ye mlaa amɛ hu a yi nɔ.

Amos 1:3

Yawɛ ke, “Siria ma ngua Damasko bi ɔmɛ pee yayamihi nɔtonɔto babauu; a wa Gilead bi ɔmɛ yi mi, nɛ a pee mɛ nisɛ ní a ní. Enɛ ɔ he je ɔ, ja i gbla a tue kokooko.

Mika 6:12

Niatsɛmɛ nɛ ngɛ nyɛ kpɛti ɔ sisiɔ ohiatsɛmɛ ɔmɛ, nɛ nyɛ tsuo pɛpɛɛpɛ ɔ, lakpatsɛmɛ ji nyɛ.

Kronika II, 25:14

Benɛ Amazia ya ye Edom bi ɔmɛ a nɔ kunimi nɛ e kpale kɛ ma a, e ngɔ a we amaga amɛ kɛ ba. E kɛ mɛ ba ma si, nɛ e ja mɛ, nɛ e sã tsopa kɛ e he via kɛ ha mɛ.

Yeremia 17:27

Se e sa kaa a bu mi nɛ a ye Hejɔɔmi ligbi ɔ kaa ligbi klɔuklɔu. A ko tloo tlomi ko kɛ gu Yerusalem agbo ɔmɛ a mi jamɛ a ligbi ɔ; ke a pee ja a, ma mɛ Yerusalem agbo ɔmɛ a he la. La a maa sã Yerusalem mɔ ɔmɛ, nɛ nɔ ko nɔ ko be nyɛe maa gbe.”

Hosea 12:3

Israel bi ɔmɛ a nɛ̃, Yakob nu e nyɛminyumu hayo ɔ nɛ a tsɛɛ lɛ Esau ɔ nane seja benɛ mɛ ni enyɔ ɔmɛ a ngɛ a nyɛ muklii mi nɛ a fɔ we mɛ lolo ɔ; nɛ benɛ Yakob ba wa a, e kɛ Mawu fia atlibo.