Amos 2:12 - BAIBLO ALOO NGMAMI KLƆUKLƆU Ɔ

¹² Se nyɛ ha nɛ Nazir bi ɔmɛ nu dã, nɛ a puɛ kɔ; gbali ɔmɛ hu, nyɛ wo mɛ mlaa ke a ko de ye sɛ gbi ɔ. Ye ma Israel, anɛ nɔ́ nɛ ɔ be mi lo? Imi Yawɛ lɛ i ngɛ nyɛ bie!

Amos 2:12 ပူးပေါင်းရင်းမြစ်များ

Amos 7:13

Se Betel ma nɛ ɔ mi lɛɛ o be hie nɛ o kɛ gba hu gblegbleegble. Ejakaa hiɛmɛ nɛ ɔ lɛ matsɛ ɔ jaa Mawu ngɛ; hiɛmɛ nɛ ɔ ji ma a tsuo a jami he klɔuklɔu.”

Yesaya 30:10

A deɔ gbali ɔmɛ ke, “Nyɛ ko na ní; nyɛɛ gba ní kpakpahi mohu ha wɔ. Nyɛɛ kɛ wɔ nɛ tu munyu nɛ maa ngɔ ngɛ wa tue mi; ke sisimi munyuhi pohu wa suɔ.

Mika 2:6

Ma a de mi ke, “O kɛ wɔ nɛ ko tu munyu kaa kikɛ nɛ ɔ. Ko de ní nɛ ɔmɛ nɛ waa nu. Mawu be wa hɛ mi si puee.

Yeremia 11:21

Anatot nyumu ɔmɛ hla kaa a maa gbe mi, nɛ a de mi ke, ke i ya nɔ nɛ i fiɛ ngɛ Yawɛ biɛ mi kɛ mwɔɔ ɔ, a maa gbe mi.

Amos 7:16

Lɔ ɔ he ɔ, nyɛɛ bu nɔ́ nɛ Yawɛ ngɛ dee ɔ tue. Nyɛ ke ma kpa gbami, nɛ ma ko tu munyu kɛ si Israel ma a hu.

Mose IV, 6:2

“Mo de Israel bi ɔmɛ ke, ke nyumu ko, loo yo ko je blɔ ka Nazir no peemi kita, nɛ e wo si kaa e maa ngɔ e he ngɔ ha Yawɛ ɔ,

Yeremia 35:5

Jehanɛ, i ngɔ buɛhi, kɛ kpluhi nɛ wai hyi mɛ tɔ kɛ ma Rekab bi ɔmɛ a hɛ mi, nɛ i de mɛ ke, “Nyɛɛ nu dã.”

Mose IV, 6:3

e yu e he kɛ je wai, kɛ dã nɛ nya wa a he. E ko nu wai, aloo dã kpa ko nɛ kuã. E ko nu nɔ́ ko nɛ a kɛ wai yiblii pee; wai yiblii mumu, loo gbigbli hu e ko ye.