Amos 2:10 - BAIBLO ALOO NGMAMI KLƆUKLƆU Ɔ

¹⁰ Imi lɛ i je nyɛ kɛ je Egipt bi ɔmɛ a zugba a nɔ ɔ nɛ. I kpaka nyɛ kɛ gu nga a nɔ jeha nyingmi eywiɛ, nɛ i ngɔ Amor bi ɔmɛ a zugba a kɛ ha nyɛ, nɛ e ba pee nyɛ nɔ́.

Amos 2:10 ပူးပေါင်းရင်းမြစ်များ

Nehemia 9:21

Jeha nyingmi eywiɛ sɔuu nɛ a nyɛɛ nga kplanaa a nɔ ɔ, o ha mɛ nɔ́ tsuaa nɔ́ nɛ he hia mɛ: a tadehi gba we ngɛ a he, nɛ a nanehi hu fuu we.

La 95:10

I ná yi nɔ bi nɛ ɔmɛ a he abofu jeha nyingmi eywiɛ sɔuu. I de ke, ‘Nimli nɛ ɔmɛ je ye se; a kua ye mlaa amɛ a nɔ yemi’

Mose II, 12:51

Nɛ jamɛ a ligbi ɔ nɔuu ɔ, Yawɛ je Israel bi ɔmɛ kɛ je Egipt zugba a nɔ wɛtso nya wɛtso nya.

Mose II, 20:2

“Imi ji Yawɛ, o Mawu ɔ nɛ je mo kɛ je Egipt zugba a nɔ kɛ je nyɔguɛ yemi mi ɔ nɛ.

Mose II, 3:8

Lɔ ɔ he ɔ, i kple si kɛ ba, konɛ ma ba kpɔ mɛ kɛ je Egipt bi ɔmɛ a dɛ mi, nɛ ma je mɛ kɛ je zugba nɛ ɔ nɔ kɛ ya zugba kpakpa nɛ kle, nɛ baa ní nɔ. Kanaan bi, Hit bi, Amor bi, Periz bi, Hiv bi, kɛ Yebus bi a hi he ɔ i ngɛ tsɔɔe ɔ nɛ.

Yeremia 2:6

A bi we ke, ‘Jije Yawɛ ngɛ?’ Pohu, imi lɛ i je mɛ kɛ je Egipt zugba a nɔ; imi lɛ i kpaka mɛ kɛ gu nga kplanaa a nɔ, zugba kɛ e mi muɔhi kɛ e mi diblii kpii, zugba nɛ nyu be nɔ, nɛ nɔmlɔ adesa ko be nɔ, nɛ nɔ ko hu gui nɔ.

Ezekiel 20:10

“Lɔ ɔ he ɔ, i kpaka mɛ kɛ je Egipt zugba a nɔ kɛ ba nga a nɔ.

Amos 3:1

Nyɛ Israel bi! Nyɛ ma a tsuo nɛ Yawɛ je kɛ je Egipt zugba a nɔ ɔ, nyɛɛ bu nɔ́ nɛ Yawɛ ngɛ dee ngɛ nyɛ he ɔ tue.

Amos 9:7

Yawɛ ke, “Israel ma, nyɛ ngɛ kaa Sudan bi ɔmɛ nɔuu ha mi; i susuɔ nyɛɛ kɛ mɛ tsuo nyɛ he fiee. Anɛ pi imi nɛ i je Filisti bi ɔmɛ kɛ je Kreta lo? Anɛ pi imi nɛ i je Siria bi ɔmɛ kɛ je Kir kaa bɔ nɛ i kpaka nyɛ, Israel bi ɔmɛ hu kɛ je Egipt zugba a nɔ ɔ lo?

Mika 6:4

I je nyɛ kɛ je Egipt zugba a nɔ; i je nyɛ kɛ je nyɔguɛ si himi mi; i tsɔ Mose, Aaron, kɛ Miriam nɛ a ya kpaka nyɛ kɛ ba.

Mose IV, 13:32

Lɔ ɔ he ɔ, a gba Israel bi ɔmɛ zugba a nɛ a ya slaa a he sane yaya, nɛ a de ke, “Zugba a nɛ wa ya slaa a, e ji zugba nɛ ngɛ lɛ nitsɛ e nɔ bi a yi tanee, ejakaa zugba a hí. Jehanɛ, nimli nɛ wa ya na ngɛ zugba a nɔ ɔ hu, nyumu oblaihi sɔuu ji mɛ.

Mose IV, 21:25

Israel bi ɔmɛ ngɔ Amor bi ɔmɛ a ma ngua amɛ tsuo, kaa Heshbon kikɛ nɛ ɔ; nɛ a hi Amor bi ɔmɛ a ma ngua amɛ, kɛ kɔpe ɔmɛ tsuo a mi.

Mose IV, 32:13

Lɔ ɔ he ɔ, Yawɛ mi mi fu Israel, nɛ e ha a wo lalaalo ngɛ nga a nɔ jeha nyingmi eywiɛ, kɛ ya si be mi nɛ jamɛ a yi nɔ bi ɔmɛ nɛ pee nɔ́ nɛ dɛ ngɛ Yawɛ hɛ mi ɔ tsuo pɛpɛɛpɛ gbo ta.

Ni Tsumi 13:18

E to e tsui si ha mɛ, nɛ e hyɛ a nɔ ngɛ nga a nɔ maa pee jeha nyingmi eywiɛ.

Ni Tsumi 7:42

Lɔ ɔ he ɔ. Mawu je e hɛ ngɛ a nɔ, nɛ e ngmɛɛ a he kaa a ja dodoehi ngɛ hiɔwe kaa bɔ nɛ a ngma ngɛ gbali ɔmɛ a womi ɔ mi ke, ‘Nyɛ Israel ma, anɛ imi nɛ nyɛ sã lohwehi, kɛ niye ni bɔ ngɔ ha ngɛ nga a nɔ jeha nyingmi eywiɛ ɔ?

Mose V, 1:39

“Jehanɛ Yawɛ de wɔ tsuo ke, ‘Nyɛ bimɛ tsɔwi ɔmɛ nɛ na we nɛ a le slɔɔto nɛ ngɛ kpakpa kɛ yayami a kpɛti lolo, nɛ́ nyɛ de ngɛ a he ke he nyɛli ma ba nuu mɛ ɔ, mɛ ma ngɔ zugba a kɛ ha nɛ a hi nɔ.

Mose V, 2:7

“Nyɛ na bɔ nɛ Yawɛ, nyɛ Mawu ɔ gbaa nyɛ ngɛ nɔ́ tsuaa nɔ́ mi, nɛ e baa nyɛ yi ngɛ nga kplanaa tilaa nɛ ɔ nɔ. Jeha nyingmi eywiɛ sɔuu ji nɛ ɔ nɛ Yawɛ, nyɛ Mawu ɔ hyɛ nyɛ nɔ, nɛ nɔ́ ko nɔ́ ko hia we nyɛ.

Yoshua 13:4

Enɛ ɔmɛ hu piɛ he: Kanaan bi ɔmɛ a zugba a tsuo, kɛ Meara nɛ ji Sidon bi ɔmɛ a nɔ́ ɔ, kɛ ya su Afek ngɛ Amor bi ɔmɛ a huzu ɔ nya,

Yoshua 24:8

Pee se ɔ, i ngɔ nyɛ kɛ ba Amor bi ɔmɛ a zugba a nɔ, ngɛ Yordan pa a beleku je. A kɛ nyɛ hwu ta; se i ha nyɛ ye a nɔ, nɛ nyɛ ngɔ a zugba a. I kpata a hɛ mi, nɛ i ha nyɛ blɔ mi tɛ̃ ha nyɛ.