Amos 2:1 - BAIBLO ALOO NGMAMI KLƆUKLƆU Ɔ

¹ Yawɛ ke, “Moab ma mi bi ɔmɛ pee yayamihi nɔtonɔto babauu. A pue Edom matsɛ ɔ hɛ mi si; a sã e wuhi, nɛ a wɛɛ mɛ mɔnyɔmɔnyɔ kɛ pee kalo. Enɛ ɔ he je ɔ, ja i gbla a tue kokooko.

Amos 2:1 ပူးပေါင်းရင်းမြစ်များ

Matsɛmɛ II, 3:9

Kɛkɛ nɛ Israel, Yuda, kɛ Edom matsɛmɛ ɔmɛ pue nɔ kɛ ho. Benɛ a ya wo lalaalo kɛ nyɛɛ ligbi kpaago ɔ, a nɛ nyu ha ta buli ɔmɛ, kɛ a lohwe ɔmɛ.

Abɛ Womi 15:3

Yawɛ hɛngmɛ ngɛ he tsuaa he; e naa kpakpa peeli, kɛ yayami peeli tsuo.

Yesaya 11:14

Jehanɛ lɛɛ, a maa pee kake kɛ ya tua Filisti bi ɔmɛ ngɛ bonyoku je; nɛ a maa ha nihi nɛ ngɛ beleku je ɔ a níhi. A maa ye Edom kɛ Moab bi ɔmɛ a nɔ kunimi, nɛ Amon bi ɔmɛ hu maa ba a he si ha mɛ.

Yesaya 16:6

Yuda bi ɔmɛ ma he nɔ ke, “Wa nu kaa Moab bi ɔmɛ woɔ a he nɔ wawɛɛ; a peeɔ pupuupu, nɛ a bui nɔ, se a fiami ɔ ya peeɔ nya mi gu fiami.”

Yesaya 25:10

Yawɛ maa bu Zion yo ɔ he, se Moab bi ɔmɛ lɛɛ, a maa naa a nɔ kaa a naa nga nɔ kɛ woɔ dwɔmi mi kɛ ya pueɔ kuku nɔ.

Amos 1:11

Yawɛ ke, “Edom ma mi bi ɔmɛ pee yayamihi nɔtonɔto babauu. A kɛ abofu nɛ nya wa fie a nyɛmimɛ Israel bi ɔmɛ kɛ klaate, nɛ a nɛ mɛ mɔbɔ kulaa.

Amos 1:13

Yawɛ ke, “Amon ma mi bi ɔmɛ pee yayamihi nɔtonɔto babauu. Benɛ a ngɛ ta hwue ngɛ Gilead nɛ a kɛ kpɔ nihi a zugba a, a pee yi wu tso níhi fuu; a kɛ klaate tsɔtslɔɔ yihɔyihi po a mi mi. Enɛ ɔ he je ɔ, ja i gbla a tue kokooko.

Amos 1:3

Yawɛ ke, “Siria ma ngua Damasko bi ɔmɛ pee yayamihi nɔtonɔto babauu; a wa Gilead bi ɔmɛ yi mi, nɛ a pee mɛ nisɛ ní a ní. Enɛ ɔ he je ɔ, ja i gbla a tue kokooko.

Amos 1:6

Yawɛ ke, “Gaza ma mi bi ɔmɛ pee yayamihi nɔtonɔto babauu; a nuu kɔpehi fuu a mi bi kɛ ho, nɛ a ya jua mɛ kaa nyɔguɛhi kɛ ha Edom bi. Enɛ ɔ he je ɔ, ja i gbla a tue kokooko.

Amos 1:9

Yawɛ ke, “Tiro ma mi bi ɔmɛ pee yayamihi nɔtonɔto babauu. A jua kɔpehi babauu a mi bi kaa nyɔguɛhi kɛ ha Edom bi, nɛ kake peemi somi nɛ ngɛ nyɛmi kɛ nyɛmi a kpɛti ɔ, a yi nɔ. Enɛ ɔ he je ɔ, ja i gbla a tue kokooko.

Amos 2:4

Yawɛ ke, “Yuda ma mi bi ɔmɛ pee yayamihi nɔtonɔto babauu. A yi imi Yawɛ, ye mlaa amɛ a nɔ fɛɛ. Yaka mawuhi nɛ a nɛmɛ ɔmɛ sɔmɔ ɔ, jamɛ a mawu ɔmɛ nɔuu a se lɛ a ya nyɛɛ. Enɛ ɔ he je ɔ, ja i gbla a tue kokooko.

Amos 2:6

Yawɛ ke, “Nyɛ Israel ma, nyɛ pee yayamihi nɔtonɔto babauu. Nimli kpakpahi nɛ a hɛɛ hiɔ, kɛ dɛgutsɛmɛ nɛ a nyɛ we nɛ a wo tokota nane hiɛ kɛ hiɛ he hiɔ ɔ, nyɛ juaa mɛ kaa nyɔguɛhi. Enɛ ɔmɛ a he je ɔ, ja i gbla nyɛ tue.

Mika 6:5

Ye ma, nyɛ kai nɔ́ nɛ Moab matsɛ, Balak to nɛ e maa pee nyɛ, kɛ heto nɛ Beor binyumu Balaam ha lɛ. Nyɛ kai níhi nɛ ba ngɛ blɔ nɔ kɛ je nyɛ si tomi he ɔ ngɛ Shitim kɛ ya Gilgal ɔ. Nyɛ kai ní nɛ ɔmɛ, konɛ nyɛɛ na bɔ nɛ i pee kɛ he nyɛ yi wami.” Yawɛ lɛ de.