Amos 1:6 - BAIBLO ALOO NGMAMI KLƆUKLƆU Ɔ

⁶ Yawɛ ke, “Gaza ma mi bi ɔmɛ pee yayamihi nɔtonɔto babauu; a nuu kɔpehi fuu a mi bi kɛ ho, nɛ a ya jua mɛ kaa nyɔguɛhi kɛ ha Edom bi. Enɛ ɔ he je ɔ, ja i gbla a tue kokooko.

Amos 1:6 ပူးပေါင်းရင်းမြစ်များ

Kronika II, 28:18

Jamɛ a be ɔ mi nɔuu ɔ, Filisti bi ɔmɛ hu ba tua mahi nɛ ngɛ kɔ̃ ɔ mi ngɛ bonyoku je ɔ, kɛ mahi nɛ ngɛ Yuda leneyi je ɔ. Filisti bi ɔmɛ ngɔ ma nɛ ɔmɛ, nɛ a hi a mi: Bet Shemesh, Aiyalon, kɛ Gederot. A ngɔ Soko kɛ Timna, kɛ Gimzo, kɛ kɔpehi nɛ bɔle ma nɛ ɔmɛ.

Yeremia 47:1

Loko Egipt matsɛ ɔ ya tua Filistia a, Yawɛ kɛ mi tu munyu nɛ kɔɔ Filistia he.

Ezekiel 35:5

“O kɛ Israel bi ɔmɛ yi saasaa. Benɛ a pee yayami nɛ a ngɛ a tue gblae, nɛ a ngɛ amanehlu nae ɔ, o kɛ klaate gbe mɛ.

Yoel 3:4

“Tiro, Sidon, kɛ Filistia zugba a tsuo, mɛni nyɛ ngɛ hlae kaa nyɛ maa pee mi nɛ ɔ? Nyɛ ngɛ hlae nɛ nyɛɛ ye nyɛ he lue lo? Ke ja ji sane ɔ, lɛɛ ma ha nyɛ nitsɛmɛ nyɛ yayami ɔ ma kpa bu nyɛ nɔ esɔ.

Yoel 3:6

Nyɛ ngɔ Yuda kɛ Yerusalem bi ɔmɛ kɛ je a zugba nɔ kɛ ho ma se lokoo ya, nɛ nyɛ jua mɛ ngɔ ha Hela bi.

Amos 1:11

Yawɛ ke, “Edom ma mi bi ɔmɛ pee yayamihi nɔtonɔto babauu. A kɛ abofu nɛ nya wa fie a nyɛmimɛ Israel bi ɔmɛ kɛ klaate, nɛ a nɛ mɛ mɔbɔ kulaa.

Amos 1:3

Yawɛ ke, “Siria ma ngua Damasko bi ɔmɛ pee yayamihi nɔtonɔto babauu; a wa Gilead bi ɔmɛ yi mi, nɛ a pee mɛ nisɛ ní a ní. Enɛ ɔ he je ɔ, ja i gbla a tue kokooko.

Amos 1:7

Ma mɛ Gaza gbogbo ɔmɛ, kɛ mɔ ɔmɛ a he la.

Amos 1:9

Yawɛ ke, “Tiro ma mi bi ɔmɛ pee yayamihi nɔtonɔto babauu. A jua kɔpehi babauu a mi bi kaa nyɔguɛhi kɛ ha Edom bi, nɛ kake peemi somi nɛ ngɛ nyɛmi kɛ nyɛmi a kpɛti ɔ, a yi nɔ. Enɛ ɔ he je ɔ, ja i gbla a tue kokooko.

Obadia 1:11

“Benɛ he nyɛli ɔmɛ ba ywia agbo ɔmɛ ɔ, o daa si ngɛ se banee. Nihi nɛ ba muɔ Yerusalem june ɔmɛ kɛ ho nɛ a ya dla ngɔ ha a he ɔ, o ngɛ kaa mɛ pɛ.

Zakaria 9:5

Ashkelon maa na nɔ́ nɛ ɔ, nɛ e maa ye gbeye. Gaza hu maa na, nɛ e ma kokloo si. Ekron hu ja nɔuu, ejakaa e hɛ kɛ nɔ fɔmi tsuo ta. Gaza matsɛ ɔ hɛ mi ma kpata, nɛ Ashkelon maa pee ma doku.

Ni Tsumi 8:26

Nyɔmtsɛ ɔ bɔfo ko ba de Filipo ke, “Dla o he nɛ o ya leneyi je, nɛ o nyɛɛ blɔ nɛ je Yerusalem kɛ yaa Gaza a nɔ.” (A nyɛɛ we blɔ nɛ ɔ nɔ hu.)

Samuel I, 6:17

Filisti bi ɔmɛ ngɔ sika tsu tslɔɔ enuɔ ɔmɛ ya ha Yawɛ kaa fɔ yemi bɔ kɛ ha a ma nguaa enuɔ ɔmɛ. Ma amɛ ji Ashdod, Gaza, Ashkelon, Gat, kɛ Ekron.