Amos 1:5 - BAIBLO ALOO NGMAMI KLƆUKLƆU Ɔ

⁵ Gbogbo nɛ a fia kɛ bɔle Damasko ma a, agbohi nɛ a je ngɛ mi ɔ, ma ywia mɛ. Ma gbe nihi nɛ ngɛ Aven kɔ̃ ɔ mi, kɛ Beteden ma nɔ yelɔ ɔ. A maa nuu Siria bi ɔmɛ nyɔguɛ kɛ ya Kir zugba a nɔ.” Yawɛ lɛ de.

Amos 1:5 ပူးပေါင်းရင်းမြစ်များ

Matsɛmɛ II, 14:28

Yeroboam he sane kpahi, kã nɛ e pee, ta nɛ e hwu, bɔ nɛ e kpɔ Damasko kɛ Hamat kɛ je Yuda dɛ ngɔ ha Israel, kɛ ní kpahi tsuo nɛ e pee ɔ, a ngma ngɛ Israel Matsɛmɛ ɔmɛ a Yi nɔ Sanehi Womi ɔ mi.

Matsɛmɛ II, 16:9

Asiria matsɛ ɔ bu lɛ tue, nɛ e hia kɛ ya tua Damasko. E ngɔ ma a, nɛ e gbe Matsɛ Rezin; se ma a mi bi ɔmɛ lɛɛ e nuu mɛ nyɔguɛ kɛ ho Kir ya.

Yesaya 22:6

Ta buli hi okpɔngɔhi a nɔ kɛ je Elam kɛ ba kɛ a dɛ mi kɛ̃ɛ̃. Ta buli nɛ je Kir hu mia kɛ tsɛ̃i ja nɔuu.

Yesaya 43:14

Yawɛ, yi wami helɔ, Israel Mawu Klɔuklɔu ɔ, bɔ nɛ e de ji nɛ ɔ nɛ: “Ma tsɔ nihi kɛ ya Babilon tɔɔ kɛ he o yi wami. Ma ku agbo ɔmɛ ngɔ pue si, nɛ lele nɛ a ngɛ hwɔe ɔ ma plɛ pee kɔmɔ yemi.

Yesaya 8:4

Loko bi nɛ ɔ maa le ‘Maa’ loo ‘Tsaatsɛ’ demi ɔ, Asiria matsɛ ɔ ma ba muɔ Damasko sika tsuo, kɛ Samaria ta yibu ní tsuo kɛ ho.”

Yeremia 50:36

Ta ma ba na lakpa gbali ɔmɛ, nɛ a ma plɛ pee kuasiahi! Ta ma ba na ta buli ɔmɛ, nɛ sawale maa nu mɛ!

Yeremia 51:30

Babilonia ta buli ɔmɛ kpa ta hwumi, nɛ a hii si ngɛ a mɔ ɔmɛ a mi. A kɔni mi jɔ̃, nɛ a pee kaa yihi. Babilonia agbo ɔmɛ ku kɛ pueɔ si, nɛ we ɔmɛ sã.

Kɔmɔ Yemi 2:9

Zu ha agbo ɔmɛ a nɔ; a ku a se lami ní ɔmɛ a mi dukuduku. A nuu matsɛmɛ ɔmɛ, kɛ ganɔ ɔmɛ kɛ ho ma se ya. Nɔ ko tsɔɔ we mlaa a hu. Yawɛ je we nina kɛ ha we gbali ɔmɛ hu.

Ezekiel 27:23

Haran, Kane, kɛ Eden ma amɛ, kɛ jehanɛ jua yeli nɛ je Sheba, Asur kɛ Kilmad ma amɛ a mi ɔ, mɛ tsuo a kɛ mo ye jua.

Ezekiel 30:17

Heliopolis, kɛ Bubastis ma amɛ a mi nihewi ma gbo ngɛ ta mi, nɛ nihi nɛ maa piɛ ɔ lɛɛ a maa nuu mɛ nyɔguɛ.

Hosea 10:8

Wɔ piɛhi nɛ ngɛ Aven yoku ɔ nɔ, he nɛ Israel ma a ya jaa amaga amɛ ngɛ ɔ, a ma kpata a hɛ mi. Mio tso, kɛ hu maa bɔ kɛ pue a bɔ sami la tɛ ɔmɛ a nɔ. Nɛ Israel bi ma kpa ngmlaa ma de yo gagaa amɛ ke, “Nyɛ ba ha wa nɔ!” nɛ a ma de yoku ɔmɛ ke, “Nyɛ ba nɔ wa nɔ!”

Amos 5:5

Nyɛ ko ya ja mi ngɛ Beersheba hu. Nyɛ ko ya hla mi ngɛ Betel hu, ejakaa Betel maa pee ma doku, kɛ mumi yayamihi a hi he. Nyɛ ko ya Gilgal, ejakaa a maa nuu Gilgal ma mi bi ɔmɛ nyɔguɛ kɛ je.

Amos 9:7

Yawɛ ke, “Israel ma, nyɛ ngɛ kaa Sudan bi ɔmɛ nɔuu ha mi; i susuɔ nyɛɛ kɛ mɛ tsuo nyɛ he fiee. Anɛ pi imi nɛ i je Filisti bi ɔmɛ kɛ je Kreta lo? Anɛ pi imi nɛ i je Siria bi ɔmɛ kɛ je Kir kaa bɔ nɛ i kpaka nyɛ, Israel bi ɔmɛ hu kɛ je Egipt zugba a nɔ ɔ lo?

Nahum 3:13

O ta buli ɔmɛ ngɛ kaa yihi pɛ; ke he nyɛli ba tua ma a, nɔ ko be nyɛe maa te si kɛ wo mɛ. La maa sã agbo ɔmɛ a se lami ní ɔmɛ.