Amos 1:3 - BAIBLO ALOO NGMAMI KLƆUKLƆU Ɔ

³ Yawɛ ke, “Siria ma ngua Damasko bi ɔmɛ pee yayamihi nɔtonɔto babauu; a wa Gilead bi ɔmɛ yi mi, nɛ a pee mɛ nisɛ ní a ní. Enɛ ɔ he je ɔ, ja i gbla a tue kokooko.

Amos 1:3 ပူးပေါင်းရင်းမြစ်များ

Matsɛmɛ I, 19:17

Nɔ tsuaa nɔ nɛ maa tu fo kɛ je Hazael klaate nya a, Yehu maa gbe lɛ; nɛ nɔ nɛ maa tu fo kɛ maa je Yehu klaate nya a, Elisha maa gbe lɛ.

Matsɛmɛ II, 13:3

Enɛ ɔ he je ɔ, Yawɛ mi mi fu Israel, nɛ e ngɔ mɛ kɛ wo Siria matsɛ, Hazael kɛ e binyumu Benhadad a dɛ mi si abɔ.

Matsɛmɛ II, 13:7

Siria matsɛ ɔ kpata Matsɛ Yehoahaz tabo ɔ hɛ mi, nɛ nɔ́ nɛ ɔ ha nɛ a he wami nɔ gbɔ. Matsɛ Yehoahaz ta buli tsuo nɛ piɛ ha lɛ ji okpɔngɔ ta buli nyingmi enuɔ, ta zugba lɛ nyɔngma, kɛ nane nyɛɛli akpe nyɔngma.

Matsɛmɛ II, 16:9

Asiria matsɛ ɔ bu lɛ tue, nɛ e hia kɛ ya tua Damasko. E ngɔ ma a, nɛ e gbe Matsɛ Rezin; se ma a mi bi ɔmɛ lɛɛ e nuu mɛ nyɔguɛ kɛ ho Kir ya.

Matsɛmɛ II, 8:12

Hazael bi lɛ ke, “Ye nyɔmtsɛ, mɛni he je o ngɛ ya foe ɔ?” Elisha he nɔ ke, “Ejakaa i le ní yayamihi nɛ o maa pee Israel ma a. O maa mɛ a mɔ ɔmɛ a he la; o kɛ klaate maa gbe a nihewi ɔmɛ; o maa ngɔ a bimɛ tsɔwitsɔwi ɔmɛ kɛ fia si, nɛ a maa ku dukuduku. Yihɔyi ɔmɛ lɛɛ o ma gba a muklii ɔmɛ.”

Hiob 19:3

Kpamisa nɛ ɔ, jɛmi kɛkɛ nyɛ ngɛ mi jɛe. Anɛ e pee we nyɛ zo kaa nyɛ ngɛ mi nisɛ ní pee lo?

Hiob 5:19

E ma je mo kɛ je haomihi tsuo a mi, nɛ nɔ́ ko be o he sae.

Abɛ Womi 6:16

Ní kpaago komɛ nɛ Yawɛ hiee, nɛ e sume saasaa ji: Hewo, Lakpa yemi, Nɔ nɛ pee we nɔ́ ko e muɔ si puemi, Ga yayami tomi, He sɔmi kɛ yayami peemi, Lakpa odase yelɔ, kɛ Nɔ nɛ woɔ e nyɛmimɛ a kpɛti pɛ.

Fiɛlɔ 11:2

Ngɔɔ o ní kpakpahi ngɔ to hehi munomuno; ejakaa o li matahu ko nɛ ma ba po mo ngɛ je mi.

Yesaya 28:27

Pui wu, kɛ kowɛ ɔ, pi tso kpoti nɛ a kɛ gbeeɔ, se tso zaayo kɛkɛ.

Yesaya 41:15

Hyɛ, ma pee mo kaa ngma mi sami he klama kɛ e lunguhi nɛ a nya ba. O maa ywia yo ɔmɛ, nɛ o maa pee mɛ butuu; o maa pee yoku ɔmɛ kaa jakati.

Yesaya 7:16

Jamɛ a be ɔ be sue tete po nɛ matsɛmɛ enyɔ ɔmɛ nɛ ngɛ nyɛ he gbeye woe ɔ a zugba amɛ a nɔ maa je gu.

Yesaya 7:8

Mɛni he je? Ejakaa Siria he wɛ pi Damasko nɛ ji e matsɛ ma a, nɛ Damasko he wɛ pi Rezin. Israel lɛɛ hiɛmɛ nɛ ɔ jeha nyingmi ekpa kɛ enuɔ ɔ, a ma kpata e hɛ mi butuu, bɔ nɛ e be nyɛe maa da si kaa ma hu.

Yesaya 8:4

Loko bi nɛ ɔ maa le ‘Maa’ loo ‘Tsaatsɛ’ demi ɔ, Asiria matsɛ ɔ ma ba muɔ Damasko sika tsuo, kɛ Samaria ta yibu ní tsuo kɛ ho.”

Amos 1:11

Yawɛ ke, “Edom ma mi bi ɔmɛ pee yayamihi nɔtonɔto babauu. A kɛ abofu nɛ nya wa fie a nyɛmimɛ Israel bi ɔmɛ kɛ klaate, nɛ a nɛ mɛ mɔbɔ kulaa.

Amos 1:13

Yawɛ ke, “Amon ma mi bi ɔmɛ pee yayamihi nɔtonɔto babauu. Benɛ a ngɛ ta hwue ngɛ Gilead nɛ a kɛ kpɔ nihi a zugba a, a pee yi wu tso níhi fuu; a kɛ klaate tsɔtslɔɔ yihɔyihi po a mi mi. Enɛ ɔ he je ɔ, ja i gbla a tue kokooko.

Amos 1:6

Yawɛ ke, “Gaza ma mi bi ɔmɛ pee yayamihi nɔtonɔto babauu; a nuu kɔpehi fuu a mi bi kɛ ho, nɛ a ya jua mɛ kaa nyɔguɛhi kɛ ha Edom bi. Enɛ ɔ he je ɔ, ja i gbla a tue kokooko.

Amos 1:9

Yawɛ ke, “Tiro ma mi bi ɔmɛ pee yayamihi nɔtonɔto babauu. A jua kɔpehi babauu a mi bi kaa nyɔguɛhi kɛ ha Edom bi, nɛ kake peemi somi nɛ ngɛ nyɛmi kɛ nyɛmi a kpɛti ɔ, a yi nɔ. Enɛ ɔ he je ɔ, ja i gbla a tue kokooko.

Amos 2:1

Yawɛ ke, “Moab ma mi bi ɔmɛ pee yayamihi nɔtonɔto babauu. A pue Edom matsɛ ɔ hɛ mi si; a sã e wuhi, nɛ a wɛɛ mɛ mɔnyɔmɔnyɔ kɛ pee kalo. Enɛ ɔ he je ɔ, ja i gbla a tue kokooko.

Amos 2:4

Yawɛ ke, “Yuda ma mi bi ɔmɛ pee yayamihi nɔtonɔto babauu. A yi imi Yawɛ, ye mlaa amɛ a nɔ fɛɛ. Yaka mawuhi nɛ a nɛmɛ ɔmɛ sɔmɔ ɔ, jamɛ a mawu ɔmɛ nɔuu a se lɛ a ya nyɛɛ. Enɛ ɔ he je ɔ, ja i gbla a tue kokooko.

Amos 2:6

Yawɛ ke, “Nyɛ Israel ma, nyɛ pee yayamihi nɔtonɔto babauu. Nimli kpakpahi nɛ a hɛɛ hiɔ, kɛ dɛgutsɛmɛ nɛ a nyɛ we nɛ a wo tokota nane hiɛ kɛ hiɛ he hiɔ ɔ, nyɛ juaa mɛ kaa nyɔguɛhi. Enɛ ɔmɛ a he je ɔ, ja i gbla nyɛ tue.

Zakaria 9:1

Yawɛ sɛ gbi ji nɛ ɔ nɛ. Yawɛ ke a maa gbla Hadrak zugba a, kɛ Damasko ma a a tue, ejakaa tsa pi Israel wɛtso ɔmɛ pɛ ji Yawɛ níhi; mohu ɔ, Syria matsɛ ma a hu e nɔ́.

Zakaria 9:2

Jã kɛ̃ a maa pee Hamat nɛ e kɛ Hadrak wo huzu ɔ. Tiro kɛ Sidon ma amɛ nɛ le ní kaa nɔ́ ko ɔ, mɛ hu ja nɔuu.