Amos 1:2 - BAIBLO ALOO NGMAMI KLƆUKLƆU Ɔ

² Amos de ke, “Yawɛ tu munyu ngɛ Zion yo ɔ nɔ kaa jata nɛ ngɛ huãe, nɛ e miɔ nɛ e ma tsɔtslɔɔ lohwe ko mi. Yawɛ wo gbi ngɛ Yerusalem kaa hiɔwe nɛ ngɛ sie. Ba amɛ ngla ngɛ lohwehi a ní yemi he ɔmɛ, nɛ nga nɛ ngɛ Karmel yo ɔ nɔ ɔ gbli.”

Amos 1:2 ပူးပေါင်းရင်းမြစ်များ

La 29:4

Yawɛ gbi ɔ, he wami ngɛ mi. Yawɛ gbi ɔ, hɛ mi nyami ngɛ mi.

La 46:6

Je ma amɛ a mi mi fuɔ, nɛ a peeɔ hoo; se ke Mawu wo gbi ɔ, zugba a he jɔɔ.

Abɛ Womi 20:2

Ke matsɛ mi mi fu ɔ, ye lɛ gbeye kaa bɔ nɛ o maa ye jata nɛ ngɛ huae gbeye. Nɔ nɛ woɔ matsɛ mi mi la a, lɛ nitsɛ e wami e kɛ ngɛ fiɛe ɔ nɛ.

Yesaya 33:9

Zugba a pee mɔbɔmɔbɔ kɛ fɔɔ si. Lebanon hue ɔmɛ ta kulaa; Sharon zugba nɛ baa ní saminya a pee kaa nga kplanaa nɔ; tsohi nɛ ngɛ Bashan kɛ Karmel yo ɔ nɔ ɔ, a yi mi ba tsuo kplɔ kɛ pueɔ si.

Yesaya 35:2

Niinɛ mɔmɔ babauu maa puɛ ngɛ nɔ, nɛ e kɛ bua jɔmi ma he ose ngɛ mɔmɔ ɔmɛ a he; e maa pee fɛu kaa Lebanon yo ɔmɛ a nɔ; e maa ba ní kaa Karmel kɛ Sharon zugba a. Nɔ tsuaa nɔ maa na Yawɛ hɛ mi nyami, kɛ wa Mawu ɔ we agboje, kɛ e he wami ɔ.

Yesaya 42:13

Yawɛ hia kpo kaa ta bulɔ; e hia kpo kaa ta bulɔ nɛ hɛ dɔ. E ngɛ ngmlaa kpae. E ngɛ ose hee kɛ ngɛ e he nyɛli ɔmɛ woe kaa e kɛ mɛ maa to ní.

Yeremia 12:4

Wa ngmɔ ɔmɛ a nɔ nga a tsuo gbli. Pu mi lohwehi, kɛ lohwe pɛlitsɛmɛ ngɛ tae. Wa zugba a pee mɔbɔmɔbɔ, ejakaa wa ma mi bi ɔmɛ pee yayami. Nɔ́ nɛ a deɔ ji, “Nɔ́ nɛ wa ngɛ pee nɛ ɔ, Mawu tsa nɛ.” Mɛni be nɔ́ nɛ ɔ maa ya nɔ kɛ yaa si?

Yeremia 14:2

“Yuda ngɛ kɔmɔ yee; Yuda ma amɛ ngɛ gboe; ma mi bi ɔmɛ hwɔɔ si ngɛ zugba mɔbɔmɔbɔ, nɛ bubuubui ngɛ pɛe ngɛ Yerusalem.

Yeremia 25:30

“Lɔ ɔ he ɔ, Yeremia, nɔ́ tsuaa nɔ́ nɛ i de mo ɔ, gbaa kɛ tsɔɔ nimli nɛ ɔmɛ. De mɛ ke, ‘Yawɛ ma huã kɛ je hiɔwe lokoo. E ma wo gbi kɛ je e hi he klɔuklɔu ɔ. E maa huã, nɛ e ma he ose wawɛɛ kɛ wo e ma a kaa bɔ nɛ wai ngali kpaa huhui ɔ. Nihi tsuo nɛ ngɛ zugba a nɔ maa nu nɔ́ nɛ ɔ,

Yeremia 28:8

Gbali ɔmɛ nɛ nyɛɛ i kɛ mo tsuo wa hɛ mi blema lokoo ɔ gba ke ta, hwɔ, kɛ gbenɔ hiɔ maa ba je mahi babauu, kɛ matsɛ yemi nguanguahi a nɔ.

Yeremia 50:19

Ma kpale Israel bi ɔmɛ kɛ ba mɛ nitsɛmɛ a zugba a nɔ ekohu. A maa ye niye ní nɛ baa ngɛ Karmel yo ɔ nɔ, kɛ Bashan zugba a nɔ ɔ. A ma na ní maa ye bɔ nɛ a suɔ ngɛ Efraim kɛ Gilead zugba a nɔ.

Hosea 11:10

“Ke i huã kikɛ nɛ ɔ kaa jata a, ye ma a maa nyɛɛ ye se. A he maa sɔ kɛ maa je bonyoku je kɛ ba.

Hosea 13:8

Ma ba tua nyɛ kaa osisiblisi nɛ a nu e bimɛ. Ma fɛ nyɛ mi, nɛ ma ye lo ɔ ngɛ lejɛ ɔ nɔuu kaa jata; ma tsɔtslɔɔ nyɛ mi kaa bɔ nɛ lohwe dikalɔ peeɔ ɔ.

Yoel 1:19

Yawɛ, i ngɛ kue fae kɛ ngɛ mo tsɛe; ejakaa la sã tso ɔmɛ tsuo ngɛ nga a nɔ. La kpata lohwe lɛmi he ɔmɛ tsuo a hɛ mi ngɛ nya nɔ!

Yoel 2:11

Yawɛ maa wo gbi kɛ fa e tabo ɔ he. E ta buli ɔmɛ a he hiɛ babauu; nihi nɛ buɔ Yawɛ tue ɔ, a li a yibɔ. Yawɛ ligbi ɔ maa pee gbeye. Mɛnɔ ma nyɛ nya maa da?

Yoel 3:16

Yawɛ wo gbi kɛ je Zion yo ɔ nɔ; e gbi ɔ ké kɛ je Yerusalem. Kɛkɛ nɛ hiɔwe kɛ zugba mimiɛ. se Yawɛ ji wesa he kɛ ha e ma Israel ɔ.

Amos 9:3

Ke a ya laa a he ngɛ Karmel yo ɔ yi mi tete po, ma ya hla mɛ ngɛ lejɛ ɔ nɛ ma nu mɛ. Nɛ ke a ya laa a he ngɛ wo ɔ sisi tɔɔ po, ma fa wo mi sinɔ ɔ nɛ e ma ya kɔɔ mɛ ngɛ lejɛ ɔ.

Nahum 1:4

Ke Yawɛ wo gbi ɔ, wo miiɔ nɛ e peeɔ zugba gbigbli, nɛ pahi gbliɔ. Lohwehi a ní yemi he kpakpahi nɛ ngɛ Bashan kɛ Karmel yo ɔmɛ a nɔ ɔ nglaa; nɛ Lebanon mɔmɔ ɔmɛ taa.

Samuel I, 25:2

Nyumu ko hi si nɛ je Kaleb weku ɔ mi. E biɛ ji Nabal, nɛ e je Maon, se e ngɛ zugba ngɛ Karmel. Nyumu nɛ ɔ, niatsɛ nguaa ji lɛ; e ngɛ jijɔ akpe etɛ, kɛ apletsi hu akpe. E yo, Abigail ɔ he ngɛ fɛu saminya, nɛ e ngɛ juɛmi hulɔ. Se lɛ nyumu ɔ nitsɛ lɛɛ amimitsɛ kɛ nɔmlɔ nɛ be subai ji lɛ.