Amos 1:14 - BAIBLO ALOO NGMAMI KLƆUKLƆU Ɔ

¹⁴ Ma mɛ Raba gbogbo ɔmɛ, kɛ mɔ ɔmɛ a he la. A ma he ose hoo ta hwumi ligbi ɔ, nɛ ta a ma puɛ ní kaa lasiogblee.

Amos 1:14 ပူးပေါင်းရင်းမြစ်များ

Samuel II, 11:1

Gbo be mi nɛ́ matsɛmɛ pɔɔ ta gbami ɔ, David tsɔ Yoab kɛ e we asafoatsɛmɛ ɔmɛ, kɛ Israel tabo ɔ tsuo kɛ ho nɛ a ya kpata Amon bi ɔmɛ a hɛ mi, nɛ a sa Raba ma a yi. Jamɛ a be ɔ, David nitsɛ lɛɛ e ngɛ Yerusalem.

Samuel II, 12:26

Yoab gba ta wo Raba, Amon bi a ma nguaa a he, nɛ e miɔ nɛ e ngɔ ma a.

Samuel II, 12:31

Ma a mi bi ɔmɛ nitsɛmɛ lɛɛ e muɔ mɛ kɛ ba nɛ e ba ha mɛ ní tsumi kpakpataa komɛ nɛ a kɛ sauhi kɛ dade gbiɛ slɔɔtohi tsuɔ. Jehanɛ se hu, e nyɛ ni ɔmɛ a nɔ nɛ a sã bliikisi. David pee Amon bi ɔmɛ a ma kpa amɛ tsuo kikɛ nɛ ɔ nɔuu. Lɔ ɔ se ɔ, David kɛ ma a tsuo kpale kɛ ba Yerusalem.

Kronika I, 20:1

Gbo, be mi nɛ matsɛmɛ ɔmɛ pɔɔ ta gbami ɔ, Yoab ngɔ tabo ɔ tsuo kɛ ya tua Amon zugba a. Jamɛ a be ɔ mi ɔ, Matsɛ David lɛɛ e ngɛ Yerusalem. A ya sa ma a nɛ a tsɛɛ Raba a yi; a tua ma a, nɛ a kpata ma a hɛ mi.

Hiob 39:25

Ke titimati ɔ pɛ kɛkɛ e fli e gugwɔ mi wawɛɛ. E nuɔ ta he fu ngɛ tsitsaa lokoo. E nuɔ nɛ asafoatsɛmɛ ɔmɛ ngɛ gbi woe, nɛ ose ngɛ pɛe ngɛ ta a mi.

La 83:15

nyɛɛ a se ja nɔuu kɛ o we ahumi ɔ, nɛ o ngɔ o kɔɔhiɔ nɛ nya wa a kɛ wo a he gbeye.

Yesaya 29:6

Yawɛ Tabohiatsɛ ɔ ma he o yi wami. E ma ha hiɔmi ma si, zugba ma mimiɛ wawɛɛ, nɛ lejɛ ɔ tsuo maa pee hoo. Lasiogblee, ahumi, kɛ la gegeege maa ba;

Yesaya 30:30

Nɔ tsuaa nɔ maa na e he wami kpetekpleenyɛ ɔ nɛ ngɛ ní tsue, kɛ bɔ nɛ e mi mi fu wawɛɛ ɔ; la nɛ puɛɔ ní maa tso plamplam, nɛ ahumi maa fia; hiɔmi maa nɛ, nɛ gbiɛ ngo ngu ma pue si.

Yesaya 9:5

Ta buli nɛ ma wɔ tuami ɔ, a tokota amɛ, kɛ a tade ɔmɛ nɛ muɔ sɛ mi ɔ, a kɛ la maa sã lɛ tsuo, kaa lɛ́ ngɛ la mi.

Yeremia 23:19

Nyɛɛ hyɛ! Yawɛ mi mi fumi ɔ ngɛ kaa ahumi. E ngɛ kaa lasiogblee nɛ maa fia vuguvugu kɛ bɔle yayami peeli a yi he.

Yeremia 49:2

Se be ma nɛ ma ha nɛ nihi nɛ ngɛ Amon matsɛ ma Raba a maa nu nɛ a he ose kɛ ma. A ma kpata ma a hɛ mi, nɛ kɔpehi nɛ bɔle ma a, a maa mɛ a he la. Jamɛ a be ɔ, zugba a nɛ he nyɛli ɔmɛ ba kpɔ ngɛ Israel dɛ ɔ, Israel nine maa su nɔ ekohu.

Ezekiel 21:20

Okadi kake maa tsɔɔ matsɛ ɔ blɔ nɛ yaa Amon bi ɔmɛ a ma nɛ a tsɛɛ Raba a, nɛ kake hu maa tsɔɔ blɔ nɛ yaa Yerusalem, Yuda ma nɛ a fia gbogbo ngɔ wo he ɔ.

Ezekiel 21:22

Kɛ̃ɛ̃ nɛ e hɛɛ ngɛ e hiɔ nine mi ɔ maa tsɔɔ Yerusalem. E maa tsɔɔ lɛ kaa e ya fia gbogbo kumi kpoku kɛ wo ma a he; e kpa ngmlaa nɛ e he ose wawɛɛ; e ngɔ gbogbo kumi níhi kɛ to agbo ɔmɛ a nya; e fia kpokuhi, nɛ e ma mɔhi.

Ezekiel 21:25

“Nɛ mo, Israel ganɔ, nɔmlɔ yayami, kɛ yiwutsotsɛ, o nyagbe ji nɛ ɔ nɛ; be nɛ a maa gbla o tue wawɛɛ ɔ su jehanɛ.

Ezekiel 25:5

Raba ma a ma plɛ pee nga nɔ he nɛ afukpɔngɔhi maa ye ní ngɛ. Ma ha Amon bi ɔmɛ a zugba a tsuo ma plɛ pee to lɛmi he. Lɔ ɔ loko nyɛ maa le kaa imi ji Yawɛ.

Ezekiel 25:7

Lɔ ɔ he ɔ, i kɛ mo ná; ma ngɔ mo ngɔ ha je ma amɛ nɛ a ha o níhi. A ma je mo ngɔ hɛ ngɔ fɔ, nɛ o hɛ mi ma kpata pɛsɛpɛsɛ kɛ maa je je ɔ mi. Kɛkɛ ɔ, o maa le kaa imi ji Yawɛ.”

Daniel 11:40

“Ke be nɛ Siria matsɛ ɔ nyagbe be ɔ su ta a, Egipt matsɛ ɔ ma ba tua lɛ. Se Siria matsɛ ɔ maa ngɔ ta zugba lɛhi, okpɔngɔhi, kɛ lɛhi babauu kɛ ba, nɛ e kɛ Egipt matsɛ ɔ ma ba hwu ta wawɛɛ nitsɛ. Kaa bɔ nɛ pa bee ɔ, ja nɛ e maa ngɔ zugba amɛ kakaaka.

Amos 2:2

Ma mɛ Moab zugba a, kɛ Keriot mɔ ɔmɛ a he la. Be mi nɛ ta a pee hoo, nɛ ta buli he ose, nɛ titimatihi ngɛ pɛe ɔ, Moab ma mi bi ɔmɛ ma gbo ngɔ pue si.

Zakaria 7:14

I gbɛ mɛ ngɔ fĩa je mahi nɛ a li nɔ kaa nɔ́ nɛ lasiogblee lɛ muɔ mɛ; nɛ a si zugba a ngɔ fɔ si, nɛ nɔ ko bi ngɛ lejɛ ɔ. Nɛ zugba kpakpa nɛ ɔ ba pee ma doku.”

Mose V, 3:11

Bashan matsɛ, Og pɛ ji oblaihi nɛ a tsɛɛ mɛ Refaim ɔ a ti nɔ nɛ piɛ. E dade sa tso ngɛ Amon bi ɔmɛ a ma nɛ a tsɛɔ Raba a kɛ mwɔɔ. Sa tso ɔ kami ji gugue enyɔ kɛ nine mi blimi enyɔ, nɛ e blimi ji gugue kake kaa bɔ nɛ níhi a susumi mlaa a ngɛ ɔ.