Abɛ Womi 3:3 - BAIBLO ALOO NGMAMI KLƆUKLƆU Ɔ

³ Koo ngmɛɛ si himi kpakpa, kɛ anɔkuale yemi he. Fi kɛ wo o kuɛ, nɛ o ngma kɛ fɔ o tsui nɔ.

Abɛ Womi 3:3 ပူးပေါင်းရင်းမြစ်များ

2 Korintobi 3:3

Nyɛ ngɛ kaa womi nɛ Kristo nitsɛ ngma nɛ e kɛ tsɔ wɔ; pi womi nɛ a kɛ ní ngmami nyu ngmaa ngɛ tɛ tɛtlɛɛhi a nɔ ɔ. Se mohu, enɛ ɔ ji womi nɛ Kristo ngma kɛ gu Mawu hɛ kalɔ ɔ mumi ɔ nɔ ngɛ adesa tsui mi.

Abɛ Womi 7:3

Munyuhi nɛ i tu mo ɔ, moo fi kɛ wo o nine nguɛ he; nɛ o ngma kɛ fɔ o tsui nɔ.

Hebribi 10:16

“Be ma nɛ i kɛ ye ma a maa so somi nɛ ɔ: Ma ngɔ ye mlaa kɛ to a tsui mi, nɛ ma ngma kɛ wo a juɛmi mi.”

Abɛ Womi 6:21

Ngmaa kɛ fɔ o tsui nɔ; nɛ o fi kɛ wo o kuɛ.

Malaki 2:6

A tsɔɔ nɔ́ nɛ ji anɔkuale ɔ, se pi nɔ́ nɛ dɛ. A kɛ mi hi si saminya. Pi kaa mɛ nitsɛmɛ a peeɔ nɔ́ nɛ da kɛkɛ, se a ha nɛ nihi babauu hu kpa yayami peemi.

Efesobi 5:9

Ejakaa la kaa kikɛ nɛ ɔ he okadihi nɛ a naa ji kpakpa peemi, dami sane yemi, kɛ anɔkuale tumi.

Abɛ Womi 16:6

Naa mɔbɔ nɛ o ye anɔkuale, kɛkɛ ɔ, Mawu kɛ o he yayami maa pa mo. Ye Yawɛ gbeye, nɛ yayami ko be o he sae.

Abɛ Womi 20:28

Matsɛ nɛ naa mɔbɔ, nɛ e yeɔ anɔkuale ɔ, e naa tue mi jɔmi, nɛ e tsɛ yemi ɔ hu yaa nɔ saminya.

Abɛ Womi 1:9

Ejakaa lɔ ɔmɛ nɛ ma dla mo nɛ o ba o je mi saminya, kaa bɔ nɛ duku kpakpa, loo kuɛ ní haa nɔ he peeɔ fɛu ɔ.

La 119:11

I ngɔ o munyu ɔ kɛ to ye tsui mi tɔɔ, konɛ ma ko pee yayami kɛ si mo.

La 25:10

Nihi tsuo nɛ yeɔ Yawɛ somi ɔ, kɛ e mlaa amɛ a nɔ ɔ, Yawɛ naa mɛ mɔbɔ, nɛ e yeɔ mɛ anɔkuale.

Mose II, 13:9

Nɛ enɛ ɔ maa pee kaa okadi ngɛ nyɛ nine he, kɛ nyɛ hɛ nya, konɛ Yawɛ mlaa a nɛ hi nyɛ nya daa; ejakaa he wami kpetekpleenyɛ nɛ Yawɛ kɛ je nyɛ kɛ je Egipt.

Yeremia 17:1

Yawɛ ke, “Nyɛ Yuda bi, nyɛ he yayami ɔ, dade ningma tso a kɛ ngma; a kɛ sika tɛ nya piɔpiɔ ngma ngɛ nyɛ tsui mi, nɛ a kpɛ́ ngɛ nyɛ bɔ sami la tɛ koli ɔmɛ a nɔ.

Mose V, 6:8

Nyɛɛ fi kɛ wo nyɛ kɔni si, kɛ nyɛ hɛ nya kaa kaimi nɔ́.

Hosea 4:1

Nyɛ Israel bi, nyɛɛ bu nɔ́ nɛ Yawɛ ngɛ dee ɔ tue. Yawɛ ke Israel ma a tɔ̃ e nɔ. E ke, “Anɔkuale yemi ta zugba a nɔ; suɔmi be, nɛ imi Mawu nitsɛ hu a li mi.

Mateo 23:23

“Nyɛ mlaa tsɔɔli kɛ Farisi bi! Musu tloo nyɛ! Osatotsɛmɛ! Nyɛ haa Mawu kowɛ, kɛ anisi, kɛ kumino mi dlami nyɔngmanyɔngma mi kakaaka, se níhi nɛ mlaa a tsɔɔ kaa a he hia, níhi kaa dami sane yemi, mɔbɔ nami, kɛ anɔkuale yemi ɔ, lɔ ɔmɛ lɛɛ nyɛ siɔ. Jinɛ e sa kaa nyɛɛ pee enɛ ɔmɛ, nɛ nyɛ ko si ekpa amɛ hulɔ.

Samuel II, 15:20

Mo nɛ hiɛ pɛ o ba a, mɛni he je ma ngɔ mo kɛ ya wo lalaalo be mi nɛ imi nitsɛ i li he nɛ i yaa a? Moo kpale o se nɛ o kɛ o nyɛmimɛ ɔmɛ nɛ ho. Yawɛ nɛ na mo mɔbɔ nɛ e kɛ mo nɛ hi si.”

La 85:10

Mɔbɔ nami, kɛ anɔkuale kpe hɛ mi kɛ hɛ mi; dami kɛ tue mi jɔmi fua a sibi atuu.

Abɛ Womi 14:22

Nihi nɛ toɔ ga yayami ɔ, a hɛ mi ma kpata. Se ni nɛmɛ nɛ susuɔ nɔ́ kpakpa a, a maa na mɛ mɔbɔ, nɛ a blɔ maa da mɛ.

Mose II, 34:6

Lɔ ɔ se ɔ, Yawɛ ba be ngɛ Mose hɛ mi, nɛ e de kɛ gbi wawɛɛ ke, “Imi Yawɛ ɔ, Mawu mɔbɔ nalɔ, kɛ dloolɔ ji mi; ye mi mi fu we mla, nɛ ye suɔmi kɛ anɔkuale yemi hiɛ babauu.