Abɛ Womi 2:3 - BAIBLO ALOO NGMAMI KLƆUKLƆU Ɔ

³ Ee, moo fa kue nɛ a ha mo nile; kpa pɛɛ nɛ a ha mo nɔ́ sisi numi.

Abɛ Womi 2:3 ပူးပေါင်းရင်းမြစ်များ

Yakobo 1:5

Se ke nyɛ ti nɔ ko ngɛ nile hlae ɔ, e kpa Mawu pɛɛ, nɛ e ma ha lɛ; ejakaa Mawu haa nɔ nɔ́ faa nɛ mi mi gbigblimi be mi.

Abɛ Womi 3:6

Nɔ́ tsuaa nɔ́ mi ɔ, mo kai Yawɛ, nɛ e maa tsɔɔ mo blɔ nɛ da.

La 119:169

Yawɛ, ngmlaa nɛ i ngɛ kpae kɛ ngɛ mo tsɛe ɔ, bu tue koo! Ha nɛ ma nu nɔ́ sisi kaa bɔ nɛ o wo si ɔ!

La 119:125

O tsɔlɔ ji mi, ha mi nile, konɛ ma nu o mlaa amɛ a sisi.

Luka 11:13

Ke nyɛ nimli yayamihi po nyɛ le bɔ nɛ nyɛ haa nyɛ bimɛ ní kpakpahi ɔ, nyɛ Tsɛ nɛ ngɛ hiɔwe ɔ lɛɛ e maa ngɔ Mumi Klɔuklɔu ɔ kɛ ha nihi nɛ biɔ lɛ ɔ kulaa pe kikɛ nɛ ɔ po!”

La 119:73

Mo nitsɛ lɛ o bɔ mi, nɛ o baa ye yi. Ha mi juɛmi nɛ kɔɔ nɔ́ se, konɛ ma kase o mlaa amɛ.

La 119:34

Ha nɛ ma nu mlaa a sisi, konɛ ma ye nɔ kɛ ye tsui tsuo.

Kronika I, 22:12

Yawɛ, o Mawu ɔ nɛ ha mo nile kɛ juɛmi, bɔ nɛ pee nɛ o ye Israel nɔ ngɛ e mlaa a nya.

Abɛ Womi 8:17

Nihi nɛ suɔ mi ɔ, imi hu i suɔ mɛ; nɔ tsuaa nɔ nɛ hlaa ye se blɔ ɔ, e maa na mi.

Abɛ Womi 2:2

Bu nile munyu tue, nɛ o bɔ mɔde kaa o maa nu sisi lo.

Abɛ Womi 2:4

Hla e se blɔ kaa bɔ nɛ a hlaa sika hiɔ, loo juetli nɛ a ngɔ kɛ laa.

Abɛ Womi 4:1

Ye bimɛ, nyɛɛ bu nɔ́ nɛ nyɛ tsɛ ngɛ nyɛ tsɔɔe ɔ tue saminya, konɛ nyɛɛ le ní.