3 Yohane 1:8 - BAIBLO ALOO NGMAMI KLƆUKLƆU Ɔ

⁸ Lɔ ɔ he ɔ, wɔ nɛ wa le Kristo ɔ, e hia kaa waa ye kɛ bua nimli nɛ ɔmɛ, nɛ waa piɛ a he kɛ tsu anɔkuale ɔ he ní tsumi ɔ.

Somi He Ɔ

⁸ Lɔ ɔ he ɔ, e sa kaa wɔ Kristofo ɔmɛ wa he kikɛmɛ a nimli nɛ ɔmɛ atuu, konɛ waa kɛ mɛ nɛ dla anɔkuale ɔ he ni tsumi ɔ.

3 Yohane 1:8 ပူးပေါင်းရင်းမြစ်များ

La 94:16

Mɛnɔ maa piɛ ye he nɛ waa te si kɛ wo yiwutsotsɛmɛ? Mɛnɔ maa piɛ ye he, nɛ waa kɛ yayami peeli ya to ní?

Mateo 10:14

Ke we, loo ma ko mi bi he we nyɛ atuu, nɛ nyɛ sɛ gbi ɔ hu, a bui tue ɔ, nyɛ blɛ nyɛ nane si zu ngɔ pue lejɛ ɔ, nɛ nyɛɛ je.

Mateo 10:40

“Nɔ tsuaa nɔ nɛ heɔ nyɛ ɔ, imi e ngɛ hee ɔ nɛ; nɛ nɔ nɛ heɔ mi ɔ, nɔ nɛ tsɔ mi ɔ lɛ e ngɛ hee ɔ nɛ.

Luka 11:7

Waa ngɔ lɛ kaa nɔ nɛ ngɛ tsu ɔ mi ɔ ma he nɔ ke, ‘Koo doo ye nya! A nga sinya a momo, nɛ i kɛ ye bimɛ hwɔ si; i be nyɛe ma te si ba ha mo nɔ́ ko hu.’

2 Korintobi 6:1

Akɛnɛ waa kɛ Mawu ngɛ ní tsue ɔ, wa kpa nyɛ pɛɛ, dloomi nɛ nyɛ na kɛ je Mawu dɛ mi ɔ, nyɛ ko ha nɛ e pee yaka.

2 Korintobi 8:23

Tito ɔ, ye he piɛlɔ ji lɛ, nɛ i kɛ lɛ tsuo nɛ ngɛ ní tsue konɛ e hi ha nyɛ. Nyɛmimɛ enyɔ kpa amɛ nɛ piɛ e he ɔ lɛɛ asafo ɔmɛ a tsɔli ji mɛ, nɛ a ní tsumi woɔ Kristo hɛ mi nyami.

Filipibi 4:3

Nɛ mo, ye nyɛmi sɔmɔlɔ anɔkualetsɛ, i ngɛ mo pɛɛ kpae nɛ o ye bua yi nɛ ɔmɛ. Ejakaa a kɛ Klemente, kɛ nyɛmimɛ kpahi nɛ waa kɛ mɛ sɔmɔ ɔ, piɛ ye he kɛ tsu ní wawɛɛ kɛ fiɛ sane kpakpa a. A ngma nimli nɛ ɔmɛ tsuo a biɛ ngɛ Mawu wami womi ɔ mi.

Kolosebi 4:11

Yoshua nɛ a tsɛɛ lɛ Yusto hulɔ ɔ ke lɛ hu e biɔ nyɛ. Ni etɛ nɛ ɔmɛ pɛ ji Yuda bi nɛ ba he Kristo ye, nɛ a kɛ mi ngɛ ní tsue ngɛ hiɛ ɔ ngɛ Mawu matsɛ yemi ɔ he. Niinɛ, a ngɛ mi wae wawɛɛ nitsɛ.

1 Tesalonikabi 3:2

Lɔ ɔ he ɔ, wa tsɔ Timoteo, wa nyɛmi nɛ waa kɛ lɛ tsuɔ ní kaa Mawu sɔmɔlɔ kɛ fiɛɔ Kristo he sane kpakpa a. Wa tsɔ lɛ, konɛ e ba wo nyɛ he wami, nɛ e ha nyɛ fi si ngɛ nyɛ hemi kɛ yemi ɔ mi,

Filemon 1:2

kɛ asafo ɔ nɛ kpee ngɛ e we ɔ mi ɔ, kɛ wa nyɛmiyo Apia, kɛ wa huɛ ta bulɔ Arkipo.

Filemon 1:24

Marko, Aristarko, Dɛma, kɛ Luka, ye huɛmɛ nɛ i kɛ mɛ tsuɔ ní ɔ, mɛ hu a ke a biɔ mo.

3 Yohane 1:10

Lɔ ɔ he ɔ, ke i ba a, lakpa munyuhi nɛ e ngɛ tue ngɛ wa he ɔ, ma wo nɔ ta, konɛ nyɛɛ na nihi tsuo nɛ e ngɛ pee ɔ. Se enɛ ɔ tete pi ha lɛ. Ke nyɛmimɛ ɔmɛ ba e ngɔ ɔ, e he we mɛ atuu. Asafo ɔ mi bi komɛ nɛ mɛɛ a suɔ kaa a ma he nyɛmimɛ ɔmɛ atuu po, e tsiɔ a nya; nɛ e hlaa kaa e fie mɛ kɛ je asafo ɔ mi!

3 Yohane 1:7

Ejakaa blɔ nɛ a hia nɛ ɔ, Kristo ní tsumi a ngɛ tsue, nɛ a he we nihi nɛ li Mawu ɔ a dɛ mi yemi kɛ buami ko kulaa.

3 Yohane 1:9

I ngma womi kpiti ko ngɔ mane asafo ɔ. Se Diotrefe, nɔ nɛ hlaa kaa e pee e he nɔkɔtɔma a bui mi kulaa.