3 Yohane 1:6 - BAIBLO ALOO NGMAMI KLƆUKLƆU Ɔ

⁶ A ba ye suɔmi nɛ o ngɛ kɛ ha mɛ ɔ he odase ha asafo ɔ ngɛ hiɛ ɔ. I kpa mo pɛɛ nɛ o wo mɛ blɔ saminya bɔ nɛ maa sa Mawu hɛ mi nɛ a kɛ tsa a blɔ hiami ɔ nɔ.

Somi He Ɔ

⁶ A ba ye o suɔmi ɔ he odase ngɛ asafo ɔ hɛ mi. O maa pee saminya ke ɔ wo mɛ blɔ bɔ nɛ sa Mawu hɛ mi ɔ.

3 Yohane 1:6 ပူးပေါင်းရင်းမြစ်များ

Mose I, 4:7

E ji o pee nɔ́ nɛ hi jinɛ i ko na o he bua jɔmi. Se akɛnɛ o ya pee we nɔ́ nɛ hi ɔ, yayami buu si ngɛ o sinya a nya kaa lohwe dikalɔ nɛ e miɔ nɛ e maa tu mla mo. Se, hyɛ nɛ o ye yayami ɔ nɔ.”

Yona 4:4

Yawɛ bi lɛ ke, “E da ha mo kaa o mi mi fuɔ lo?”

Ni Tsumi 15:29

Nyɛɛ nyɛ wɔ nya lo; nyɛ ko ye lo nɛ muɔ ngɛ mi kɛ mwɔɔ, loo lohwe nɛ a kika e kuɛ; nɛ nyɛɛ hyɛ nyɛ he nɔ saminya, nɛ nyɛ ko fiɛ nyumu kɛ yo kayakaya fiɛmi. Nyɛɛ bɔ mɔde nɛ nyɛɛ yu nyɛ he kɛ je ní nɛ ɔmɛ a he. Nyɛɛ hi si saminya.”

Ni Tsumi 15:3

Asafo ɔ wo mɛ blɔ kɛ ho. Benɛ a gu Foinike kɛ Samaria kɛ yaa a, a sɛɛ ha nihi ngɛ blɔ ɔ nɔ bɔ nɛ ma je li ɔmɛ hu tsake a tsui. Enɛ ɔ ha nɛ nyɛmimɛ ɔmɛ tsuo na bua jɔmi babauu.

Ni Tsumi 21:5

Se nɛ be nɛ wa to nɛ wa maa ye ngɛ a ngɔ ɔ nya ta a, wa si mɛ, nɛ wa pue blɔ. Nyumu ɔmɛ tsuo, kɛ a yi ɔmɛ, kɛ a bimɛ ɔmɛ ba je wɔ blɔ kɛ je ma a mi kɛ ya su wo ɔ nya. Wa kpla si ngɛ zia a nɔ ngɛ lejɛ ɔ, nɛ wa sɔle.

Romabi 15:24

I heɔ yeɔ kaa ke kaa ma be kɛ ya Spania, ma ba gba nyɛ ngɔ nɛ i kɛ nyɛ nɛ hi si be bɔɔ, konɛ lɔ ɔ se ɔ, nyɛ ya je mi blɔ kɛ ho.

2 Korintobi 1:16

Ejakaa i to kaa ke i yaa Makedonia a, ma ba gu nyɛ ngɔ, nɛ ke i kpale ye se kɛ ma hu ma ba gu nyɛ ngɔ, konɛ nyɛɛ wo mi blɔ kɛ ya Yudea.

Filipibi 4:14

Se kɛ̃ ɔ, nyɛ pee saminya kaa nyɛ ba ye bua mi ngɛ ye nɔ́ nami be ɔ mi.

Kolosebi 1:10

Kɛkɛ ɔ, nyɛ maa ba nyɛ je mi bɔ nɛ maa sa Nyɔmtsɛ ɔ hɛ mi. Nyɛ ma tsu ní kpakpa sɔuu, nɛ nyɛ maa le Mawu saminya pe bɔ nɛ nyɛ le lɛ daa.

1 Tesalonikabi 2:12

Wa wo nyɛ he wami; wa wo nyɛ bua, nɛ wa wo nyɛ ga kaa nyɛɛ ba nyɛ je mi bɔ nɛ sa Mawu hɛ mi. Lɛ nɛ e tsɛ nyɛ ke nyɛɛ ba lɛ nitsɛ e matsɛ yemi ɔ, kɛ e nyami ɔ mi.

Tito 3:13

Moo bɔ mɔde nɛ o wo Zena, mlaa tsɔɔlɔ ɔ, kɛ Apolo blɔ saminya; hyɛ nɛ nɔ́ tsuaa nɔ́ nɛ maa hia mɛ ngɛ blɔ ɔ nɔ ɔ, a nine nɛ su nɔ.

1 Petro 2:20

Ke o pee nɔ́ nɛ dɛ, nɛ a ngɛ mo kpa fiae ngɛ he, nɛ o to o tsui si ɔ, mɛni se nami ngɛ he? Se ke o pee kpakpa, nɛ o ngɛ he amanehlu nae, nɛ o to o tsui si ɔ, Mawu maa gbaa mo.

3 Yohane 1:12

Demetrio lɛɛ nɔ tsuaa nɔ tuɔ e he munyu kpakpa; nɛ jã nɔuu nɛ anɔkuale ɔ nitsɛ hu tsɔɔ. Wɔ hu wa ngɛ e he odase yee ja nɔuu, nɛ nyɛ le kaa anɔkuale wa ngɛ tue.