3 Yohane 1:10 - BAIBLO ALOO NGMAMI KLƆUKLƆU Ɔ

¹⁰ Lɔ ɔ he ɔ, ke i ba a, lakpa munyuhi nɛ e ngɛ tue ngɛ wa he ɔ, ma wo nɔ ta, konɛ nyɛɛ na nihi tsuo nɛ e ngɛ pee ɔ. Se enɛ ɔ tete pi ha lɛ. Ke nyɛmimɛ ɔmɛ ba e ngɔ ɔ, e he we mɛ atuu. Asafo ɔ mi bi komɛ nɛ mɛɛ a suɔ kaa a ma he nyɛmimɛ ɔmɛ atuu po, e tsiɔ a nya; nɛ e hlaa kaa e fie mɛ kɛ je asafo ɔ mi!

Somi He Ɔ

¹⁰ Lɔ ɔ he ɔ ke i ba hu, ma wo e ni tsumi ɔmɛ a he sane nɔ, bɔ nɛ e tuɔ wa he munyu yaya, nɛ enɛ ɔmɛ tete pi ha lɛ. Lɛ nitsɛ ɔ, e he we nyɛmimɛ ɔmɛ, nɛ jehanɛ hu nihi nɛ suɔ kaa a pee ja a, e tsiɔ mɛ blɔ, nɛ e fieɔ mɛ kɛ jee asafo ɔ mi.

3 Yohane 1:10 ပူးပေါင်းရင်းမြစ်များ

Abɛ Womi 10:10

Ke nɔ ko na nɔ́ nɛ dɛ, nɛ e ku e hɛ ngɔ fɔ nɔ ɔ, haomi lɛ e kɛ baa. Se nɔ nɛ kaa nɔ hɛ mi nɛ e yi gbeye ɔ, tue mi jɔmi lɛ e kɛ baa.

Abɛ Womi 10:8

Ní lelɔ yeɔ mlaa nɔ; se kuasia nɛ tuɔ munyu puu ɔ, lɛɛ e hɛ mi ma kpata.

Yesaya 66:5

Nyɛ ni nɛmɛ nɛ nyɛ yeɔ Yawɛ gbeye, nɛ nyɛ buɔ lɛ, nyɛ ta tue, “Akɛnɛ nyɛ yeɔ mi anɔkuale ɔ, nyɛ ma mi bi ɔmɛ ekomɛ nyɛɔ nyɛ, nɛ a kɛ nyɛ pee we nɔ́ ko nɔ́ ko, se nyɛ he fɛu mohu a yeɔ. A deɔ ke, ‘Yawɛ nɛ je e he wami kpo nɛ e he nyɛ yi wami, konɛ waa na bɔ nɛ nyɛ ma nya ha.’ Se mɛ nitsɛmɛ a hɛ mi si mohu a ma pue!

Luka 6:22

“Ke nimli nyɛ nyɛ, loo a kua nyɛ, loo a jɛ nyɛ, loo a puɛ nyɛ biɛ ke nimli yayamihi ji nyɛ, ngɛ imi Nɔmlɔ Bi ɔ, ye he ɔ, á gbaa nyɛ!

Yohane 9:22

Nyumu ɔ fɔli ɔmɛ de enɛ ɔ, ejakaa a ngɛ Yuda ma nimeli ɔmɛ gbeye yee. Blɔɔ Yuda bi ɔmɛ so ngɔ to kaa ke nɔ ko ma gba mi paa ma de ke Yesu ji Kristo ɔ, a maa fie jamɛatsɛ ɔ kɛ je kpe he ɔ.

Ni Tsumi 1:15

Be bɔɔ se ɔ, nihi maa pee lafa kɛ nyingmi enyɔ nɛ he Yesu ye ɔ ba bua a he nya. Kɛkɛ nɛ Petro te da si, nɛ e kɛ mɛ tu munyu ke,

2 Korintobi 13:2

Nihi tsuo nɛ pee yayami sa a, i bɔ mɛ kɔkɔ momo benɛ i ba slaa nyɛ si enyɔne ɔ. Amlɔ nɛ ɔ, i be nyɛ ngɔ, se i ngɛ mɛ, kɛ ni kpa amɛ tsuo kɔkɔ bɔe ekohu. Jehanɛ lɛɛ ke i ba a, ma gbla a tue wawɛɛ.

Galatabi 6:10

Lɛɛ ke e maa hi ɔ, waa pee nihi tsuo kpakpa daa, titli ɔ, nihi nɛ waa kɛ mɛ hɛɛ hemi kɛ yemi kake ɔ.

1 Timoteo 5:13

Enɛ ɔ se hu a puɛɔ be kɛ hii nihi a we mi kpae. Nɔ́ nɛ pe enɛ ɔ po ji kaa a yeɔ sieku; a jeɔ si, nɛ a ngɔɔ a nya kɛ woɔ nihi a munyu mi; nɛ nɔ́ nɛ sɛ́ kaa a deɔ hu, a maa hi dee putɛputɛɛ.

2 Yohane 1:10

Lɔ ɔ he ɔ, ke nɔ ko ba nyɛ ngɔ, nɛ e ba tsɔɔ we ní kaa bɔ nɛ Kristo tsɔɔ ɔ, nyɛ ko he lɛ atuu, nɛ nyɛ ba de lɛ ke, “He manye!” tete po.

2 Yohane 1:12

I ngɛ níhi fuu nɛ ma ngma nyɛ mohu, se i sume kaa i kɛ ningma nyu ngmaa ngɔ fɔ womi hɛ mi. Mohu ɔ, i ngɛ blɔ hyɛe kaa ma ba slaa nyɛ. Ke i ba a, i kɛ nyɛ maa sɛɛ ní hɛ mi kɛ hɛ mi, nɛ wa ma na bua jɔmi babauu.

3 Yohane 1:3

I na bua jɔmi babauu benɛ nyɛmimɛ ɔmɛ ekomɛ ba hiɛmɛ nɛ ɔ ba bɔ mi amaniɛ ngɛ o he ɔ. A tsɔɔ kaa o ngɔ o he ngɔ ha Mawu kulaa kaa bɔ nɛ o ngɛ anɔkuale mi ɔ.

3 Yohane 1:5

Ye nyɛmi nɛ i suɔ saminya! Dengme nɛ o ngɛ gboe ngɛ nyɛmimɛ ɔmɛ a he, titli nibwɔ ɔmɛ ɔ, o tsui tsuo o kɛ ngɛ ní nɛ ɔ tsue.