2 Yohane 1:8 - BAIBLO ALOO NGMAMI KLƆUKLƆU Ɔ

⁸ Lɔ ɔ he ɔ, nyɛɛ hyɛ nyɛ he saminya, konɛ ní nɛ wa tsu ɔ, nyɛ ko je mi dɛ gu; se mohu nyɛ ná hiɔwo nɛ sa.

Somi He Ɔ

⁸ Nyɛɛ hyɛ nyɛ he saminya, konɛ nyɛ ko laa nihi nɛ wa tsu ɔ, se mohu nyɛ na hiɔwo nɛ sa.

2 Yohane 1:8 ပူးပေါင်းရင်းမြစ်များ

Daniel 12:3

Ní leli ɔmɛ nɛ nyɛɛ ma a hɛ mi ɔ ma kpɛ kaa pu. Ni nɛmɛ nɛ tsɔɔ nihi babauu blɔ nɛ a pee nɔ́ nɛ da a, mɛɛ lɛɛ a ma kpɛ kaa dodoehi kɛ maa ya neneene.”

Mateo 24:4

Yesu he nɔ nɛ e de mɛ ke, “Nyɛɛ hyɛ nɛ hi, konɛ nɔ ko kó ba mlɔɔ nyɛ.

Marko 13:23

Se nyɛɛ lɛɛ nyɛɛ hyɛ saminya! I de nyɛ nɔ́ tsuaa nɔ́ ngɔ to.

Marko 13:9

“Se nyɛɛ lɛɛ nyɛɛ le nyɛ he nɔ hyɛmi saminya. A maa ngɔ nyɛ kɛ ya kojomi hehi. A maa fia nyɛ kpa ngɛ kpe he ɔmɛ, nɛ ye he ɔ, a kɛ nyɛ maa da amlaalohi, kɛ matsɛmɛ a hɛ mi, konɛ nyɛɛ ye odase ngɔ tsɔɔ mɛ.

Luka 19:19

Nyɔmtsɛ ɔ de lɛ hu ke, ‘O maa ye ma enuɔ nɔ.’

Luka 21:8

Yesu de mɛ ke, “Nyɛɛ hyɛ saminya nɛ a ko mlɔɔ nyɛ, ejakaa nihi fuu maa ba, nɛ a kɛ ye biɛ maa tu munyu ke, ‘Imi ji Kristo ɔ nɛ!’ A ma de hu ke, ‘Be ɔ su ta!’ Se nyɛ ko ya nyɛɛ a se.

Yohane 4:36

Amlɔ nɛ ɔ po ní kpalɔ ɔ ngɛ e hiɔwo nae; e ngɛ ngmɔ ní nya buae kɛ ngɛ wami nɛ ngɛ kɛ yaa neneene ɔ toe, konɛ ní dulɔ ɔ, kɛ ní kpalɔ ɔ tsuo nɛ a bla kɛ nya.

1 Korintobi 15:8

Nyagbe kulaa a, e jé e he kpo ngɔ tsɔɔ imi hulɔ, imi nɛ i ngɛ kaa nɔ ko nɛ a kpatu fɔ lɛ ɔ!

1 Korintobi 3:14

Ke nɔ ko fia tsu ngɔ fɔ sisi tomi ɔ nɔ, nɛ la sa he, se tsu ɔ daa si kɛ mwɔɔ ɔ, tsu fialɔ ɔ ma na hiɔwo kpakpa.

1 Korintobi 3:8

Nɔ nɛ duɔ tso, kɛ nɔ nɛ pueɔ nɔ nyu ɔ, slɔɔto be a kpɛti; Mawu maa wo a ti nɔ tsuaa nɔ hiɔ kpakpa ngɛ ní tsumi nɛ e tsu ɔ he.

Galatabi 3:4

Amanehlu babauu nɛ nyɛ na a, anɛ e maa pee yaka? Dɛbi! I he we yi!

Galatabi 4:11

E peeɔ mi kaa dengme tsuo nɛ i gbo ngɛ nyɛ he ɔ miɔ nɛ e pee yaka.

Filipibi 3:16

Se bɔ tsuaa bɔ nɛ pee ɔ, blɔ nya tomi nɛ wa ye nɔ hluu kɛ ba si amlɔ nɛ ɔ, nyɛ ha waa hɛɛ mi nɛ wa ja nɔuu.

Hebribi 10:32

Nyɛ kai bɔ nɛ nyɛ hi si sa a. Benɛ nyɛ ba le Mawu ɔ, nyɛɛ kɛ hɛ mi miami na amanehlu babauu.

Hebribi 10:35

Lɔ ɔ he ɔ, nyɛ kɔni mi ko jɔ̃ ngɛ nɔ́ nɛ nyɛ ngɔ nyɛ hɛ ngɔ fɔ nɔ ɔ he, ejakaa nyɛ nine maa su hiɔwo agbo ko nɔ.

Hebribi 12:15

Nyɛɛ hyɛ nɛ hi nɛ Mawu dloomi ɔ kó bɔ nɔ ko. Nyɛɛ hyɛ nɛ nɔ ko nɔ́ ko ko dɔ nyɛ kadikadi nɛ ba ble níhi babauu kɛ puɛ ní.

Kpojemi 3:11

I ma nɔuu! Nɔ́ nɛ ngɛ o dɛ ɔ, pɛtɛ he wawɛɛ, konɛ jlasi nɛ o ma na, ke o ye kunimi ɔ, nɔ ko nɛ ko kpɔ ngɛ o dɛ.