2 Yohane 1:6 - BAIBLO ALOO NGMAMI KLƆUKLƆU Ɔ

⁶ Suɔmi nɛ i ngɛ he munyu tue ɔ tsɔɔ kaa waa ye Mawu mlaa amɛ a nɔ. Kaa bɔ nɛ nyɛ nu kɛ je sisije ɔ, mlaa a ji kaa nyɛ tsuo nyɛɛ suɔ nyɛ he.

Somi He Ɔ

⁶ Enɛ ɔ ji suɔmi ɔ nɛ, kaa waa nyɛɛ ngɛ e kita amɛ a nya. Enɛ ɔ ji kita a nɛ, kaa bɔ nɛ nyɛ nu kɛ je sisije ɔ, nɛ nyɛɛ hi si ngɛ suɔmi mi.

2 Yohane 1:6 ပူးပေါင်းရင်းမြစ်များ

Yohane 14:15

“Ke nyɛ suɔ mi ɔ, nyɛ maa ye ye mlaa amɛ a nɔ.

Yohane 14:21

“Nɔ tsuaa nɔ nɛ ngɔɔ ye mlaa amɛ nɛ e yeɔ a nɔ ɔ, e suɔ mi; nɛ nɔ tsuaa nɔ nɛ suɔ mi ɔ, Tsaatsɛ maa suɔ lɛ. Jehanɛ imi hu ma suɔ lɛ, nɛ ma ha nɛ e le mi saminya.”

Yohane 14:23

Yesu he nɔ ke, “Ke nɔ ko suɔ mi ɔ, e maa ye ye munyu ɔmɛ a nɔ. Kɛkɛ ɔ, Tsaatsɛ maa suɔ lɛ, nɛ wa maa ba e ngɔ, nɛ waa kɛ lɛ ma ba hi si.

Yohane 15:10

Ke nyɛ ye ye mlaa amɛ a nɔ ɔ, lɛɛ suɔmi nɛ i ngɛ kɛ ha nyɛ ɔ maa hi si daa. Imi hu i ye Tsaatsɛ mlaa amɛ a nɔ, lɔ ɔ ha nɛ suɔmi nɛ e ngɛ kɛ ha mi ɔ se pui gblegbleegble.

Yohane 15:14

Ke nyɛ pee nɔ́ nɛ i de nyɛ ke nyɛɛ pee ɔ, lɔ ɔ lɛɛ ye huɛmɛ ji nyɛ.

Mose V, 13:4

Nyɛɛ nyɛɛ Yawɛ, nyɛ Mawu ɔ se, nɛ nyɛɛ ye lɛ pɛ gbeye; nyɛɛ bu lɛ tue, nɛ nyɛɛ ye e mlaa amɛ a nɔ; nyɛ ja lɛ, nɛ nyɛɛ ye lɛ anɔkuale.

1 Yohane 2:24

Lɔ ɔ he ɔ, sɛ gbi ɔ nɛ nyɛ na kɛ je sisije ɔ, nyɛɛ pɛtɛ he wawɛɛ. Ke nyɛ pɛtɛ jamɛ a sɛ gbi ɔ he wawɛɛ ɔ, lɔ ɔ lɛɛ nyɛɛ maa hi Bi ɔ, kɛ Tsɛ ɔ mi daa.

1 Yohane 2:5

Se nɔ tsuaa nɔ nɛ yeɔ Mawu mlaa a nɔ ɔ, lɛ ji nɔ nɛ suɔ Mawu anɔkuale mi. Enɛ ɔ waa kɛ maa le kaa niinɛ, waa kɛ Mawu ngɛ huɛ bɔe.

1 Yohane 2:7

Ye nyɛmimɛ nɛ i suɔ, mlaa nɛ i ngɛ ngmae nɛ nyɛɛ ye nɔ nɛ ɔ, pi mlaa he; mlaa momo ɔ nɛ nyɛ ná kɛ je sisije ɔ, lɔ ɔ nɔuu. Sɛ gbi nɛ nyɛ nu momo ɔ, lɔ ɔ ji mlaa momo ɔ nɛ.

1 Yohane 5:15

Be tsuaa be nɛ wa bi lɛ nɔ́ ko ɔ, e buɔ wɔ tue. Nɛ akɛnɛ wa le kaa e ngɛ mi jã niinɛ he je ɔ, wa le hu kaa níhi nɛ wa biɔ lɛ ɔ, e haa wɔ.

1 Yohane 5:3

Ejakaa ke wa suɔ Mawu ɔ, wa yeɔ e mlaa amɛ a nɔ. Nɛ e mlaa amɛ a nɔ yemi wɛ kulaa,

2 Yohane 1:5

Lɔ ɔ he ɔ, awenyɛ nɛ i suɔ! I kpa mo pɛɛ, nyɛ ha nɛ waa suɔ wa sibi. Nɔ́ nɛ i ngɛ ngmae nɛ ɔ, pi mlaa he, se mohu mlaa a nɛ a wo wɔ kɛ je sisije ɔ.