2 Timoteo 4:5 - BAIBLO ALOO NGMAMI KLƆUKLƆU Ɔ

⁵ Se moo lɛɛ, o hɛ nɛ ka si be tsuaa be. Ke o ngɛ nɔ́ nae ɔ, to o tsui si. Bɔɔ sane kpakpa a fiɛmi he mɔde wawɛɛ, konɛ o pee Mawu sɔmɔlɔ kpakpa.

Somi He Ɔ

⁵ Se moo lɛɛ, o hɛ nɛ ka si ngɛ nihi kulaa mi, mia o hɛ mi ngɛ dengme gbomihi a mi, tsu sane kpakpa jajelɔ ni tsumi ɔ, nɛ gbee o sɔmɔmi ni tsumi ɔ nya kulaa!

2 Timoteo 4:5 ပူးပေါင်းရင်းမြစ်များ

Yesaya 62:6

Yerusalem, i ngɔ buli ngɔ to o gbogbo ɔmɛ a nɔ. Nyɔ kɛ pia tsuo, a ko pee dii; se mohu a hi Yawɛ kaie ngɛ si ko nɛ e wo e ma a he, konɛ e hɛ ko je nɔ.

Yeremia 6:17

Jehanɛ, to Yawɛ buli ngɛ ma a mi konɛ ma a nɛ bu titimati ɔ pɛmi tue. Se a de ke, “Wa be tue bue fɛɛ!”

Ezekiel 3:17

“Nɔmlɔ adesa, i pee mo bulɔ kɛ ha Israel ma a; lɔ ɔ he ɔ, bu ye nya mi munyu ɔmɛ tue saminya, konɛ o kɛ bɔ mɛ kɔkɔ ha mi.

Ezekiel 33:2

E ke, “Nɔmlɔ adesa, tu munyu kɛ tsɔɔ o ma a mi bi ɔmɛ, nɛ o de mɛ nɔ́ nɛ maa ba ke i ha ta ba zugba ko nɔ ɔ. Ma a mi bi ɔmɛ maa hla a kpɛti nɔ kake kaa a ma a he bulɔ.

Ezekiel 33:7

“Nɔmlɔ adesa, jehanɛ bu tue, ma pee mo Israel ma a he bulɔ. Munyuhi nɛ ma tu kɛ bɔ mɛ kɔkɔ ɔ, de mɛ lɛ tsuo.

Mateo 25:16

Nɔ nɛ na sika tsu yi akpe enuɔ ɔ ho amlɔ, nɛ e kɛ sika a ya tsu ní; nɛ e na sika tsu yi akpe enuɔ kɛ bɔ he.

Marko 13:34

E ngɛ kaa nyumu ko nɛ benɛ e maa doma a, e si e we ngɔ ha e tsɔli. E ha a ti nɔ tsuaa nɔ ní tsumi pɔtɛɛ nɛ e ma tsu. E de bulɔ ɔ ke e hyɛ we ɔ nɔ saminya.

Marko 13:37

Nɔ́ nɛ i ngɛ nyɛ dee ɔ, nihi tsuo i ngɛ dee ɔ nɛ. Nyɛɛ huɔ!”

Luka 12:37

Jamɛ a tsɔli ɔmɛ nɛ a nyɔmtsɛ ɔ ma ba na mɛ kaa a hwɔ we mahe ɔ, a bua maa jɔ! I ngɛ nyɛ dee ke, e ma sa bo kɛ wo e mlɛ mi, nɛ e ma ha tsɔli ɔmɛ maa hi si ngɛ okplɔɔ he, nɛ e ma ha mɛ ní nɛ a ye.

Ni Tsumi 21:8

E nɔ jena a, wa pue nɔ kɛ ho Kaisarea ya. Sɔmɔli kpaago ɔmɛ nɛ a hla ngɛ Yerusalem ɔ a ti nɔ kake nɛ a tsɛɛ lɛ Filipo ɔ ji sane kpakpa fiɛlɔ ngɛ ma nɛ ɔ mi. E pee wɔ nibwɔ, nɛ wa hi e we ɔ mi.

Romabi 15:19

Okadihi, kɛ nyakpɛ níhi nɛ i pee ɔ, Mumi Klɔuklɔu ɔ lɛ tsu enɛ ɔmɛ tsuo. Lɔ ɔ he ɔ, ye sikpa a tsuo, kɛ je Yerusalem hluu kɛ ya su Ilirikum ɔ, sane kpakpa a nɛ kɔɔ Kristo he ɔ sɔuu i fiɛ.

Efesobi 4:11

Lɛ nɔuu nɛ a de ngɛ e he ke, “E ha nimli adesahi nike ní” ɔ nɛ. E pee ni komɛ bɔfohi, ni komɛ gbali, ni komɛ sane kpakpa fiɛli, ni komɛ osɔfohi, kɛ ni komɛ hu tsɔɔli.

Efesobi 4:12

E pee enɛ ɔ, nɛ e kɛ dla ni klɔuklɔu ɔmɛ kɛ ngɔ ha sɔmɔmi ní tsumi ɔ, bɔ nɛ pee nɛ asafo ɔ nɛ ngɛ kaa Kristo nɔmlɔ tso ɔ nɛ ya nɔ.

Kolosebi 1:25

Mawu je mi nɛ e tsɔ mi nɛ ma ba sɔmɔ ngɛ asafo ɔ mi ngɛ nyɛ he, nɛ ma fiɛ Mawu munyu ɔ saminya kɛ tsɔɔ nyɛ.

Kolosebi 4:17

Jehanɛ ɔ, nyɛ de Arkipo ke, “Ní tsumi ɔ nɛ a tu ngɔ wo o dɛ ke o tsu ha Nyɔmtsɛ ɔ, hyɛ nɛ o tsu kɛ gbe nya.”

1 Tesalonikabi 5:6

Lɔ ɔ he ɔ, wa ko hwɔ mahe kaa bɔ nɛ ni kpahi peeɔ ɔ; se mohu waa hi hɛ ngmengmle, nɛ wa hɛ mi nɛ ka si.

1 Timoteo 4:12

Ko ha nɛ nɔ ko nɛ gbe o he guɛ kaa niheyo kɛkɛ ji mo. Se mohu bɔɔ mɔde nɛ o munyu tumi, o je mi bami, suɔmi nɛ o ngɛ, o hemi kɛ yemi, kɛ bɔ nɛ o he tsɔ ɔ nɛ pee nɔ hyɛmi nɔ́ ha ni nɛmɛ nɛ heɔ yeɔ ɔ.

1 Timoteo 4:15

Ngɔɔ o he wami tsuo kɛ tsu ní nɛ ɔmɛ be tsuaa be, konɛ nihi tsuo nɛ a na o mɔde bɔmi.

2 Timoteo 1:8

Lɔ ɔ he ɔ, ko ha nɛ odase nɛ o maa ye ngɛ wa Nyɔmtsɛ ɔ he ɔ nɛ pee mo zo. Imi hu nɛ a wo mi tsu ngɛ Kristo he ɔ, ye he ko pee mo zo. Mohu ɔ, bɔɔ mɔde nɛ o na nɔ́ ngɛ sane kpakpa a he kaa bɔ nɛ imi hu i ngɛ nae ɔ, nɛ Mawu ma ha mo he wami nɛ o kɛ tsu nɔ́ nɛ ɔ.

2 Timoteo 2:10

Enɛ ɔ he je nɛ i toɔ ye tsui si ngɛ nɔ́ tsuaa nɔ́ mi, nɛ i naa nɔ́ ngɛ nihi nɛ Mawu hla a a he, konɛ kɛ gu Kristo Yesu nɔ ɔ, a he mɛ hu a yi wami, nɛ a nine nɛ su hɛ mi nyami nɛ ngɛ kɛ yaa neneene ɔ nɔ.

2 Timoteo 2:3

Mia o hɛ mi kɛ na nɔ́ kaa Kristo Yesu ta bulɔ kpakpa.

2 Timoteo 4:17

Se Nyɔmtsɛ ɔ piɛ ye he, nɛ e wo mi he wami, nɛ i nyɛ fiɛ sane kpakpa a kɛ ha ma je li ɔmɛ tsuo. Bɔ nɛ Mawu je mi kɛ je gbenɔ nya mi ji nɛ ɔ nɛ. Ee, e je mi kɛ je gbenɔ mi.

Hebribi 13:17

Nyɛɛ bu nyɛ hɛ mi nyɛɛli ɔmɛ tue, nɛ nyɛɛ ba nyɛ he si ha mɛ. Mɛ lɛ a hyɛɔ nyɛ nɔ daa, nɛ a maa bu akɔtaa ha Mawu. Nyɛ ha nɛ a pee enɛ ɔ kɛ bua jɔmi, se pi kɛ mi mi la, ejakaa lɔ ɔ maa ye nyɛ awi.

1 Petro 1:13

Lɔ ɔ he ɔ, nyɛɛ pee nyɛ juɛmi klaalo kɛ ha ní tsumi. Nyɛ hɛ nɛ ka si, nɛ nyɛɛ ngɔ nyɛ hɛ ngɔ fɔ dloomi nɛ Mawu ma ha nyɛ ligbi ɔ nɛ Yesu Kristo maa ba ekohu ɔ nɔ.

Kpojemi 3:2

Lɔ ɔ he ɔ, tee si, nɛ nɔ́ nɛ ngɛ o dɛ kɛ mwɔɔ, nɛ miɔ nɛ e ma gbo ɔ, wo lɛ he wami. Ejakaa ní nɛ o tsu ɔ, i nɛ kaa e hi kɛ pi si lolo ngɛ ye Mawu ɔ hɛ mi.