2 Timoteo 4:20 - BAIBLO ALOO NGMAMI KLƆUKLƆU Ɔ

²⁰ Erasto tlɔ Korinto, se Trofimo lɛɛ i si lɛ ngɛ Mileto, ejakaa e be he wami.

Somi He Ɔ

²⁰ Erasto ngɛ Korinto; se Trofimo ɔ, i si lɛ ngɛ Mileto nɛ e ngɛ gboe.

2 Timoteo 4:20 ပူးပေါင်းရင်းမြစ်များ

Ni Tsumi 20:4

E kɛ Piro nɛ je Beroya a e bi Sopater ho. Nihi hu nɛ piɛ e he ji Aristarko, kɛ Sekundo nɛ a je Tesalonika a, Gayo nɛ je Derbe ɔ, Tihiko kɛ Trofimo nɛ a je Asia a, kɛ Timoteo.

Ni Tsumi 21:29

A de jã, ejakaa a na Paulo kɛ Trofimo nɛ je Efeso ɔ ngɛ ma a mi momo, nɛ a susu kaa Paulo kɛ lɛ ba sɔlemi we ɔ.

Ni Tsumi 19:22

Lɔ ɔ he ɔ, e tsɔ e he piɛli enyɔ Makedonia. Mɛ ji Timoteo, kɛ Erasto; se lɛ nitsɛ lɛɛ e hi Asia be bɔɔ.

Romabi 16:23

Gayo, ye wetsɛ ɔ hu ke e biɔ nyɛ. E we mi nɛ asafo ɔ tsuo kpee ngɛ. Erasto, ma sika tolɔ ɔ, kɛ wa nyɛmi Kuato hu ke a biɔ nyɛ. [

Ni Tsumi 20:15

Wa hia kɛ je lejɛ ɔ, nɛ e nɔ jena a, wa ba su Kio hanɔ. E nɔ jena ekohu ɔ, wa ba su Samo, nɛ jena nɔ ekohu ɔ, wa ba Mileto.

Ni Tsumi 20:17

Paulo tsɔ kɛ je Mileto nɛ a ya tsɛ asafo nikɔtɔma amɛ nɛ ngɛ Efeso ɔ kɛ ba.

Ni Tsumi 18:1

Enɛ ɔ se ɔ, Paulo je Atene, nɛ e pue nɔ kɛ ho Korinto ya.

Ni Tsumi 18:8

Kpe he ɔ nɔkɔtɔma nɛ a tsɛɛ lɛ Krispo ɔ, kɛ e we tsuo he Nyɔmtsɛ ɔ ye. Nihi babauu hu nɛ ngɛ Korinto ɔ nu sɛ gbi ɔ, nɛ a he ye; nɛ a sɔle mɛ.