2 Timoteo 4:14 - BAIBLO ALOO NGMAMI KLƆUKLƆU Ɔ

¹⁴ Aleksandro, sɔlɔ ɔ ye mi sane yaya ko; nɔ́ yeyee nɛ e pee mi ɔ, Nyɔmtsɛ ɔ nɛ wo lɛ hiɔ.

Somi He Ɔ

¹⁴ Aleksandro, sɔlɔ ɔ, peemi yayami wawɛɛ nitsɛ. Nyɔmtsɛ ɔ nɛ to lɛ nane mi ngɛ e ni tsumi ɔmɛ a nya.

2 Timoteo 4:14 ပူးပေါင်းရင်းမြစ်များ

1 Timoteo 1:20

A ti ni komɛ ji Himeneo, kɛ Aleksandro. I tu mɛ ngɔ wo Abosiami dɛ mi, konɛ a gbla a tue. Nɔ́ nɛ ɔ ma ha nɛ a ma kpa musu bɔmi munyu tumi.

2 Tesalonikabi 1:6

Niinɛ, Mawu maa ye dami sane; nihi nɛ ngɛ nyɛ yi mi wae ɔ, Mawu maa hao mɛ ngɔ to nane mi.

La 28:4

Gbla a tue ngɛ a ní peemi ní ɔmɛ a he; gbla a tue ngɛ a yi wu tso ní ɔmɛ a he; wo mɛ hiɔ bɔ nɛ sa mɛ pɛ.

Samuel I, 24:12

Yawɛ maa kojo i kɛ mo wa kpɛti, nɛ e maa wo mo hiɔ ngɛ nɔ́ nɛ o ngɛ mi pee nɛ ɔ he; imi lɛɛ ye nine be o he sae.

Kpojemi 18:6

Bɔ nɛ e pee mo ɔ, pee lɛ ja nɔuu ngɔ to nane mi. Níhi nɛ e pee ɔ, pee lɛ ja totoe enyɔ ngɔ to nane mi. Dã nɛ e futu ha mo ɔ, mo futu dã nɛ nya wa kaa ja totoe enyɔ ngɔ wo e kplu ɔ mi ha lɛ.

Romabi 12:19

Ye huɛmɛ, nyɛ ko ye nyɛ nitsɛmɛ nyɛ he lue, se mohu nyɛɛ ngmɛ Mawu blɔ nɛ e kɛ e mi mi la nɛ pee. Ejakaa ngmami ɔ deɔ ke, “Ye nɔ ji lue yemi; Imi ma pee kɛ to nane mi. Nyɔmtsɛ ɔ lɛ de.”

Yeremia 15:15

Kɛkɛ nɛ i de ke, “Yawɛ, o le kaa o he lɛ i ngɛ nɔ́ nae ngɛ. O le kaa o he lɛ a ngɛ mi jɛe ngɛ. Kai mi nɛ o piɛ ye he. Nihi nɛ ngɛ mi yi mi wae ɔ, gbla a tue ha mi. Koo to o tsui si ha mɛ nɛ a ba ná ye he blɔ nɛ a gbe mi.

La 62:12

E de hu ke lɛ Nyɔmtsɛ ɔ, e suɔmi ɔ ngɛ daa. Ee, mo Nyɔmtsɛ nitsɛ lɛ o woɔ nɔ tsuaa nɔ hiɔ bɔ nɛ sa e ní tsumi.

Samuel II, 3:39

Imi lɛɛ a pɔ mi nu nɛ a wo mi matsɛ mohu, se mwɔnɛ ligbi nɛ ɔ, i pee kaa nɔ nɛ be he wami. Kikɛmɛ a Zeruya binyumu nɛ ɔmɛ a sane wa pe mi. Yawɛ nɛ wo yayami peelɔ ɔ hiɔ bɔ nɛ sa lɛ!”

Kpojemi 18:20

Hiɔwe! Mo nya kaa a kpata Babilon hɛ mi! Nyɛ ni klɔuklɔuhi, bɔfohi, kɛ gbali, nyɛ nya! Ejakaa Mawu bu lɛ fɔ ha nyɛ ngɛ nɔ́ nɛ e pee nyɛ ɔ he!

Kpojemi 6:10

A kpa ngmlaa wawɛɛ ke, “Nyɔmtsɛ Ope, mo nɛ o ngɛ klɔuklɔu, nɛ o yeɔ anɔkuale! Mɛni be o maa mlɛ kɛ yaa si? Ni ɔmɛ nɛ ngɛ je ɔ mi nɛ a gbe wɔ ɔ, kojo mɛ nɔuu nɛ o gbla a tue!”

1 Yohane 5:16

Ke o na o nyɛmi nɛ ngɛ yayami pee, nɛ pi yayami nɔ́ nɛ ma ha nɛ e hɛ mi nɛ kpata a, moo fa kue ha Mawu, konɛ e ha lɛ wami. Nihi tsuo nɛ peeɔ yayami nɔ́ nɛ ha we nɛ nɔ hɛ mi kpataa a, enɛ ɔ kɔɔ a he. Se yayami ngɛ nɛ haa nɔ hɛ mi kpataa, nɛ lɔ ɔ lɛɛ i de we ke nyɛɛ fa kue ha Mawu ngɛ he.

Romabi 2:6

Ejakaa Mawu maa wo nɔ tsuaa nɔ hiɔ bɔ nɛ sa lɛ ngɛ e ní tsumi ɔ nya.

2 Timoteo 4:15

Moo hyɛ o he ngɛ e he, ejakaa e te si wawɛɛ ngɔ si munyu ɔ nɛ wa ngɛ fiɛe ɔ.

Kɔmɔ Yemi 3:64

“Yawɛ lee, gbla a tue ngɛ níhi nɛ a pee ɔ a he.