2 Timoteo 3:7 - BAIBLO ALOO NGMAMI KLƆUKLƆU Ɔ

⁷ Daa nɛ ɔ, yi nɛ ɔmɛ bɔɔ mɔde kaa a maa kase ní, se anɔkuale ɔ lɛɛ a be lee gblegbleegble.

Somi He Ɔ

⁷ nɛ a hlaa ni kasemi, se kɛ ɔ, a nyɛ we nɛ a le anɔkuale ɔ.

2 Timoteo 3:7 ပူးပေါင်းရင်းမြစ်များ

Abɛ Womi 14:6

Nɔ buili hlaa kaa a maa le ní, se nile bɔɔ mɛ. Nihi nɛ nuɔ nɔ́ sisi ɔ, mɛɛ a leɔ ní mla.

Mateo 13:11

Yesu he nɔ ke, “Nyɛɛ lɛɛ a kɛ hiɔwe matsɛ yemi ɔ mi laami sane ɔ ha nyɛ; se mɛɛ a kɛ ha we mɛ.

Yohane 5:44

Nyɛ nɛ nyɛ hlaa nɛ nihi nɛ je nyɛ yi, se nyɛ bɔɛ mɔde, konɛ nɔ nɛ lɛ nɔ kake pɛ ji Mawu ɔ nɛ wo nyɛ hɛ mi nyami ɔ, kɛ maa pee kɛɛ nɛ nyɛ ma he mi maa ye mɔ?

Efesobi 4:14

Jehanɛ ɔ, wa be si hie hu kaa jokuɛwi nɛ heɔ tsɔɔmi yeɔ kaa kɔɔhiɔ mimiɛɔ nɔ́ kɛ yaa kɛ baa, konɛ nihi nɛ toɔ ga yaya, nɛ a yeɔ kutupɔ kɛ sisiɔ nɔ ɔ a nine ko su wa nɔ.

Mose V, 29:4

Se kɛ ba si mwɔnɛ ligbi nɛ ɔ, e ha we nɛ nyɛɛ nu níhi nɛ nyɛɛ kɛ kpe ɔ a sisi lolo.

1 Timoteo 2:4

Ejakaa Mawu suɔ kaa nimli tsuo nɛ le anɔkuale ɔ, konɛ a he a yi wami.

2 Timoteo 2:25

Pi enɛ ɔ kɛkɛ, e sa kaa e pee nɔ nɛ kɛ mi mi jɔmi tuɔ munyu tsɔɔ nihi nɛ tee si kɛ siɔ lɛ ɔ. Alini Mawu maa na jamɛatsɛmɛ ɔmɛ mɔbɔ nɛ a tsake a tsui, konɛ a ba le anɔkuale ɔ.

Hebribi 5:11

Wa ngɛ munyuhi fuu nɛ wa maa tu ngɛ enɛ ɔ he, se e sisi tsɔɔmi wa, nɛ nyɛ nɔ́ sisi numi yee.