2 Timoteo 3:6 - BAIBLO ALOO NGMAMI KLƆUKLƆU Ɔ

⁶ Nimli nɛ ɔmɛ a ti ni komɛ yaa nihi a we mi, nɛ a ya puɛɔ yihi juɛmi flɛflɛtsɛmɛ a yi mi. Yi nɛ ɔmɛ a he yayami plɛ tlomi ha mɛ nitsɛmɛ ngɛ akɔnɔ ní slɔɔtoslɔɔtohi nɛ ngɛ mɛ gblae ɔ a he.

Somi He Ɔ

⁶ Ejakaa ni nɛ ɔmɛ a kpɛti ni komɛ ji nihi nɛ juɔ si sɛɛ wehi a mi nɛ a ya ngɔɔ yihi nɛ be yi mi nɛ yayami ye a nɔ nɛ akɔnɔ slɔɔtohi kpakaa mɛ

2 Timoteo 3:6 ပူးပေါင်းရင်းမြစ်များ

Yuda 1:4

I ngɛ enɛ ɔ dee, ejakaa ni komɛ nɛ li Mawu ju si ba sɛ wa kpɛti. Sɛ gbi nɛ kɔɔ dloomi nɛ Mawu dloo wɔ ɔ he ɔ, nimli nɛ ɔmɛ plɛ hɛ mi ngɔ bu si, bɔ nɛ pee nɛ a kɛ laa a yakayaka ní peemi ɔmɛ a nɔ. Yesu Kristo, wa Tsɔɔlɔ, kɛ wa Nyɔmtsɛ kake too ɔ hu a kua lɛ. Blema lokoo lɛ ngmami ɔmɛ de to kaa a ma kpata nimli nɛ ɔmɛ a hɛ mi.

2 Petro 3:17

Se ye nyɛmimɛ nɛ i suɔ, nyɛɛ lɛɛ nyɛ le enɛ ɔ momo. Lɔ ɔ he ɔ, nyɛɛ hyɛ nɛ hi saminya, nɛ nihi nɛ bui mlaa a, a ní peemi ní yayami ɔmɛ kó gbla nyɛ se, nɛ nyɛ si nɛ nyɛ da a ko bɔ nyɛ.

Tito 3:3

Ejakaa sa a, wɔ nitsɛmɛ hu wa je kuasia; wa gbo tue, nɛ wa tla blɔ. Wa ya di akɔnɔ yaya, kɛ he lo mi níhi nɛ haa wɔ bua jɔmi a se. Wa susuu nihi a he yayami, nɛ wa hɛ kɔ̃ɔ̃; nɔ́ peeɔ wɔ tai, nɛ wa nyɛɛ wa sibi.

Yuda 1:18

A de ke, “Nyagbe be ɔ mi ɔ, nihi maa ba nɛ a maa ye nyɛ he fɛu; a maa pee ní yayamihi nɛ mɛ nitsɛmɛ a tsui suɔ.”

Tito 1:11

E hia kaa a ku nɔ́ nɛ ɔ nya la, ejakaa nimli nɛ ɔmɛ kɛ a tsɔɔmi ɔ ngɛ wehi fuu a nane kpatae. A ngɛ níhi nɛ dɛ blɔ tsɔɔe. Blɔɔ zo blɔ nɔ nɛ a gu kɛ ngɛ sika pee ji nɛ ɔ nɛ.

Yuda 1:16

Daa nɛ ɔ, nimli nɛ ɔmɛ ngɛ munyu huitihuiti tue kɛ ngɛ bee; nɔ́ muɛ a hɛ gblegbleegble. Mɛ nitsɛmɛ a he akɔnɔ yayahi a se nɛ a dii. A fĩaa; a peeɔ nya puu, nɛ a gbee nihi a yi mi, konɛ a kɛ na ni ɔmɛ a he blɔ.

2 Petro 2:18

Akɛnɛ nya puu munyu nguahi jeɔ a nya he je ɔ, a guu he lo akɔnɔ níhi a nɔ nɛ a kɛ ya sisiɔ nihi nɛ je si himi yaya nɛ dɛ blɔ mi kɛ́ we.

1 Korintobi 12:2

Nyɛ le kaa benɛ nyɛ ji wɔ jali ɔ, amagahi nɛ wami be a mi ɔ a se a gblaa nyɛ ya nyɛɛɔ.

Marko 4:19

se je nɛ ɔ mi he nya gbami, ní nami he suɔmi, kɛ ní kpahi a he akɔnɔ sɛɛ a mi, nɛ a gbee munyu ɔ ngɛ a mi, nɛ a wui yiblii.

Mateo 23:13

“Nyɛ mlaa tsɔɔli, kɛ Farisi bi, musu tloo nyɛ! Osatotsɛmɛ! Nyɛ ngaa hiɔwe matsɛ yemi ɔ nya ngɔ woɔ nihi, se nyɛ nitsɛmɛ lɛɛ nyɛ sɛ́ mi. Ni nɛmɛ nɛ a hlaa kaa a maa sɛ mi ɔ hu nyɛ ngmɛ́ mɛ blɔ! [

1 Timoteo 6:9

Nihi nɛ hlaa kaa a na ní ɔ, a sɛɛ ka mi. A ya dii kuasia níhi, kɛ akɔnɔ yayami se. Enɛ ɔ haa nɛ a hemi kɛ yemi taa, nɛ a hɛ mi kpataa.

Mateo 11:28

“Nyɛ nihi tsuo nɛ nyɛ tloo tlomi nɛ pɔ tɔ nyɛ, nyɛɛ ba ye ngɔ, nɛ ma ha nɛ nyɛɛ jɔɔ nyɛ he.

Yesaya 1:4

Musu tloo nyɛ, nyɛ ma nɛ yayami sɔuu nyɛ peeɔ; nyɛ puɛ kulaa kɛ yayami peemi! Nyɛ he yayami ɔmɛ pee tlomi ha nyɛ! Nyɛ kua Yawɛ, Israel Mawu klɔuklɔu ɔ, nɛ nyɛ je e he kɛ ho se ya.

La 38:4

Ye yayami ɔmɛ pee kaa tlomi nɛ i tloo; a pee kaa tlomi nɛ jiɔ tsɔ, nɛ ngɛ mi gbee.

Mateo 4:24

Yesu he sane gbɛ fĩa Siria zugba a tsuo nɔ; nɛ a ngɔ hiɔtsɛmɛ, kɛ nihi nɛ ngɛ haomi slɔɔtohi a mi kɛ ba e ngɔ, nɛ e tsa mɛ: kɔkɔtsɛmɛ, hulemi hiɔtsɛmɛ, kɛ nihi nɛ mumi yayamihi ngɛ a mi.

1 Timoteo 5:6

Se yalɔyo nɛ fiɛɔ e yi nɔ ɔ, e hɛ ngɛ lɛɛ, se e gbo momo.

Mateo 23:14

Nyɛ mlaa tsɔɔli, kɛ Farisi bi, musu tloo nyɛ! Osatotsɛmɛ! Nyɛ kpɔɔ yalɔyihi a wehi ngɛ a dɛ. Kɛkɛ ɔ, nyɛ ya peeɔ sɔlemi gagaaga! Enɛ ɔ he ɔ, nyɛ tue gblami ɔ maa pee gbeye.]