2 Timoteo 3:2 - BAIBLO ALOO NGMAMI KLƆUKLƆU Ɔ

² Nihi ma hla kaa a ma fo mɛ nitsɛmɛ pɛ a nɔ mi; a maa pee a he sika suɔli, fĩali, he woli, kɛ lilɛtsɛmɛ, nihi nɛ bui a fɔli, nihi nɛ li sina, kɛ nihi nɛ Mawu jami pi a he sane ko.

Somi He Ɔ

² Ejakaa nimli ma plɛ a he hesuɔli, sikasuɔli, fiali, he woli, musu bɔli, fɔli a nɔ tue gboli, otlumuhi, nihi nɛ a he tsɔ we,

2 Timoteo 3:2 ပူးပေါင်းရင်းမြစ်များ

La 10:3

Yayami peelɔ fĩaa kɛ fɔɔ níhi nɛ e tsui suɔ a nɔ. Nɔmlɔ nɛ hɛ kɔɔ nɔ́ nɔ ɔ, e gbiɛɛ Yawɛ, nɛ e kuaa lɛ.

La 49:6

He nyɛli ɔmɛ ɔ, pi ní nɛ a na a nɔ nɛ a ngɔɔ a hɛ kɛ fɔɔ? Pi ní babauu nɛ a na a nɔ nɛ a fĩaa kɛ fɔɔ lo?

La 52:1

Mo katsɛ, o ngɛ dalɔ yayami pee nɛ o ngɛ fĩae. Mɛni he je? Mawu suɔmi ɔ ngɛ daa.

Yesaya 10:15

Se nɔ́ nɛ Yawɛ ngɛ bie ji, “Anɛ gbiɛ ma nyɛ maa fĩa ke e kle pe nɔmlɔ nɛ ngɔ lɛ kɛ ngɛ ní tsue ɔ lo? Anɛ sau ma nyɛ maa wo e he ha nɔ nɛ ngɛ lɛ gblae ɔ lo? Tsa pi dɛma tso nɛ hɛɛɔ nɔmlɔ; nɔmlɔ mohu nɛ hɛɛɔ dɛma tso. To tsɔmi tso ɔ, lɛ nitsɛ e fɔ we e he; nɔ ko nɛ fɔɔ lɛ.”

Daniel 11:36

“Siria matsɛ ɔ maa pee e suɔmi nya ní. E ma wo e he nɔ, nɛ e maa pee lɛ kaa e kle pe mawu ɔmɛ tsuo. Mawu Ope ɔ nitsɛ po, e maa tu musu munyuhi kɛ si lɛ hluu kɛ yaa si be nɛ Mawu maa gbla e tue. Ejakaa nɔ́ nɛ Mawu to kaa e maa pee ɔ, ja e pee.

Daniel 7:25

E maa tu munyu ngɔ si Hiɔwe No ɔ, nɛ e maa wa ni klɔuklɔu ɔmɛ yi mi. E ma hla kaa e tsake a Mawu jami mlaa amɛ, kɛ a nyami be ɔmɛ; nɛ a maa ngɔ ni klɔuklɔu ɔmɛ kɛ wo e dɛ jeha etɛ kɛ fa.

Mateo 15:6

Kikɛ nɛ ɔ nyɛ peeɔ, nɛ nyɛ siɔ Mawu mlaa a, nɛ nyɛ ya nyɛɛɔ nyɛ nitsɛmɛ nyɛ kusumihi a se.

Luka 12:15

Jehanɛ ɔ, e de ni ɔmɛ tsuo ke, “Nyɛɛ hyɛ saminya, nɛ nyɛ hɛ ko kɔ nɔ́ ko nɔ́ ko nɔ; ejakaa pi ní babauu nɛ adesa na a mi nɛ e wami ngɛ.”

Luka 16:14

Benɛ Farisi bi ɔmɛ nu ní nɛ ɔmɛ tsuo ɔ, a ye Yesu he fɛu, ejakaa a suɔ sika.

Luka 6:35

Dɛbi! Nyɛɛ suɔ nyɛ he nyɛli, nɛ nyɛɛ pee mɛ kpakpa; nyɛɛ pa sika ha nɔ, nɛ nyɛ ko hyɛ blɔ kaa e ma ba wo hiɔ. Kɛkɛ ɔ, nyɛ hiɔwo maa hiɛ, nɛ nyɛ maa pee Hiɔwe No ɔ bimɛ; ejakaa lɛɛ e naa otlumuhi, kɛ yiwutsotsɛmɛ tsuo mɔbɔ.

Ni Tsumi 5:36

Nyɛ kai kaa be bɔɔ ko pɛ ji nɛ nɛ Teuda wo e he nɔ ke nɔ ko ji lɛ, nɛ nyumuhi maa pee lafa eywiɛ ya nyɛɛ e se. Se a gbe lɛ, nɛ e we bi ɔmɛ tsuo gbɛ fĩa nɛ a kpe ɔ nya ya hɛ si.

Romabi 11:18

koo fĩa kaa o pe jamɛ a kɔni ɔmɛ nɛ a kplɔɔ ɔ. Ke o maa fĩa a, o hɛ nɛ hi o he nɔ kaa pi mo nɛ o hɛɛ sipoku ɔ, se mohu sipoku ɔ nɛ hɛɛ mo.

2 Korintobi 5:15

Kristo gbo ha nihi tsuo, konɛ nihi nɛ a hɛ ngɛ ɔ, a ko pee mɛ nitsɛmɛ a suɔmi nya ní hu; se mohu a pee Kristo suɔmi nya ní. Ejakaa Kristo gbo, nɛ Mawu tle lɛ si kɛ ba wami mi ekohu ngɛ mɛɛ a he.

Filipibi 2:21

Ni ɔmɛ kulaa a ti nɔ tsuaa nɔ ko ngɛ lɛ nɔ kake pɛ e nɔ mi foe. Yesu Kristo he sane ɔ pi a kɔmɔ.

Kolosebi 3:5

Lɔ ɔ he ɔ, je nɛ ɔ mi akɔnɔ níhi nɛ haoɔ nyɛ, yo kɛ nyumu yakayaka fiɛmi, mu ní tsumi, mi mi la, akɔnɔ yaya, kɛ hɛ tsumi nɛ ngɛ kaa amaga jami ɔ, nyɛɛ gbe.

2 Tesalonikabi 2:4

E maa te si ngɔ wo nɔ́ tsuaa nɔ́ nɛ a tsɛɛ mawu, loo nɔ́ ko nɛ a jaa a, nɛ e ma wo e he nɔ ngɛ mɛ tsuo a nɔ. E ma ya hi Mawu sɔlemi we ɔ mi tete po, nɛ e ma de ke lɛ ji Mawu.

1 Timoteo 1:20

A ti ni komɛ ji Himeneo, kɛ Aleksandro. I tu mɛ ngɔ wo Abosiami dɛ mi, konɛ a gbla a tue. Nɔ́ nɛ ɔ ma ha nɛ a ma kpa musu bɔmi munyu tumi.

1 Timoteo 1:9

E sa kaa wa kai kaa mlaa he hia we nimli kpakpahi. Ni nɛmɛ nɛ a woɔ mlaa ha ji mlaa tɔli, awi yeli, nihi nɛ li Mawu, yayami peeli, nihi nɛ Mawu mumi be a mi, nihi nɛ gbee mɛ nitsɛmɛ a tsɛmɛ kɛ a nyɛmɛ, kɛ muɔ si pueli kpahi.

1 Timoteo 3:3

E ko pee e he dã delɔ; nɛ e ko pee nɔ nɛ hɛ mi jɔɛ, loo nɔ nɛ suɔ pɛ. E ko pee e he sika suɔlɔ.

1 Timoteo 6:10

Ejakaa sika suɔmi ji yayamihi tsuo a sipoku. Ni komɛ kɛ hɛdɔ ya di sika se, nɛ a ngmɛɛ a hemi kɛ yemi ɔ he. Nɔ́ nɛ je mi kɛ ba kɛkɛ ji tsui yemi babauu.

1 Timoteo 6:4

Kikɛmɛ a nimli nɛ ɔmɛ ɔ, a he nɔ kɛkɛ nɛ a ngɛ woe; a li nɔ́ ko nɔ́ ko fɛɛ. A suɔ nɛ a wo pɛ, nɛ a sã nya babauu ngɛ níhi a he. Enɛ ɔ haa nɛ a hɛ kɔɔ a sibi a nɔ; a nɔɔ kunɔ, nɛ a jɛɔ a he basabasa; yayami sɔuu a susuu ngɛ a sibi a he;

2 Timoteo 3:4

Nimli maa pee a he nɔ se blɔ tsɔɔli, nihi nɛ bui nɔ́, he nɔ woli, kɛ nihi nɛ suɔ je mi akɔnɔ pe bɔ nɛ a suɔ Mawu,

Yakobo 2:8

E ngɛ ngmami ɔ mi ke, “Suɔ o nyɛmi kaa bɔ nɛ o suɔ mo nitsɛ o he.” Matsɛ yemi ɔ mi mlaa ji nɛ ɔ nɛ; ke o ye nɔ ɔ, lɛɛ o pee saminya.

Yakobo 4:16

Se nyɛ woɔ nyɛ he nɔ, nɛ nyɛ fĩaa. Ní nɛ ɔmɛ tsuo ji yayami peemi.

Yakobo 4:6

Se mɔbɔ nɛ Mawu naa wɔ ɔ nya wa kulaa pe lɔ ɔ po. Kaa bɔ nɛ ngmami ɔ deɔ ɔ, “Nihi nɛ woɔ a he nɔ ɔ, Mawu baa mɛ si; se ni nɛmɛ nɛ baa a he si ɔ lɛɛ e dlooɔ mɛ.”

1 Petro 5:5

Ja nɔuu, nyɛ nihewi ɔmɛ hu, nyɛɛ ba nyɛ he si ha nikɔtɔma amɛ. Nyɛ tsuo pɛpɛɛpɛ nyɛ sɔmɔ nyɛ sibi kɛ he si bami. Ejakaa ngmami ɔ ke, “Nihi nɛ woɔ a he nɔ ɔ, Mawu kɛ mɛ toɔ ní; se nihi nɛ baa a he si ɔ, Mawu dlooɔ mɛ.”

2 Petro 2:10

Nimli nɛ ɔmɛ a ti nihi pɔtɛɛ ji ni nɛmɛ nɛ ya nyɛɛɔ he lo mi akɔnɔ yaya se, se Mawu mlaa a lɛɛ a bui. Kikɛmɛ a lakpa tsɔɔli nɛ ɔmɛ a tsui wa; a woɔ a he nɔ, nɛ nibɔ ní kpakpahi nɛ ngɛ hiɔwe po a bui; se mohu a jɛɔ mɛ.

2 Petro 2:12

Se kikɛmɛ a nimli nɛ ɔmɛ ngɛ kaa pu mi lohwehi; a be juɛmi. A bɔ mɛ nɛ a nuu mɛ nɛ a gbe kɛkɛ; nɔ́ ko nɛ a nui sisi ɔ, a tuɔ he munyu yaya. A ma kpata a hɛ mi kaa pu mi lohwehi,

2 Petro 2:18

Akɛnɛ nya puu munyu nguahi jeɔ a nya he je ɔ, a guu he lo akɔnɔ níhi a nɔ nɛ a kɛ ya sisiɔ nihi nɛ je si himi yaya nɛ dɛ blɔ mi kɛ́ we.

2 Petro 2:3

Kikɛmɛ a lakpa tsɔɔli nɛ ɔmɛ maa tu nyɛ munyuhi nɛ a po de, konɛ a kɛ sisi nyɛ nɛ a ná nyɛ he se. Se Mawu bu mɛ fɔ momo be saii ji nɛ, nɛ a hɛ mi kpatami be ɔ hu su ta.

Yuda 1:16

Daa nɛ ɔ, nimli nɛ ɔmɛ ngɛ munyu huitihuiti tue kɛ ngɛ bee; nɔ́ muɛ a hɛ gblegbleegble. Mɛ nitsɛmɛ a he akɔnɔ yayahi a se nɛ a dii. A fĩaa; a peeɔ nya puu, nɛ a gbee nihi a yi mi, konɛ a kɛ na ni ɔmɛ a he blɔ.

Kpojemi 13:1

Jehanɛ ɔ, i na lohwe awi yelɔ ko nɛ je wo ɔ mi kɛ ma. E ngɛ koli nyɔngma, kɛ yi kpaago. Jlasi ngɛ koli tsuaa koli he, nɛ a ngma biɛ nɛ ji musu bɔmi munyuhi kɛ si Mawu ngɛ yi tsuaa yi he.

Kpojemi 16:11

A tu musu bɔmi munyuhi kɛ si Mawu nɛ ngɛ hiɔwe ɔ ngɛ nɔ́ nɛ a ngɛ nae, kɛ pa nɛ a hia a he. Se ní yayahi nɛ a pee ɔ, lɔ ɔmɛ lɛɛ a tsakee we a tsui ngɛ he.

Kpojemi 16:21

Gbiɛ ngo ngu lokpolokpohi nɛ eko tsuaa eko jiimi ji kilo nyingmi enuɔ je hiɔwe ba nɔɔ nimlihi a nɔ. Nimli adesahi tu musu bɔmi munyu kɛ si Mawu ngɛ gbiɛ ngo ngu nɛ e kɛ hao mɛ ɔ he, ejakaa nɔ́ ɔ nya wa tsɔ.

Kpojemi 16:9

Pu la nɛ nya wa a sãã mɛ saminya, nɛ a tu musu bɔmi munyuhi kɛ si Mawu, nɔ nɛ ngɛ he wami ngɛ kikɛmɛ a haomi nɛ ɔmɛ a nɔ ɔ. Se a tsakee we a tsui, konɛ a wo Mawu hɛ mi nyami.