2 Timoteo 3:16 - BAIBLO ALOO NGMAMI KLƆUKLƆU Ɔ

¹⁶ Ngmami tsuaa ngmami ɔ, Mawu mumi ɔ lɛ ha nɛ nihi ngma; nɛ e hi kɛ ha ní tsɔɔmi, kɛ ha hɛ mi kami, kɛ ha nɔ dlami, kɛ tsɔsemi nɛ ma ha nɔ nɛ ba e je mi saminya.

Somi He Ɔ

¹⁶ Ngmami tsuaa ngmami nɛ je Mawu mumi mi ɔ, e hi ha ni tsɔɔmi kɛ hɛ mi kami kɛ nɔ dlami kɛ tsɔsemi nɛ ngɛ dami mi ɔ,

2 Timoteo 3:16 ပူးပေါင်းရင်းမြစ်များ

Romabi 15:4

Nɔ́ tsuaa nɔ́ nɛ ngɛ ngmami ɔmɛ a mi ɔ, a ngma konɛ a kɛ tsɔɔ wɔ ní. Kɛkɛ ɔ, ngmami ɔmɛ ma ha wa maa to wa tsui si; nɛ a maa wo wɔ he wami nɛ wa na hɛ kɛ nɔ fɔmi.

Hebribi 4:12

Ejakaa Mawu munyu hɛ ngɛ, e ngɛ he wami, nɛ e nya ba pe klaate nya enyɔtsɛ. E gbuu kɛ sɛɛ nɔ mi kɛ ya siɔ e gbaa klaa, kɛ mumi ɔ mi, kɛ jehanɛ hu kpɔji nya amɛ, kɛ wu mi zɔ ɔmɛ a mi. Mawu munyu ɔ jeɔ adesa tsui mi níhi, kɛ e yi mi tomi kpo.

Marko 12:24

Yesu he nɔ ke, “Nyɛ tɔ! Nyɛ le nɔ nɛ he je? Nyɛ li ngmami ɔmɛ, nɛ Mawu he wami ɔ hu nyɛ li.

La 119:9

Ke niheyo ngɛ hlae nɛ e ba e je mi bɔ nɛ sa a, kɛ e maa pee kɛɛ? Bɔ nɛ e maa pee ji e maa ye o mlaa amɛ a nɔ.

Abɛ Womi 6:23

Mlaahi nɛ a wo mo, kɛ nihi nɛ a tsɔɔ mo ɔ tsuo ngɛ kaa la ha mo. O hɛ mi nɛ a ka, aloo o tue nɛ a gbla a, lɔ ɔ maa tsɔɔ mo bɔ nɛ o maa hi si ngɛ je mi ha.

2 Timoteo 4:2

Lɔ ɔ he ɔ, yaa nɔ nɛ o fiɛ sɛ gbi ɔ be tsuaa be nɛ o ko kpa. Ke o ngɛ munyu ɔ fiɛe ɔ, ná tsui kɛ tsɔɔ tue buli ɔmɛ nɔ́ nya konɛ a na nya saminya. Ka ni ɔmɛ a hɛ mi, nɛ o wo mɛ ga ngɛ be nɛ sa mi.

La 119:11

I ngɔ o munyu ɔ kɛ to ye tsui mi tɔɔ, konɛ ma ko pee yayami kɛ si mo.

La 119:130

Ke a tsɔɔ o mlaa a sisi ɔ, e ngɛ kaa la, nɛ e haa kuasia po leɔ ní.

Samuel II, 23:2

Yawɛ mumi ɔ tuɔ munyu kɛ guu ye nɔ, nɛ e sɛ gbi ɔ ngɛ ye nya he.

Abɛ Womi 15:31

Nɔ nɛ buɔ ga womi tue ɔ, e kɛ ní leli maa hi si.

2 Timoteo 2:25

Pi enɛ ɔ kɛkɛ, e sa kaa e pee nɔ nɛ kɛ mi mi jɔmi tuɔ munyu tsɔɔ nihi nɛ tee si kɛ siɔ lɛ ɔ. Alini Mawu maa na jamɛatsɛmɛ ɔmɛ mɔbɔ nɛ a tsake a tsui, konɛ a ba le anɔkuale ɔ.

Mose V, 4:36

E ha nyɛ nu e gbi kɛ je hiɔwe, konɛ e kɛ tsɔse nyɛ; nyɛ na e la klɔuklɔu ɔ ngɛ zugba a nɔ, nɛ e kɛ nyɛ tu munyu kɛ je mi.

Ni Tsumi 20:20

Nyɛ le hu kaa níhi nɛ a he ngɛ se nami ha nyɛ ɔ, i laa we nyɛ ekoeko nɔ; se mohu i fiɛ, nɛ i tsɔɔ nyɛ ní faii ngɛ ma nɔ, kɛ nyɛ we ɔmɛ a mi tsuo.

Yohane 3:20

Nɔ tsuaa nɔ nɛ peeɔ yayami ɔ, e nyɛɔ la a; nɛ e sume nɛ e baa la a nya, ejakaa e sume nɛ a naa e ní yayami ɔmɛ.

Mateo 13:52

E de mɛ ke, “Enɛ ɔ tsɔɔ kaa mlaa tsɔɔlɔ tsuaa mlaa tsɔɔlɔ nɛ ba plɛ pee kaselɔ ngɛ hiɔwe matsɛ yemi ɔ mi ɔ, e ngɛ kaa wetsɛ ko nɛ jeɔ ní hehi, kɛ ní momohi kɛ jeɔ e nito he.”

Ni Tsumi 18:25

A tsɔɔ nyumu nɛ ɔ Nyɔmtsɛ ɔ blɔ ɔ, nɛ e kɛ kã, kɛ mumi nɛ nya wa fiɛ Mawu munyu ɔ; nɛ e tsɔɔ Yesu he ní fitsofitso. Pohu Yohane nɔ sɔlemi ɔ pɛ nɛ e le.

Romabi 2:20

Nyɛɛ buu nyɛ he kuasiahi a tsɔseli, kɛ nihi nɛ li nɔ́ ko ɔ a ní tsɔɔli; ejakaa nyɛ le kaa niinɛ, nile kɛ anɔkuale tsuo ngɛ mlaa a mi.

Nehemia 9:20

O ha nɛ o mumi kpakpa a tsɔɔ mɛ ní, nɛ o ha mɛ a nya mi ngma, kɛ nyu nɛ a nu.

Galatabi 3:8

Ngmami ɔ de to ke Mawu ma dla e kɛ ma je li nɛ heɔ yeɔ ɔ a kpɛti. E de Abraham sane kpakpa nɛ ɔ ke, “Mawu maa gu o nɔ kɛ maa gbaa ma je li ɔmɛ tsuo.”

Hebribi 3:7

Lɔ ɔ he ɔ, kaa bɔ nɛ Mumi Klɔuklɔu ɔ deɔ ɔ, “Mwɔnɛ ɔ, ke nyɛ nu e gbi ɔ,

1 Korintobi 12:7

Mawu haa nɔ tsuaa nɔ okadi ko kɛ̃ nɛ tsɔɔ kaa e mumi ɔ ngɛ nɔ ɔ mi, konɛ nɔ ɔ kɛ tsu ní ha asafo ɔ tsuo.

Ni Tsumi 20:27

Ejakaa i jaje Mawu yi mi tomi ɔ tsuo pɛpɛɛpɛ ngɔ tsɔɔ nyɛ nɛ i laa we nyɛ ba.

Abɛ Womi 15:10

Nɔ nɛ pee we nɔ́ nɛ da a, a maa gbla e tue wawɛɛ; nɔ nɛ sume nɛ a ka e hɛ mi ɔ, e ma gbo.

Yohane 10:35

Wa le kaa nɔ nɛ ngmami ɔ deɔ ɔ, anɔkuale sisiisi nɛ́ ngɛ kɛ yaa neneene. Nimli adesahi nɛ Mawu tsɔ nɛ a ngɔ e sɛ gbi ɔ ba ha mɛ ɔ po Mawu tsɛ mɛ ke mawuhi.

Mateo 26:56

Se a pee ní nɛ ɔmɛ tsuo, konɛ níhi nɛ gbali ɔmɛ ngma a nɛ ba mi.” Amlɔ ɔ, kaseli ɔmɛ tsuo tu fo nɛ a si lɛ.

Ni Tsumi 1:16

“Ye nyɛmimɛ, Mumi Klɔuklɔu ɔ ba David nɔ be ko, nɛ e de nɔ́ ko ngɛ Yuda nɛ nyɛɛ nihi a hɛ mi ya nu Yesu ɔ he. Nɔ́ nɛ ngmami ɔ de ɔ, e sa kaa e ba mi.

Mateo 21:42

Yesu de mɛ ke, “Anɛ nyɛ kane we enɛ ɔ ngɛ ngmami ɔmɛ a mi hyɛ?” Ngmami ɔ ke, “Tɛ ɔ nɛ tsu fiali ɔmɛ sake fɔ he ɔ, lɔ ɔ tutuutu ba plɛ kɔ nya tɛ. Nyɔmtsɛ ɔ lɛ pee enɛ ɔ; hyɛ bɔ nɛ e ngɛ nyakpɛ ha!”

Romabi 4:23

Munyu “A bu lɛ nɔ nɛ da” a, pi lɛ nɔ kake e he nɛ a ngma ngɛ.

Hebribi 11:1

Hemi kɛ yemi ji níhi nɛ wa ngɛ blɔ hyɛe ɔ a nɔ mi mami. Hemi kɛ yemi tsɔɔ wɔ kaa níhi nɛ wa nɛ́ kɛ wa hɛngmɛ ɔ, a ngɛ niinɛ.

Romabi 3:2

Ee, nɔ pomi he ngɛ se nami babauu ngɛ blɔ tsuaa blɔ nɔ. Kekleekle nɔ́ ji kaa a tu Mawu munyu ɔ ngɔ wo Yuda bi ɔmɛ a dɛ.

Ni Tsumi 28:25

Se nɔ́ kake too nɛ Paulo de, nɛ lɔ ɔ kɛ nya sami wawɛɛ ba ni ɔmɛ a kpɛti, nɛ́ kpe ɔ kɛ gbɛ ji, “Nɔ́ nɛ Mumi Klɔuklɔu ɔ de nyɛ nɛmɛ ɔmɛ kɛ gu gbalɔ Yesaya nɔ ɔ ngɛ mi jã niinɛ!

Marko 12:36

Ejakaa Mumi Klɔuklɔu ha David nitsɛ de ke, ‘Nyɔmtsɛ ɔ de ye Nyɔmtsɛ ɔ ke, “Hii ye hiɔ nɔ kɛ yaa su be nɛ ma ngɔ o he nyɛli ɔmɛ kɛ wo o nane sisi.” ’

Mika 2:7

Anɛ o susu kaa a gbiɛ Israel ma a lo? Anɛ Yawɛ tsui si tomi ɔ ta lo? Anɛ e maa pee ní nɛ ɔmɛ niinɛ lo? Anɛ nihi nɛ peeɔ nɔ́ nɛ da a, e wui mɛ ga kpakpa lo?”

Mateo 26:54

Ke e ba jã a, lɛɛ ngmami ɔmɛ nɛ deɔ ke kikɛ nɛ ɔ e sa kaa níhi nɛ ba a, kɛ jamɛ a ngmami ɔmɛ maa pee kɛ ba mi kɛɛ?”

Mateo 22:43

Yesu bi mɛ ke, “Mɛni he je mɔ nɛ mumi ɔ ba David nɔ, nɛ e tsɛ lɛ ‘Nyɔmtsɛ’ ɔ? David ke,

Mose V, 29:29

“Laami ní komɛ ngɛ nɛ Yawɛ, wa Mawu ɔ je we kpo ngɔ tsɔɔ wɔ, se e je e mlaa a kpo ngɔ ha wɔ kɛ wa nina, bɔ nɛ pee nɛ waa ye nɔ kɛ ya neneene.

Zefania 3:2

Yerusalem bui Yawɛ tue; e kplɛɛ we nɛ a kaa e hɛ mi. E ngɔɛ e hɛ kɛ fɔɛ Yawɛ nɔ, nɛ e hla we e Mawu ɔ se blɔ.