2 Timoteo 3:14 - BAIBLO ALOO NGMAMI KLƆUKLƆU Ɔ

¹⁴ Se moo lɛɛ anɔkuale ɔ nɛ a tsɔɔ mo nɛ o he ye ɔ, yaa nɔ nɛ o pɛtɛ he. Nihi nɛ tsɔɔ mo ní ɔ, o le mɛ.

Somi He Ɔ

¹⁴ Se moo lɛɛ hii si ngɛ nihi nɛ o kase nɛ o ngɛ he wami ngɛ nɔ ɔmɛ a mi, ejakaa o le nɔ nɛ nya nɛ o kase kɛ je,

2 Timoteo 3:14 ပူးပေါင်းရင်းမြစ်များ

1 Tesalonikabi 2:13

Nɔ́ kake he hu nɛ wa naa Mawu si ngɛ daa ji nɛ ɔ nɛ. Benɛ wa ngɔ Mawu munyu ɔ ba ha nyɛ ɔ, nyɛ bu tue, nɛ nyɛ he lɛ atuu, pi kaa nɔmlɔ adesa sɛ gbi, se mohu kaa Mawu munyu kaa bɔ nɛ e ngɛ anɔkuale mi ɔ. Niinɛ nyɛ nihi nɛ nyɛ heɔ yeɔ ɔ, Mawu munyu ɔ ngɛ ní tsue ngɛ nyɛ mi.

2 Timoteo 2:2

Níhi nɛ o nu nɛ i ngɛ fiɛe ngɛ nihi babauu a hɛ mi ɔ, tsɔɔ nihi nɛ yeɔ anɔkuale ɔ lɔ ɔmɛ nɔuu, konɛ mɛ hu a tsɔɔ ni kpahi.

2 Timoteo 1:13

Anɔkuale ɔ nɛ i tsɔɔ mo ɔ, pɛtɛ he kaa nɔhyɛ nɔ́, nɛ hemi kɛ yemi, kɛ suɔmi nɛ wa na kɛ gu Kristo Yesu mi ɔ, koo ngmɛɛ he.

1 Tesalonikabi 1:5

Sane kpakpa a nɛ wa ngɔ ba ha nyɛ ɔ, pi munyu kɛkɛ nɛ wa ba tu. Nɔ́ nɛ wa ba de nyɛ ɔ wo nyɛ he wami, nɛ Mumi Klɔuklɔu ɔ bli nyɛ juɛmi nya, nɛ nyɛ na kaa munyu ɔ nɛ wa kɛ ba a, anɔkuale sɔuu. Benɛ wa ngɛ nyɛ ngɔ ɔ, nyɛ le bɔ nɛ waa kɛ nyɛ hi si ha. Wa pee ja, konɛ e hi ha nyɛ nitsɛmɛ.

Hebribi 10:22

Lɔ ɔ he ɔ, nyɛ ha nɛ waa ngɔ tsui nɛ mi tsɔ, kɛ hemi kɛ yemi nɛ pi si kɛ hɛ wɔ kɛ su Mawu he. Nyɛ ha a tsu wa tsui he bɔ nɛ wa he nile be wɔ fɔ bue, nɛ́ waa pee kaa nihi nɛ a kɛ nyu nɛ mi tsɔ heii du a he.

Hebribi 6:11

Nɔ́ nɛ wa ngɛ hlae ji kaa bɔ nɛ nyɛɛ kɛ hɛdɔ tsu nɔ́ nɛ ɔ, nyɛ ti nɔ tsuaa nɔ maa hɛɛ mi kɛ ya si nyagbe. Kɛkɛ ɔ, níhi nɛ nyɛ ngɔ nyɛ hɛ ngɔ fɔ nɔ ɔ, nyɛ ma na a nɔ mi mami.

1 Timoteo 4:16

Timoteo, hyɛ mo nitsɛ o he nɔ saminya; nɔ́ nɛ o ngɛ tsɔɔe ɔ hu hyɛ nɔ bɔ nɛ sa. Ejakaa ke o pee ja a, o ma he mo nitsɛ o yi wami, kɛ nihi nɛ buɔ mo tue ɔ hulɔ.

2 Timoteo 3:15

O kai kaa kɛ je o jokuɛ mi tɔɔ o le ngmami klɔuklɔu ɔ. Ngmami klɔuklɔu ɔ ma ha nɛ o maa le ní, nɛ Kristo Yesu nɛ o heɔ yeɔ ɔ ma he o yi wami.

Romabi 14:5

E peeɔ ni komɛ kaa ligbi ɔmɛ ekomɛ a he hia pe ekomɛ, be mi nɛ ni komɛ susuɔ kaa ligbi ɔmɛ tsuo sɔ. Nɔ tsuaa nɔ nɛ pee e juɛmi ngɛ nɔ́ nɛ ɔ he.

Kolosebi 2:2

I ngɛ enɛ ɔ pee nɛ ma kɛ wo mɛ bua, konɛ suɔmi nɛ ha a pee kake. Kɛkɛ ɔ, a maa nu ní kpakpahi nɛ a mi kuɔ ɔ tsuo a sisi saminya nɛ nɔ jemi be mi, nɛ a maa le Mawu laami sane ɔ. Mawu laami sane ɔ ji Kristo ɔ nɛ.

Ni Tsumi 17:31

Ejakaa e to be pɔtɛɛ ko, nɛ e hla nɔ ko nɛ e maa gu e nɔ kɛ kojo je ɔ tsuo ngɛ dami sane yemi nya, ejakaa e tle jamɛ a nɔmlɔ ɔ si kɛ je gbeje kɛ ma enɛ ɔ nɔ mi.”

Tito 1:9

Anɔkuale ɔ nɛ a tsɔɔ lɛ, nɛ e he ye ɔ, e hɛɛ mi wawɛɛ. Ke e pee jã loko lɛ hu e ma nyɛ tsɔɔ ni kpahi ní nɛ he tsɔ saminya. Kɛkɛ ɔ, nihi nɛ teɔ si siɔ anɔkuale ɔ, e maa tsɔɔ mɛ a tɔmi.