2 Timoteo 3:10 - BAIBLO ALOO NGMAMI KLƆUKLƆU Ɔ

¹⁰ Se Timoteo, moo lɛɛ, ní nɛ i tsɔɔ, bɔ nɛ i baa ye je mi, oti nɛ i kɛ fɔ ye hɛ mi ngɛ je nɛ ɔ mi, kɛ nɔ́ nɛ i heɔ yeɔ ɔ, o le. O le bɔ nɛ i toɔ ye tsui si, bɔ nɛ i suɔ nɔ, kɛ bɔ nɛ ye hɛ mi ka si.

Somi He Ɔ

¹⁰ Se moo lɛɛ, o le ye tsɔɔmi, ye je mi bami, ye yi mi tomi, ye hemi kɛ yemi, ye tsui si tomi, ye suɔmi, ye hɛ mi miami,

2 Timoteo 3:10 ပူးပေါင်းရင်းမြစ်များ

1 Timoteo 6:11

Se moo lɛɛ Mawu nɔmlɔ ji mo; lɔ ɔ he ɔ, bɔɔ ní nɛ ɔmɛ a he mɔde: dami sane yemi, Mawu suɔmi nya ní peemi, hemi kɛ yemi, suɔmi, tsui si tomi, kɛ he si bami.

Tito 2:7

Mo nitsɛ o ba o je mi saminya ngɛ nɔ́ tsuaa nɔ́ mi, konɛ lɔ ɔ nɛ pee nɔ hyɛmi nɔ́ kpakpa ha ni ɔmɛ. Ke o ngɛ ní tsɔɔe ɔ, ha nɛ a na kaa o juɛmi mi tsɔ, nɛ o hɛ dɔ.

1 Timoteo 4:6

Mawu munyu ɔ kasemi, kɛ Kristo hemi kɛ yemi nɛ mo nitsɛ o hɛɛ mi kpɛii ɔ ma ha mo mumi mi he wami. Ke o tsɔɔ nyɛmimɛ ɔmɛ ní nɛ ɔmɛ nɛ mɛ hu a le ɔ, lɛɛ Kristo Yesu tsɔlɔ kpakpa ji mo.

Filipibi 2:22

Nyɛ nitsɛmɛ nyɛ le Timoteo mɔde bɔmi! Nyɛ le kaa e tsu ní nɛ se bé; e kɛ mi tsu sane kpakpa a he ní kaa bi kɛ e tsɛ.

Hebribi 13:9

Nyɛ ko ha ni komɛ nɛ ngɔ tsɔɔmi slɔɔtoslɔɔtohi nɛ kɛ sane kpakpa a kɔ we nɛ je nyɛ kɛ je blɔ kpakpa a nɔ. Mawu dloomi ɔ lɛ woɔ wa mumi mi he wami; se mlaahi nɛ kɔɔ niye ní he ɔ, se nami ko kulaa be he kɛ ha nihi nɛ yeɔ nɔ ɔ.

Ni Tsumi 11:23

Benɛ e ya su lejɛ ɔ, nɛ e na bɔ nɛ Mawu gbaa ni ɔmɛ ɔ, e bua jɔ e he, nɛ e tu munyu tsɔɔ mɛ tsuo ke a ye Nyɔmtsɛ ɔ anɔkuale kɛ a tsui tsuo.

2 Petro 3:11

Akɛnɛ ní nɛ ɔmɛ tsuo pɛpɛɛpɛ a hɛ mi ma kpata kikɛ nɛ ɔ, lɛɛ kɛ e sa kaa nyɛɛ ba nyɛ je mi kɛɛ? E sa kaa nyɛɛ pee nyɛ he klɔuklɔu, nɛ nyɛɛ ngɔ nyɛ he ngɔ ha Mawu,

2 Timoteo 4:3

Be ma nɛ nihi be suɔe kaa a maa bu tsɔɔmi kpakpa tue. Mohu ɔ, a ma hla ní tsɔɔli ha a he; a ma hla nihi nɛ maa tsɔɔ mɛ níhi nɛ maa ngɔ ngɛ a tue mi.

2 Timoteo 2:22

Lɔ ɔ he ɔ, nihewi a we akɔnɔ yaya a, yu o he kɛ je he kulaa, nɛ o kɛ nihi nɛ yeɔ Kristo anɔkuale nɛ bɔ. Nyɛɛ ba nyɛ je mi saminya kaa Kristo we bi nɛ yeɔ dami sane, nɛ tsuɔ a hemi kɛ yemi he ní; nyɛɛ suɔ nyɛ sibi, nɛ nyɛɛ hi si saminya ngɛ he jɔmi mi.

1 Tesalonikabi 1:5

Sane kpakpa a nɛ wa ngɔ ba ha nyɛ ɔ, pi munyu kɛkɛ nɛ wa ba tu. Nɔ́ nɛ wa ba de nyɛ ɔ wo nyɛ he wami, nɛ Mumi Klɔuklɔu ɔ bli nyɛ juɛmi nya, nɛ nyɛ na kaa munyu ɔ nɛ wa kɛ ba a, anɔkuale sɔuu. Benɛ wa ngɛ nyɛ ngɔ ɔ, nyɛ le bɔ nɛ waa kɛ nyɛ hi si ha. Wa pee ja, konɛ e hi ha nyɛ nitsɛmɛ.

2 Korintobi 1:17

Blɔɔ nɛ i tsake ye yi mi tomi ɔ, anɛ yi mi flɛflɛ i kɛ pee lo? Ke i ngɛ ye yi mi toe ɔ, anɛ i peeɔ ye ní kaa yaka nɔ ko kɛkɛ nɛ deɔ “Ee” kɛ “Dɛbi” be kake too lo?

Romabi 16:17

Ye nyɛmimɛ, i kpa nyɛ pɛɛ, nihi nɛ teɔ si kɛ siɔ níhi nɛ wa tsɔɔ nyɛ, nɛ a ngɛ nyɛ tue puɛe, nɛ a kɛ mi gbami ngɛ asafo ɔ mi bae ɔ, nyɛ hɛ nɛ hi nyɛ he ngɛ a he, nɛ nyɛɛ kɛ mɛ ko bɔ.

Ni Tsumi 26:4

“Yuda bi tsuo le bɔ nɛ i ba ye je mi kɛ je sisije. A le bɔ nɛ i ba ye je mi ha ngɛ imi nitsɛ ye ma a mi, kɛ Yerusalem tsuo.

Ni Tsumi 20:18

Benɛ a ba a, e de mɛ ke, “Nyɛ nitsɛmɛ nyɛ le bɔ nɛ i kɛ nyɛ hi si be nɛ be ɔ tsuo, kɛ je kekleekle ligbi nɛ i ba Asia a.

Ni Tsumi 2:42

Nimli nɛ ɔmɛ kaseɔ ní be tsuaa be ngɛ bɔfo ɔmɛ a ngɔ; a kɛ mɛ peeɔ kake kɛ yeɔ ní, nɛ a kɛ peeɔ sɔlemi hulɔ.

Luka 1:3

Lɔ ɔ he ɔ, ye nɔkɔtɔma, akɛnɛ imi hu i hla ní nɛ ɔmɛ a mi fitsofitso kɛ je sisije ɔ, i susu kaa e hi kaa ma ngma sisiisi ha mo.

1 Timoteo 1:3

O ma kai kaa benɛ i je Efeso kɛ yaa Makedonia a, i wo mo ga kaa o hi si ngɛ Efeso. Ni komɛ ngɛ lejɛ ɔ nɛ a ngɛ lakpa tsɔɔmi tsɔɔe. Lɔ ɔ he ɔ, ma suɔ nɛ o hi Efeso, nɛ o bɔ mɛ kɔkɔ nɛ a kpa.

Efesobi 4:14

Jehanɛ ɔ, wa be si hie hu kaa jokuɛwi nɛ heɔ tsɔɔmi yeɔ kaa kɔɔhiɔ mimiɛɔ nɔ́ kɛ yaa kɛ baa, konɛ nihi nɛ toɔ ga yaya, nɛ a yeɔ kutupɔ kɛ sisiɔ nɔ ɔ a nine ko su wa nɔ.

Daniel 1:8

Daniel muɔ e yi mi kpɔ kaa e be matsɛ ɔ niye ní ɔ yee, nɛ wai ɔ hu e be nue, bɔ nɛ pee nɛ e ko ble e he. Lɔ ɔ he ɔ, e kpa Ashpenaz pɛɛ ke e ko nyɛ e nɔ ke e ye níhi nɛ a tsɔɔ kaa a ye ɔ doo.

Filipibi 2:20

Timoteo pɛ ji nɔ nɛ susuu nyɛ he, nɛ e hlaa kaa e hi ha nyɛ; i li nɔ kpa ko hu kaa lɛ.

2 Timoteo 4:2

Lɔ ɔ he ɔ, yaa nɔ nɛ o fiɛ sɛ gbi ɔ be tsuaa be nɛ o ko kpa. Ke o ngɛ munyu ɔ fiɛe ɔ, ná tsui kɛ tsɔɔ tue buli ɔmɛ nɔ́ nya konɛ a na nya saminya. Ka ni ɔmɛ a hɛ mi, nɛ o wo mɛ ga ngɛ be nɛ sa mi.

2 Timoteo 4:7

Ta kpakpa a, i hwu; i tu fo ɔ tsuo gbe nya. I pɛtɛ hemi kɛ yemi ɔ he.