2 Timoteo 2:7 - BAIBLO ALOO NGMAMI KLƆUKLƆU Ɔ

⁷ Susuu nɔ́ nɛ i ngɛ mo dee nɛ ɔ he, nɛ Nyɔmtsɛ ɔ nitsɛ ma ha nɛ o nu nɔ́ tsuaa nɔ́ sisi.

Somi He Ɔ

⁷ Nyɔmtsɛ ɔ ma ha o na nihi kulaa sisi.

2 Timoteo 2:7 ပူးပေါင်းရင်းမြစ်များ

Kronika I, 22:12

Yawɛ, o Mawu ɔ nɛ ha mo nile kɛ juɛmi, bɔ nɛ pee nɛ o ye Israel nɔ ngɛ e mlaa a nya.

Kronika I, 29:19

Ha nɛ ye bi Salomo nɛ ye o mlaa amɛ, o fami ɔmɛ, kɛ blɔ nya tomi ɔmɛ tsuo pɛpɛɛpɛ a nɔ, konɛ e po we ɔ nɛ i dla e he níhi kɛ to ɔ ha mo.”

La 119:125

O tsɔlɔ ji mi, ha mi nile, konɛ ma nu o mlaa amɛ a sisi.

La 119:144

O mlaa amɛ da kɛ yaa neneene. Ha mi juɛmi nɛ kɔɔ nɔ́ se, bɔ nɛ pee nɛ ye yi nɛ na wami.

La 119:73

Mo nitsɛ lɛ o bɔ mi, nɛ o baa ye yi. Ha mi juɛmi nɛ kɔɔ nɔ́ se, konɛ ma kase o mlaa amɛ.

La 64:9

Nɔ tsuaa nɔ maa ye gbeye. A maa sɛɛ nyakpɛ níhi nɛ Mawu tsu, nɛ a ma susu a he saminya.

Abɛ Womi 24:32

I hyɛ nɔ́ nɛ ɔ too; i susu he, nɛ i kase ní kɛ je mi.

Yesaya 1:3

Nahi le a tsɛ, nɛ tejihi hu le he nɛ a nɔ hyɛlɔ haa mɛ ní ngɛ. Se imi nitsɛ ye ma Israel ɔ, mɛɛ lɛɛ a li nɔ́ ko nɔ́ ko; a juɛmi bɛ he.”

Yesaya 28:26

E Mawu ɔ lɛ tsɔɔ lɛ ke e pee ja pɛpɛɛpɛ ɔ nɛ.

Yesaya 5:12

Nyɛ tsɛɔ ní yemi nɛ nyɛ nuɔ dã; nyɛ fiaa saku, nɛ nyɛ nyaa; nyɛ kpaa bɛ, nɛ nyɛ hii miɛ. Se akɛnɛ nɔ́ nɛ Yawɛ ngɛ pee ɔ lɛɛ nyɛ susuu we he kulaa he je ɔ,

Daniel 1:17

Mawu ha nihewi eywiɛ nɛ ɔmɛ nile, kɛ juɛmi nɛ a kɛ kaseɔ womi, kɛ je mi nile. Daniel lɛɛ Mawu dloo lɛ ninahi kɛ nlamihi a sisi tsɔɔmi ngɔ piɛ he.

Luka 21:15

Ejakaa munyu nɛ maa je nyɛ nya, kɛ juɛmi nɛ nyɛɛ kɛ ma fa nyɛ he ɔ, ma ha nyɛ. Nyɛ he nyɛli ɔmɛ a ti nɔ ko nɔ ko be nyɛ nyɛe, loo a maa je nɔ́ nɛ nyɛ ngɛ dee ɔ he nɔ́.

Luka 24:45

Jehanɛ ɔ, e bli a juɛmi nya, konɛ a nu ngmami ɔmɛ a sisi.

Luka 9:44

“Nɔ́ nɛ ma de nyɛ nɛ ɔ, nyɛɛ bu tue saminya! A maa ngɔ Nɔmlɔ Bi ɔ kɛ wo nihi nɛ he wa a dɛ mi.”

Yohane 14:26

Tsɛ ɔ maa wo Mumi Klɔuklɔu ɔ blɔ kɛ ba nyɛ ngɔ. Hepiɛlɔ nɛ ɔ maa ba ngɛ ye biɛ mi, nɛ nɔ́ tsuaa nɔ́ nɛ hia kaa nyɛɛ le ɔ, e maa tsɔɔ nyɛ; nɛ nihi tsuo nɛ i de nyɛ ɔ, e ma kai nyɛ.

Yohane 16:13

Se ke Mumi ɔ nɛ haa a leɔ anɔkuale ɔ nɛ kɔɔ Mawu he ɔ ba a, e maa tsɔɔ nyɛ anɔkuale ɔ tsuo. Ejakaa Mumi ɔ be lɛ nitsɛ e yi mi toe kɛ de nɔ́ ko; mohu níhi nɛ e nu ɔ, a he munyu e maa tu; nɛ e ma de nyɛ níhi nɛ maa ba.

Ni Tsumi 7:10

nɛ e je lɛ kɛ je dengmehi tsuo a mi. Yosef hɛ mi ba nyami ngɛ Egipt matsɛ ɔ hɛ mi. Matsɛ ɔ na kaa e nɔ bɔ tsɔ, nɛ Mawu dloo lɛ nile nɛ mi kuɔ. Lɔ ɔ he ɔ, matsɛ ɔ tu Egipt zugba a, kɛ matsɛ we ɔ tsuo ngɔ wo Yosef dɛ mi.

1 Korintobi 12:8

Mawu mumi ɔ haa nɔ ko he wami nɛ e kɛ tuɔ munyu nɛ juɛmi ngɛ mi. Jamɛ a mumi ɔ nɔuu haa nɔ kpa hu he wami nɛ e kɛ tuɔ munyu nɛ sisi numi ngɛ mi.

Mose V, 32:29

A nyɛ we nɛ a na nɔ́ he je nɛ a ye a nɔ ɔ; a nui nɔ́ nɛ ba a sisi.

Mose V, 4:39

Lɔ ɔ he ɔ, mwɔnɛ ɔ, nyɛ na nyɛɛ le, nɛ nyɛ hɛ ko je nɔ gblegbleegble kaa Yawɛ ji Mawu ngɛ hiɔwe kɛ zugba; e se ɔ, nɔ ko be.

Filipibi 4:8

Nyagbe ɔ, ye nyɛmimɛ, nihi nɛ ji anɔkuale, nihi nɛ sa bu, níhi nɛ da, níhi nɛ he tsɔ, níhi nɛ ngɛ fɛu, níhi nɛ woɔ nɔ hɛ mi nyami, ke je mi bami kpakpa ko ngɛ, ke yi jemi ko hu ngɛ ɔ, enɛ ɔmɛ a he nyɛ susu.

Kolosebi 1:9

Enɛ ɔ he ɔ, kɛ je ligbi ɔ nɛ wa nu nyɛ he ɔ kɛ ba si amlɔ nɛ ɔ, wa jɔɔ we Mawu pɛɛ kpami ha nyɛ. Wa biɔ ke Mawu nɛ ha nɛ nyɛɛ le e suɔmi nya ní, nɛ nyɛ ná nile, kɛ nɔ́ sisi numi nɛ mumi ɔ haa nɔ ɔ.

1 Timoteo 4:15

Ngɔɔ o he wami tsuo kɛ tsu ní nɛ ɔmɛ be tsuaa be, konɛ nihi tsuo nɛ a na o mɔde bɔmi.

2 Timoteo 2:6

Ngmɔ hulɔ nɛ gboɔ dengme kɛ tsuɔ ní ɔ, lɛ kekle e yeɔ ngmɔ niba ní ɔ eko.

2 Timoteo 2:8

Kai kaa Yesu Kristo, Matsɛ David nina nɛ Mawu tle lɛ si kɛ je gbeje ɔ he sane kpakpa a ji nɔ́ nɛ i ngɛ fiɛe ɔ nɛ.

Hebribi 12:3

Nyɛ susu si nɛ yayami peeli te ngɔ wo lɛ ɔ, kɛ bɔ nɛ e to e tsui si kɛ na nɔ́ wawɛɛ ɔ he, konɛ pɔ ko tɔ nyɛ, nɛ nyɛ kɔni mi ba jɔ̃.

Hebribi 13:7

Nyɛ hɛ mi nyɛɛli ɔmɛ nɛ ngɔ Mawu sɛ gbi ɔ ba ha nyɛ ɔ, nyɛ kai mɛ. Nyɛɛ hyɛ bɔ nɛ a hi si saminya hluu kɛ ya si a gbenɔ be; nyɛɛ hyɛ bɔ nɛ a he Mawu ye ha, nɛ nyɛɛ kase mɛ.

Hebribi 3:1

Ye nyɛmimɛ, nyɛ nihi nɛ nyɛ he tsɔ, nɛ Mawu tsɛ waa kɛ nyɛ tsuo, nyɛɛ hyɛ Yesu, hemi kɛ yemi nɛ wa jajeɔ ɔ he bɔfo, kɛ osɔfo nɔkɔtɔma pe kulaa a.

Hebribi 7:4

Nyɛɛ hyɛ nɔmlɔ nɛ ɔ we agboje! Abraham, wa nɛ̃ nɛ he biɛ ɔ po ha lɛ ta yibu ní ɔ nɛ e na ngɛ ta mi ɔ tsuo mi mi dlami nyɔngma mi kake.

Yakobo 1:5

Se ke nyɛ ti nɔ ko ngɛ nile hlae ɔ, e kpa Mawu pɛɛ, nɛ e ma ha lɛ; ejakaa Mawu haa nɔ nɔ́ faa nɛ mi mi gbigblimi be mi.

Yakobo 3:15

Kikɛmɛ a nile nɛ ɔ, pi hiɔwe nɛ e je; zugba nɛ ɔ nɔ nɔ́; Mawu mumi be mi, mumi yayami sɔuu.

Yakobo 3:17

Se nɔ nɛ ngɛ nile nɛ je hiɔwe ɔ, kekleekle nɔ́ nɛ a naa ngɛ e he ji kaa e he tsɔ. Lɔ ɔ se ɔ, a naa kaa e he jɔ; e hɛ ka si, nɛ e nuɔ nɔ́ he ha nɔ. E naa nɔ mɔbɔ saminya, nɛ ní kpakpahi sɔuu e tsuɔ. E hyɛ we nihi a hɛ mi, nɛ e pee we osato.

1 Yohane 5:20

Wa le kaa Mawu Bi ɔ ba, nɛ e ba bli wa juɛmi nya, konɛ waa le anɔkuale Mawu ɔ. Amlɔ nɛ ɔ, waa kɛ anɔkuale Mawu ɔ ngɛ, ejakaa wa ngɛ e Bi Yesu Kristo ɔ mi. Lɛ ji anɔkuale Mawu ɔ nɛ, nɛ enɛ ɔ ji neneene wami.