2 Timoteo 2:5 - BAIBLO ALOO NGMAMI KLƆUKLƆU Ɔ

⁵ Loko fo dalɔ ko nine maa su kunimi yemi jlasi nɔ ɔ, ja e ye fo dami he mlaa amɛ tsuo a nɔ pɛpɛɛpɛ.

Somi He Ɔ

⁵ Nɛ ke nɔ ko ngɛ nɔ́ ko ngɛ nɔ ko he plee hu ɔ, a be lɛ manye jlasi fie, kaa ja e plee he ngɛ mlaa nya.

2 Timoteo 2:5 ပူးပေါင်းရင်းမြစ်များ

Luka 13:24

“Nyɛɛ bɔ mɔde nɛ nyɛɛ sɛ agbo tokofii ɔ mi. Ejakaa, i ngɛ nyɛ dee ke, nihi babauu ma hla kaa a sɛ mi, se a be nyɛe.

Filipibi 1:15

Niinɛ, sane kpakpa a nɛ a ngɛ fiɛe ɔ, a ti ni komɛ a hɛ kɔɔ ye nɔ, nɛ a jeɔ mi hunga, se ni komɛ hu kɛ juɛmi kpakpa fiɛɔ.

Kolosebi 1:29

Enɛ ɔ he ɔ, i kɛ Kristo he wami kpetekpleenyɛ ɔ nɛ ngɛ ye mi ɔ gboɔ dengme wawɛɛ kɛ tsuɔ ní.

Hebribi 12:4

Ta nɛ nyɛɛ kɛ yayami ngɛ hwue nɛ ɔ, nyɛ sui he nɛ a ma de ke a ma pue nyɛ muɔ si ngɛ ɔ lolo.

Hebribi 2:7

Nɛ o bɔ lɛ ɔ, nɔ́ ko bɔɔ pɛ o ha bɔfo ɔmɛ kɛ pe lɛ. O wo e hɛ mi nyami, nɛ o ha bu ba e he.

Hebribi 2:9

Se Yesu lɛɛ wa na kaa gbenɔ mi amanehlu ɔ nɛ e na a ha nɛ a kɛ hɛ mi nyami kɛ bu fi lɛ jlasi. Nɛ Mawu bɔ lɛ ɔ, nɔ́ ko bɔɔ pɛ e ha bɔfo ɔmɛ kɛ pe lɛ. Mawu pee lɛ jã, konɛ lɛ Mawu ɔ dloomi ɔ nya a, Yesu nɛ ba gbo kɛ ha nihi tsuo.

Yakobo 1:12

Nɔ nɛ ke a ngɛ lɛ kae ɔ, e toɔ e tsui si, nɛ e ngmɛɛ we e hemi kɛ yemi he ɔ, á gbaa lɛ. Ejakaa ke e nyɛ gblee ka a mi ɔ, neneene wami nɛ Mawu wo si kaa a ma ha nihi nɛ suɔ lɛ ɔ, e nine maa su nɔ.

1 Petro 5:4

Nɛ ke to hyɛlɔ nɔkɔtɔma a ba a, nyɛ nine maa su hɛ mi nyami jlasi nɛ maa hi kpɛe nylamnylam daa a nɔ.

Kpojemi 2:10

Koo ye amanehlu nɛ ma o nɔ ɔ gbeye! Hyɛ! Abosiami miɔ nɛ e maa wo nyɛ ti ni komɛ tsu, konɛ a kɛ ka nyɛ; nɛ nyɛ maa na nɔ́ ligbi nyɔngma. Ye mi anɔkuale kɛ yaa si gbenɔ mi tete po, nɛ ma ha mo wami kaa kunimi nɛ o ye ɔ he jlasi.

Kpojemi 3:11

I ma nɔuu! Nɔ́ nɛ ngɛ o dɛ ɔ, pɛtɛ he wawɛɛ, konɛ jlasi nɛ o ma na, ke o ye kunimi ɔ, nɔ ko nɛ ko kpɔ ngɛ o dɛ.

Kpojemi 4:10

nikɔtɔma nyingmi enyɔ kɛ eywiɛ ɔmɛ ngɔɔ a hɛ mi kɛ buɔ si ngɛ nɔ nɛ hii si ngɛ matsɛ sɛ ɔ nɔ, nɛ ngɛ kɛ yaa neneene ɔ hɛ mi, nɛ a jaa lɛ. A ngɔɔ a jlasi ɔmɛ kɛ pueɔ matsɛ sɛ ɔ hɛ mi, nɛ a deɔ ke,

Kpojemi 4:4

Matsɛ sɛ nyingmi enyɔ kɛ eywiɛ kpa komɛ bɔle matsɛ sɛ ɔ kɛ kpe, nɛ nikɔtɔmahi nyingmi enyɔ kɛ eywiɛ hii si ngɛ a nɔ. A wo ní hiɔ, nɛ sika tsu jlasi fi a yi.