2 Timoteo 2:26 - BAIBLO ALOO NGMAMI KLƆUKLƆU Ɔ

²⁶ Kɛkɛ ɔ, a maa hɛli a he si, nɛ klama nɛ Abosiami tsɔ ha mɛ kaa a pee e suɔmi nya ní, nɛ a ya nɔ mi ɔ, a ya be mi nɔe.

Somi He Ɔ

²⁶ nɛ a hɛ mi nɛ tsɔ mɛ kɛ je abosiami klama a mi, ejakaa e kɛ du mɛ nɛ a pee e suɔmi nya ni.

2 Timoteo 2:26 ပူးပေါင်းရင်းမြစ်များ

Hiob 1:12

Yawɛ de Satan ke, “Saminya! Nɔ́ tsuaa nɔ́ nɛ ngɛ Hiob dɛ ɔ, i ngɔ kɛ wo o dɛ. Se lɛ nitsɛ e nɔmlɔ tso ɔ lɛɛ o nine ko ta he.” Kɛkɛ nɛ Satan je Mawu he.

Hiob 2:6

Yawɛ de Satan ke, “Saminya! E ngɛ o dɛ mi; e hɛ mi kɛkɛ nɛ o ko kpata.”

La 124:7

Wa je a dɛ mi kaa bɔ nɛ lohwe pɛlitsɛ jee ya mi; ya a gba, nɛ wa je mi slɔkee.

Yesaya 28:13

Lɔ ɔ he je nɛ Yawɛ nitsɛ maa tsɔɔ nyɛ ní nyaa kikɛ nɛ ɔ nɛ: ngmami okadi kakaaka, zã kakaaka, kɛ munyu tso ɔ hu kakaaka; kɛkɛ ɔ, nane tsuaa nane nɛ nyɛ maa hia a, nyɛ ma tɛ nɔ́ nɛ nyɛ maa nɔ si. A maa plaa nyɛ; nyɛ maa du klama, nɛ a maa nuu nyɛ kɛ ho.

Yesaya 53:12

Enɛ ɔ he je ɔ, ma ha lɛ blɔ nya nguaa ko ngɛ ni nguanguahi a kpɛti. E kɛ mɛ maa dla ta yibu ní ɔ. Ejakaa e ngɔ e wami ngɔ ha ngɛ yayami peeli babauu a nane mi; nɛ e kpa pɛɛ nɛ a ngɔ a he yayami kɛ pa mɛ.”

Yesaya 8:15

Nihi babauu ma tɛ nɔ nɛ a maa nɔɔ si, nɛ a hɛ mi ma kpata. A maa tsɔ mɛ klama, nɛ a maa du.”

Luka 11:21

“Ke katsɛ ko hɛɛ e dade mi kɛ ngɛ e we he bue ɔ, e níhi tsuo a yi naa wami.

Luka 15:17

Benɛ e hɛ mi ba tsɔ lɛ ɔ, e de e he ke, ‘Tsaatsɛ we apaatsɛmɛ ɔmɛ tsuo ngɛ niye ní babauu nɛ a pee we he nɔ́ ko, nɛ imi lɛɛ i ngɛ hiɛ ɔ, nɛ hwɔ miɔ nɛ e maa gbe mi!

Luka 5:10

Simon huɛmɛ, Yakobo, kɛ Yohane, Zebedeo bimɛ ɔmɛ hu a he mi po ja nɔuu. Jehanɛ Yesu de Simon ke, “Koo ye gbeye! Kɛ je mwɔnɛ ɔ kɛ yaa a, o maa hɛ nimli ha mi kaa bɔ nɛ a hɛɛ lo.”

Yohane 13:2

Gbɔkuɛ, benɛ Yesu kɛ e kaseli ɔmɛ ba bua kɛ ngɛ ní yee ɔ, jamɛ a be ɔ, Abosiami wo Simon Iskariot bi Yuda yi mi momo kaa e tsɔɔ Yesu se blɔ.

Yohane 13:27

Amlɔ nɔuu nɛ Yuda sɔle abolo ɔ, Abosiami sɛ e mi. Yesu de lɛ ke, “Nɔ nɛ o ngɛ pee ɔ, pee esɔ.”

Ni Tsumi 26:18

O ma ya bli a hɛngmɛ, konɛ a je diblii mi kɛ ba la he; o ma ya je mɛ kɛ je Abosiami ɔ he wami sisi kɛ ba Mawu ngɔ. Kɛkɛ ɔ, a ma he imi Yesu nɛ a ye, nɛ Mawu maa ngɔ a he yayami kɛ pa mɛ, nɛ a maa ba a hi he ngɛ nihi nɛ Mawu hla kɛ pee e ma a a kpɛti.’

Ni Tsumi 5:3

Kɛkɛ nɛ Petro de lɛ ke, “Anania, mɛni he je Satan ba sɛ o mi nɛ o ye Mumi Klɔuklɔu ɔ lakpa kikɛ nɛ ɔ? Sika nɛ o na benɛ o jua zugba a, o ngɔ fa ngɔ to, pi jã?

1 Korintobi 15:34

Nyɛ susu nyɛ yi mi saminya nɛ nyɛ kpa yayami peemi. I ngɛ dee nɛ zo nɛ gbe nyɛ kaa nyɛ ti ni komɛ li Mawu.

2 Korintobi 2:11

I peeɔ enɛ ɔ, bɔ nɛ pee nɛ Abosiami nɛ ko na he wami ngɛ wa nɔ, ejakaa wa le gahi nɛ e toɔ.

Efesobi 5:14

ejakaa la lɛ haa nɛ a naa nɔ́ tsuaa nɔ́. Enɛ ɔ he je nɛ a de ke, “Mo nɔ nɛ o ngɛ mahe hwɔe, o hɛ nɛ tsɛ, nɛ o te si kɛ je gbeje. Kɛkɛ Kristo ma kpɛ ha mo ɔ nɛ.”

Kolosebi 1:13

E kpɔ wɔ kɛ je diblii he wami ɔ sisi, nɛ e kɛ wɔ ba e Bi nɛ e suɔ lɛ saminya a matsɛ yemi ɔ mi.

1 Timoteo 1:20

A ti ni komɛ ji Himeneo, kɛ Aleksandro. I tu mɛ ngɔ wo Abosiami dɛ mi, konɛ a gbla a tue. Nɔ́ nɛ ɔ ma ha nɛ a ma kpa musu bɔmi munyu tumi.

1 Timoteo 3:7

Asafo nɔ hyɛlɔ ɔ, é ba e je mi saminya, konɛ ni nɛmɛ nɛ ja we Mawu tete po nɛ a hɛɛ e biɛ kpakpa mi. Ke pi ja a, e ma pue e hɛ mi si, kɛkɛ e sɛ Abosiami klama mi.

Kpojemi 12:9

A sake sinɔ nguaa a ngɔ fɔ he. Ee, jamɛ a blema sinɔ nguaa a nɛ a tsɛɛ lɛ Abosiami, loo Satan nɛ sisi nihi tsuo ngɛ je ɔ mi ɔ, a sake lɛ kɛ e bɔfo ɔmɛ tsuo ngɔ fɔ je ɔ mi.