2 Timoteo 2:20 - BAIBLO ALOO NGMAMI KLƆUKLƆU Ɔ

²⁰ Pi sika tsu níhi, kɛ sika hiɔ níhi kɛkɛ nɛ a naa ngɛ we ngua mi, se mohu nyu yɛmi níhi nɛ a gbɔ, kɛ ekomɛ hu nɛ a puɛ hii mi. A kɛ ekomɛ tsuɔ ní pɔtɛɛ komɛ nɛ a buu, nɛ ekpa komɛ lɛɛ a kɛ tsuɔ ní be saisaa.

Somi He Ɔ

²⁰ We ngua ko mi ɔ pi sika tsu nihi kɛ sika hiɔ nihi kɛkɛ nɛ ngɛ lejɛ ɔ, se mohu tso nihi kɛ zu nihi hu ngɛ mi, ekomɛ ɔ a buo, se ekomɛ hu a bui.

2 Timoteo 2:20 ပူးပေါင်းရင်းမြစ်များ

1 Petro 2:5

Nyɛɛ ba kaa tɛhi nɛ a hɛ ngɛ, nɛ nyɛ ha nɛ a fia nyɛ kɛ ma si kaa mumi mi we. Nyɛ maa pee osɔfo klɔuklɔuhi, nɛ kɛ gu Yesu Kristo nɔ ɔ, nyɛ maa sã mumi mi bɔ nɛ maa sa Mawu hɛ mi.

1 Timoteo 3:15

Se ke ye se ya kɛ ɔ, womi nɛ ɔ maa tsɔɔ mo bɔ nɛ sa nɛ wɔ Kristo we bi waa ba wa je mi ha. Mawu weku ɔ mi bi ji wɔ, nɛ wɔ ji Mawu hɛ kalɔ ɔ we asafo. Anɔkuale ɔ nɛ kɔɔ Mawu he ɔ, asafo ɔ nɔ nɛ a fia ngɔ fɔ, nɛ asafo ɔ nɛ faa he.

1 Korintobi 3:9

Wɔɔ lɛɛ Mawu tsɔli nɛ pee kake kɛ ngɛ ní tsue ji wɔ. Nyɛɛ lɛɛ nyɛ ngɛ kaa ngmɔ nɛ Mawu ngɛ ní tsue ngɛ mi. Nyɛ ngɛ kaa tsu nɛ Mawu ngɛ fiae.

Kɔmɔ Yemi 4:2

Zion nihewi nɛ a he jua wa ha wɔ kaa sika tsu saminya a, hyɛ, jehanɛ lɛɛ a buu mɛ kaa zu kplu gu komɛ kɛkɛ nɛ buɛ puɛlɔ puɛ.

Ezra 6:5

Jehanɛ hu, sika tsu, kɛ sika hiɔ níhi nɛ Matsɛ Nebukadnezer ya muɔ ngɛ Mawu we ɔ ngɛ Yerusalem kɛ ba Babilon ɔ, á ngɔ ya to a blɔ hehi pɛpɛɛpɛ ngɛ Mawu we ɔ ngɛ Yerusalem.”

Efesobi 2:22

Nyɛ hu mumi ɔ ngɔ nyɛɛ kɛ ni nɛmɛ nɛ heɔ yeɔ tsuo ngɔ mɛtɛ Kristo he, nɛ nyɛ ba pee Mawu sihi he.

2 Korintobi 4:7

Wɔ nɛ wa ná kikɛmɛ a mumi mi juetli nɛ ɔ, wa ngɛ kaa zu buɛhi. Enɛ ɔ tsɔɔ kaa he wami kpetekpleenyɛ nɛ ɔ, Mawu ngɔ nɛ e je, pi wɔɔ wa ngɔ.

Ezra 1:6

Nihi tsuo nɛ a kɛ mɛ ngɛ ɔ tsuo wo mɛ blɔ kɛ níhi babauu; sika hiɔ ní, sika tsu, tlomi, lohwehi, nike ní kpahi nɛ a he jua wa, kɛ nike níhi nɛ je tsui mi faa kɛ ba Mawu we ɔ.

Daniel 5:2

Benɛ dã a tsɛ̃ Belshazar nya a, e fa ke a ya ngɔ sika tsu, kɛ sika hiɔ kplu ɔmɛ nɛ e tsɛ Nebukadnezar ya muɔ ngɛ Yawɛ we ɔ mi ngɛ Yerusalem ɔ kɛ ba. E tsɔ ke a ya ngɔ kplu ɔmɛ kɛ ba, konɛ e kɛ e ma nimeli ɔmɛ, e yi ɔmɛ, kɛ e plã amɛ nɛ a nu dã ngɛ a mi.

Mose II, 27:3

Moo pee e he ngɛyuhi nɛ a kɛ muɔ la zu, sofihi, kahi, gbowehi, kɛ la jemi ngɛyuhi. Ngɔɔ akɔblee kɛ pee ní nɛ ɔmɛ tsuo.

Yohane 8:49

Yesu he nɔ ke, “Mumi yayami be ye mi. Imi lɛɛ Tsaatsɛ hɛ mi nyami i woɔ, se nyɛɛ lɛɛ nyɛ ngɛ ye he guɛ gbee.

Romabi 9:20

Se mo nɔmlɔ adesa, mɛnɔ ji mo nɛ o ma de Mawu ke nɔ́ nɛ e de ɔ dɛ? Anɛ buɛ ma de nɔ nɛ puɛ lɛ ɔ ke, “Mɛni he je o puɛ mi kaa kikɛ nɛ ɔ?”