2 Timoteo 2:2 - BAIBLO ALOO NGMAMI KLƆUKLƆU Ɔ

² Níhi nɛ o nu nɛ i ngɛ fiɛe ngɛ nihi babauu a hɛ mi ɔ, tsɔɔ nihi nɛ yeɔ anɔkuale ɔ lɔ ɔmɛ nɔuu, konɛ mɛ hu a tsɔɔ ni kpahi.

Somi He Ɔ

² Nihi nɛ o nu ngɛ ye nya ngɛ odasefohi fuu a nya a, kɔlɔ ɔ nɔuu o tu ngɔ wo nimli anɔkualetsɛmɛ a dɛ, nihi nɛ ngɛ he wami nɛ a ma kɛ tsɔɔ ni kpahi hulɔ.

2 Timoteo 2:2 ပူးပေါင်းရင်းမြစ်များ

Ezra 7:10

Ezra ngɔ e wami tsuo ngɔ ha kaa e maa kase Yawɛ mlaa a nɛ e tsu he ní. E suɔ hu kaa e maa tsɔɔ Israel ma a Mawu mlaa a, kɛ blɔ nya tomi ɔmɛ tsuo.

Ezra 7:25

“Mo Ezra, ngɔɔ nile nɛ Mawu ha mo ɔ kɛ tsu nɔ́ nɛ ɔ; moo hla ma a nɔ hyɛli, kɛ kojoli, nihi nɛ le o Mawu ɔ mlaa a, nɛ́ a hyɛ ye nɔ yemi he ɔ nɔ ngɛ pa a se. Ni nɛmɛ nɛ li mlaa a, tsɔɔ mɛ.

Nehemia 7:2

I ngɔ nihi enyɔ ngɔ to Yerusalem kaa ma a nɔ hyɛli. Mɛ ji ye nyɛmi Hanani, kɛ Hanania, mɔ nɔ hyɛlɔ nɔkɔtɔma a. Hanania yeɔ anɔkuale, nɛ e yee Mawu gbeye pe nihi tsuo.

La 101:6

Nihi nɛ yeɔ Mawu anɔkuale ɔ, ma ná a he bua jɔmi, nɛ i kɛ mɛ maa hi si. Ni nɛmɛ nɛ peeɔ nɔ́ nɛ da a, mɛ lɛ a ma sɔmɔ mi.

Abɛ Womi 13:17

Tsɔlɔ nɛ yi anɔkuale kɛ nɔ woɔ haomi mi. Se tsɔlɔ anɔkualetsɛ lɛɛ tue mi jɔmi e kɛ baa.

Yeremia 23:28

Ke gbalɔ ko nla a, e sɛɛ e nlami ɔ. Se ke nɔ ko ná sɛ gbi kɛ je ye ngɔ ɔ, e fiɛ ngɛ anɔkuale mi. Jakati kɛ ngma a, mɛni bɔmi lɛ ngɛ a kpɛti?

Mose III, 14:42

Jehanɛ, á ngɔ tɛ kpahi kɛ tsi puɔ ɔmɛ, nɛ́ a ngɔ zu kpa kɛ kã gli ɔmɛ a he.

Malaki 2:7

E sa kaa osɔfo ɔmɛ nɛ a tsɔɔ ma a ní, nɛ a le Mawu anɔkuale mi. E sa kaa ma a nɛ ya a ngɔ nɛ a ya kase ye suɔmi nya ní. Ejakaa imi Yawɛ Tabohiatsɛ ɔ, ye tsɔli ji osɔfo ɔmɛ ɔ nɛ.

Mose IV, 12:7

Ye tsɔlɔ Mose lɛɛ e slo lɛ! Lɛɛ i ngɔ lɛ ngɔ to ye ma Israel tsuo nya.

Mateo 13:52

E de mɛ ke, “Enɛ ɔ tsɔɔ kaa mlaa tsɔɔlɔ tsuaa mlaa tsɔɔlɔ nɛ ba plɛ pee kaselɔ ngɛ hiɔwe matsɛ yemi ɔ mi ɔ, e ngɛ kaa wetsɛ ko nɛ jeɔ ní hehi, kɛ ní momohi kɛ jeɔ e nito he.”

Mateo 24:25

Hyɛ, i ngɛ nyɛ enɛ ɔ dee loko be ɔ nɛ su.

Luka 12:42

Nyɔmtsɛ ɔ he nɔ ke, “Ma tsɔɔ nyɛ bɔ nɛ tsɔlɔ nɛ yeɔ anɔkuale, nɛ le ní hulɔ ɔ ngɛ ha. Lɛ ji nɔ nɛ ke e nyɔmtsɛ ɔ maa hia blɔ, nɛ e toɔ we ɔ ngɔ woɔ e dɛ mi; lɛ nɛ e haa tsɔli kpa amɛ a niye ní ngɛ be nɛ sa mi.

1 Korintobi 4:2

Nɔ́ nɛ a ngɛ hlae ngɛ tsɔli kaa kikɛ nɛ ɔ a dɛ ji kaa a ye anɔkuale ha a nyɔmtsɛ ɔ.

2 Korintobi 2:14

Se sina ha Mawu! Mawu haa Kristo yeɔ yayami he wami ɔ nɔ kunimi daa, nɛ kikɛmɛ a kunimi yemi nɛ ɔ peeɔ wɔ bɔfo ɔmɛ hu wa nɔ́. Mawu guu wa nɔ kɛ fiɛɔ sɛ gbi nɛ kɔɔ Kristo he ɔ kɛ yaa he tsuaa he kaa bɔ nɛ nɔ́ ko he via yaa tsitsaa a.

2 Korintobi 3:5

Ní tsumi nɛ ɔ, wa be dee ke wɔ nitsɛmɛ wa ngɛ he wami nɛ wa ma nyɛ tsu. He wami nɛ wa ngɛ ɔ, Mawu lɛ ha wɔ.

Kolosebi 1:7

Nyɛ kase Mawu dloomi sane nɛ ɔ kɛ je wa suɔlɔ Epafra nɛ waa kɛ lɛ ngɛ ní tsumi kake tsue ɔ nya. Lɛ hu Kristo sɔmɔlɔ anɔkualetsɛ ji lɛ; nɛ e ngɛ ní tsue ha wɔ.

1 Timoteo 1:12

I naa wa Nyɔmtsɛ Kristo Yesu si kaa e ha mi he wami nɛ ma kɛ tsu ní. I naa lɛ si kaa e sa e hɛ mi kaa e hla mi nɛ ma ba sɔmɔ lɛ.

1 Timoteo 1:18

Ye bi Timoteo, munyuhi nɛ gbali ɔmɛ tu blema ngɛ o he ɔ, lɔ ɔmɛ imi hu i ngɛ mo fae ke o pee. Ha munyu nɛ ɔmɛ nɛ a pee kaa ta hwumi níhi ngɛ o dɛ nɛ o kɛ tsu ní saminya.

1 Timoteo 4:14

Mumi mi níhi nɛ Mawu kɛ dloo mo kɛ gu gbali ɔmɛ a nɔ benɛ asafo nikɔtɔma amɛ ngɔ a nine kɛ pue o yi mi ɔ, yaa nɔ nɛ o tsu a he ní daa.

1 Timoteo 4:6

Mawu munyu ɔ kasemi, kɛ Kristo hemi kɛ yemi nɛ mo nitsɛ o hɛɛ mi kpɛii ɔ ma ha mo mumi mi he wami. Ke o tsɔɔ nyɛmimɛ ɔmɛ ní nɛ ɔmɛ nɛ mɛ hu a le ɔ, lɛɛ Kristo Yesu tsɔlɔ kpakpa ji mo.

1 Timoteo 5:22

Koo ye esɔ kaa o maa ngɔ o nine kɛ pue nɔ ko nɔ kɛ wo lɛ asafo nɔkɔtɔma nɛ e tsu ní ha Nyɔmtsɛ ɔ. Ke nɔ ko ngɛ yayami pee ɔ, ko ya piɛ e he. Pee o he klɔuklɔu.

1 Timoteo 6:12

Hwuu hemi kɛ yemi ɔ he ta kpakpa a, konɛ o nine nɛ su neneene wami ɔ nɔ. Enɛ ɔ he nɛ Mawu tsɛ mo nɛ o ba ye Kristo he odase wawɛɛ ngɛ nihi babauu a hɛ mi ɔ nɛ.

2 Timoteo 3:10

Se Timoteo, moo lɛɛ, ní nɛ i tsɔɔ, bɔ nɛ i baa ye je mi, oti nɛ i kɛ fɔ ye hɛ mi ngɛ je nɛ ɔ mi, kɛ nɔ́ nɛ i heɔ yeɔ ɔ, o le. O le bɔ nɛ i toɔ ye tsui si, bɔ nɛ i suɔ nɔ, kɛ bɔ nɛ ye hɛ mi ka si.

2 Timoteo 3:14

Se moo lɛɛ anɔkuale ɔ nɛ a tsɔɔ mo nɛ o he ye ɔ, yaa nɔ nɛ o pɛtɛ he. Nihi nɛ tsɔɔ mo ní ɔ, o le mɛ.

Hebribi 2:17

Enɛ ɔ tsɔɔ kaa blɔ tsuaa blɔ nɔ ɔ, e hia kaa Yesu nɛ pee kaa e nyɛmimɛ ɔmɛ. Kɛkɛ ɔ, e maa pee osɔfo nɔkɔtɔma pe kulaa anɔkualetsɛ, kɛ mɔbɔ nalɔ nɛ ngɛ Mawu sɔmɔe, nɛ e kɛ e he nɛ sã kpatami bɔ, konɛ Mawu nɛ ngɔ a he yayamihi kɛ pa mɛ.

Samuel I, 2:35

Ma hla osɔfo ko nɛ maa ye mi anɔkuale; nɛ lɛ ji nɔ nɛ maa pee níhi nɛ ngɛ ye tsui nɔ, kɛ níhi nɛ ngɛ ye juɛmi mi ɔ ha mi. Ma bɔ we saminya ha lɛ, nɛ a ma sɔmɔ ngɛ ye matsɛ ɔ nɛ i pɔ lɛ nu ɔ e hɛ mi daa.