2 Timoteo 2:14 - BAIBLO ALOO NGMAMI KLƆUKLƆU Ɔ

¹⁴ Kaii mɛ kikɛmɛ a ní nɛ ɔmɛ. Bɔɔ mɛ kɔkɔ ngɛ Nyɔmtsɛ ɔ hɛ mi ke a ko pɛ ngɛ munyuhi a he, ejakaa nɔ́ kpakpa ko ji mi kɛ bɛ, se mohu jamɛ a munyu ɔmɛ gbeɔ e nuli ɔmɛ a hemi kɛ yemi.

Somi He Ɔ

¹⁴ Kaii mɛ kikɛmɛ a ni nɛ ɔmɛ, nɛ o ma nɔ mi ha mɛ ngɛ Nyɔmtsɛ ɔ hɛ mi, ykonɛ a ko hwu lilɛ ta nɛ se nami ko be he, se e butuu nihi nɛ nuɔ ɔ mohu ɔ.

2 Timoteo 2:14 ပူးပေါင်းရင်းမြစ်များ

2 Timoteo 2:23

Kuasiahi a nɔ́ jemi nɛ a kase we nɔ́ kpakpa ko kɛ ji mi ɔ, tuu nya fo, ejakaa o le kaa nɔ́ jemi ɔ, kunɔ e kɛ baa.

2 Timoteo 4:1

I ngɛ Mawu, kɛ Kristo Yesu odase tsɛe kɛ ngɛ mo ga woe. Kristo ma ba ye matsɛ; e ma ba kojo nihi nɛ a hɛ ngɛ, kɛ ni nɛmɛ nɛ gbo ɔ tsuo.

Romabi 14:1

Nɔ ko nɛ hemi kɛ yemi mi wɛ ɔ, nyɛɛ kɛ lɛ ko sã nya ngɛ nɔ́ nɛ e susuɔ kaa e sa nɛ e pee, kɛ nɔ́ nɛ e ko pee he. Se mohu nyɛ he lɛ atuu kɛ ba nyɛ kpɛti.

Hebribi 13:9

Nyɛ ko ha ni komɛ nɛ ngɔ tsɔɔmi slɔɔtoslɔɔtohi nɛ kɛ sane kpakpa a kɔ we nɛ je nyɛ kɛ je blɔ kpakpa a nɔ. Mawu dloomi ɔ lɛ woɔ wa mumi mi he wami; se mlaahi nɛ kɔɔ niye ní he ɔ, se nami ko kulaa be he kɛ ha nihi nɛ yeɔ nɔ ɔ.

1 Timoteo 5:21

Ngɛ Mawu, kɛ Kristo Yesu, kɛ bɔfo klɔuklɔu ɔmɛ tsuo a hɛ mi ɔ, i ngɛ mo kita kae nɛ o ye mlaa nɛ ɔmɛ a nɔ pɛpɛɛpɛ. Ke o ngɛ nɔ́ ko pee ɔ, koo hyɛ nɔ hɛ mi. Jehanɛ hu, ko ha nɛ nɔ ko ní peepee nɛ sa o hɛ mi pe nɔ kpa nɔ́.

Ni Tsumi 15:24

Wa nu kaa wa ti ni komɛ ba nyɛ ngɔ ba doo nyɛ nya kɛ munyu komɛ, nɛ a kɛ puɛ nyɛ juɛmi, pohu wa ha we mɛ mlaa ko ke a ba wo nyɛ.

2 Petro 1:13

Be abɔ nɛ i ngɛ je mi kɛ mwɔɔ ɔ, i susu kaa e sa kaa ma ya nɔ ma hɛli nyɛ si ngɛ ní nɛ ɔmɛ a he.

1 Timoteo 6:13

I ngɛ mo fae ngɛ Mawu, kɛ Kristo Yesu hɛ mi kaa o ye mlaa nɛ ɔmɛ a nɔ veveeve kɛ yaa si ligbi ɔ nɛ wa Nyɔmtsɛ Yesu Kristo maa ba. Mawu lɛ haa nɔ tsuaa nɔ wami, nɛ Kristo Yesu ye Mawu he odase wawɛɛ ngɛ Pontio Pilato hɛ mi. Ke be ɔ su ɔ, Mawu ma ha Kristo Yesu maa ba.

2 Tesalonikabi 3:6

Nyɛmimɛ, wa ngɛ nyɛ fae ngɛ wa Nyɔmtsɛ Yesu biɛ mi ke nyɛɛ kɛ nihi nɛ tsu we ní, kɛ ni nɛmɛ nɛ bɛ a je mi saminya kaa bɔ nɛ wa tsɔɔ mɛ ɔ kó bɔ.

Yeremia 7:8

“Nyɛɛ hyɛ, lakpa munyuhi nɛ a he be se nami ɔ, nyɛɛ lɛɛ lɔ ɔmɛ nyɛ heɔ yeɔ.

Samuel I, 12:21

Nyɛ ko ya nyɛɛ yaka níhi nɛ a he be se nami, nɛ a be nyɛ yi wami nyɛe ma he ɔ a se; ejakaa yaka níhi kɛkɛ ji mɛ.

2 Timoteo 2:16

Se yakayaka ní sɛɛmi nɛ tsɔɔ we Mawu gbeye yemi ɔ, yu o he kɛ je he; ejakaa e haa nɛ nihi hɛɔ a he kɛ jeɔ Mawu he kulaa mohu.

1 Timoteo 4:8

Nɔmlɔ tso ɔ he mi kami ɔ, se nami bɔɔ kɛkɛ lɛ ngɛ he, se mumi mi nɔ́ ɔ lɛɛ kaa bɔ nɛ a wo si ɔ, e he ngɛ se nami babauu ngɛ je nɛ ɔ mi, kɛ nɔ́ nɛ maa ba a mi tete.

Efesobi 4:17

Lɔ ɔ he ɔ, i ngɛ nyɛ kɔkɔ bɔe ngɛ Nyɔmtsɛ ɔ biɛ mi ke, nyɛ ko ba nyɛ je mi kaa ma je li ɔmɛ hu. Ejakaa níhi nɛ a susuu ɔ, pi kaa a he be se nami kɛkɛ,

Galatabi 1:7

Oo, nyɛ bu kaa sane kpakpa kpa ko ngɛ he ko! Pe i de ja kɛkɛ; ejakaa ni komɛ ngɛ nyɛ kpɛti nɛ a ngɛ nyɛ tue puɛe; a ngɛ hlae kaa a ma tsake sane kpakpa a nɛ kɔɔ Kristo he ɔ hɛ mi.

Ni Tsumi 13:10

nɛ e de ke, “Abosiami nitsɛnitsɛ ji mo! Nɔ́ kpakpa tsuaa nɔ́ kpakpa he nyɛlɔ! Ní yayamihi pɛ a he o susuu! Be tsuaa be ɔ, o bɔɔ mɔde kaa o ma tsake Nyɔmtsɛ ɔ anɔkuale munyu ɔ hɛ mi kɛ pee lakpa!

Mateo 16:26

Mɛni se nɔ ko ma na ke e nine su je ɔ tsuo nɔ, se e laa e klaa? Dɛbi! Nɔ́ ko be nɛ e ma ngɔ ha nɛ e kɛ kpɔ e klaa a.

Habakuk 2:18

Mɛni se nami ngɛ amaga he? E ji nɔ́ ko kɛkɛ nɛ nɔmlɔ adesa pee, nɛ lakpa pɛ e toɔ. Mɛni se nami ngɛ he ha nɔ nɛ pee lɛ ɔ, kaa e maa ngɔ e hɛ kɛ fɔ e nɔ; mawu nɛ nyɛ we munyu tete po nɛ e tuɔ ɔ!

Yeremia 23:36

Se ‘Yawɛ tlomi’ ɔ lɛɛ, nyɛ ko wo nɔ ta; nɔ tsuaa nɔ munyu maa pee nɔ ɔ nitsɛ tlomi. Mawu hɛ kalɔ ɔ, Yawɛ Tabohiatsɛ, wa Mawu ɔ munyu ɔmɛ lɛɛ nyɛ tsake a hɛ mi.

Yeremia 23:32

Nyɛɛ bu nɔ́ nɛ imi Yawɛ, i ngɛ dee ɔ tue! Gbali nɛ sɛɛɔ lakpa nlami ɔ, i kɛ mɛ ná. A sɛɛɔ kikɛmɛ a nlami nɛ ɔmɛ, nɛ a kɛ lakpa yemi, kɛ fiami kpataa ye ma a nane. I tsɔ we mɛ, nɛ i fa we mɛ ke a ya tsu nɔ́ ko kaa kikɛ nɛ ɔ; a he be se nami ko kulaa kɛ ha ma a. Imi, Yawɛ lɛ i de.”

2 Timoteo 1:6

Enɛ ɔ he je ɔ, i ngɛ mo kaie kaa Mawu nike ní nɛ e kɛ dloo mo benɛ i ngɔ ye nine kɛ pue o nɔ ɔ, o tsu he ní saminya.

1 Timoteo 1:6

Nɔ́ nɛ i ngɛ mo dee nɛ ɔ, ni komɛ ngmɛɛ he, nɛ nya sami nɛ he be se nami ha nɛ a tla blɔ.

1 Timoteo 1:4

De jamɛ a lakpa tsɔɔli ɔmɛ ke, sanehi nɛ be mi, kɛ weku kpa tslalaa se dimi ɔ, a jɔɔ be puɛmi ngɛ he. Ní nɛ ɔmɛ ɔ, nya sami nɛ se nami be he nɛ a kɛ baa; blɔ nya nɛ Mawu to kɛ ha wɔ ɔ lɛɛ ní nɛ ɔmɛ kɔ we he kulaa; hemi kɛ yemi kɛkɛ a kɛ leɔ.

1 Tesalonikabi 4:1

Nyagbe ɔ, nyɛmimɛ, nyɛ kase kɛ je wa ngɔ bɔ nɛ nyɛ maa ba nyɛ je mi nɛ e sa Mawu hɛ mi; nɛ jã nyɛ ngɛ pee ɔ nɛ. Se kɛ̃, ngɛ Nyɔmtsɛ Yesu biɛ mi ɔ, wa ngɛ nyɛ pɛɛ kpae, nɛ wa ngɛ nyɛ ga woe kaa nyɛɛ pee kɛ ya nɔ pe jã po.

Yeremia 16:19

Yawɛ mo ji ye he bulɔ; mo lɛ o haa mi he wami. Ke haomi ba ye nɔ hu, mo ji nɔ nɛ piɛɔ ye he. Je mahi maa je je mi nyagbe he ɔmɛ kɛ ba o ngɔ, nɛ a ma ba de mo ke, “Gbosi ní nɛ wa nɛmɛ ɔmɛ na pɛ ji lakpa mawuhi, kɛ amagahi nɛ se nami ko be a he.

Yeremia 2:11

Anɛ je ma ko tsake e mawuhi hyɛ lo? Je ma amɛ a mawu ɔmɛ po tsa pi mawu nitsɛnitsɛhi ji mɛ. Se ye ma a lɛɛ a ngɔ imi, a hɛ mi nyami ɔ kɛ tsake mawuhi nɛ a he be se nami.

Yeremia 2:8

Osɔfo ɔmɛ bi we ke, ‘Jije Yawɛ ngɛ?’ Imi nitsɛ ye we osɔfohi po li mi. Nɔ yeli ɔmɛ te si kɛ wo mi; gbali ɔmɛ gba ngɛ Baal biɛ mi, nɛ a ya nyɛɛ níhi nɛ a he be se nami a se.

Tito 3:1

Mo kai o we bi ɔmɛ, nɛ a ba a he si ngɔ ha ma nɔ yeli, kɛ ni nɛmɛ nɛ hɛɛ blɔ nya. Á bu mɛ, nɛ a pee klaalo kaa a ma tsu ní tsumi kpakpa be tsuaa be.