2 Timoteo 2:1 - BAIBLO ALOO NGMAMI KLƆUKLƆU Ɔ

¹ Lɔ ɔ he ɔ, ye bi, nɛ Mawu dloo wɔ nɛ wa ngɛ Kristo Yesu mi ɔ, o he nɛ wa.

Somi He Ɔ

¹ Jehanɛ moo lɛɛ, ye bi, o he nɛ wa ngɛ dloomi nɛ ngɛ Kristo Yesu mi ɔ mi.

2 Timoteo 2:1 ပူးပေါင်းရင်းမြစ်များ

Hagai 2:4

Se kɛ̃ ɔ, nyɛ ti nɔ ko nɔ ko kɔni mi ko wo nyu. Nyɛ tsu ní ɔ, ejakaa i kɛ nyɛ ngɛ.

1 Korintobi 16:13

Nyɛɛ huɔ; nyɛɛ hɛɛ hemi kɛ yemi ɔ mi wawɛɛ; nyɛɛ pee kã, nɛ nyɛ he nɛ wa.

Efesobi 6:10

Nyagbe ɔ, nyɛ ha nɛ Nyɔmtsɛ ɔ he wami kpetekpleenyɛ ɔ nɛ ngɛ nyɛ mi ɔ nɛ waje nyɛ.

Filipibi 4:13

Kristo lɛ woɔ mi he wami, nɛ e haa nɛ i nyɛɔ peeɔ nɔ́ tsuaa nɔ́.

1 Timoteo 1:18

Ye bi Timoteo, munyuhi nɛ gbali ɔmɛ tu blema ngɛ o he ɔ, lɔ ɔmɛ imi hu i ngɛ mo fae ke o pee. Ha munyu nɛ ɔmɛ nɛ a pee kaa ta hwumi níhi ngɛ o dɛ nɛ o kɛ tsu ní saminya.

1 Timoteo 1:2

i ngɛ womi nɛ ɔ ngmae kɛ ha mo Timoteo, ye bi nitsɛnitsɛ ngɛ hemi kɛ yemi ɔ mi. Dloomi, mɔbɔ nami, kɛ he jɔmi nɛ je Tsɛ Mawu ɔ, kɛ Kristo Yesu, wa Nyɔmtsɛ ɔ dɛ mi ɔ ha mo!

2 Timoteo 1:1

Imi Paulo nɛ Mawu suɔmi nya nɛ i ba pee Kristo Yesu bɔfo ngɛ wami nɛ ngɛ Kristo Yesu mi nɛ a wo he si ɔ he ɔ,

2 Timoteo 1:2

i ngɛ womi nɛ ɔ ngmae kɛ ha mo Timoteo, ye bi nɛ i suɔ mo saminya. Dloomi, mɔbɔ nami, kɛ he jɔmi nɛ je Tsɛ Mawu ɔ, kɛ Kristo Yesu, wa Nyɔmtsɛ ɔ dɛ mi ɔ ha mo!

2 Timoteo 1:7

Ejakaa mumi nɛ Mawu ha wɔ ɔ ha we nɛ wa yeɔ gbeye; mohu e ji mumi nɛ woɔ wɔ he wami, nɛ haa wa suɔ nɔmlɔ, nɛ wa yeɔ wa he nɔ.

2 Timoteo 2:10

Enɛ ɔ he je nɛ i toɔ ye tsui si ngɛ nɔ́ tsuaa nɔ́ mi, nɛ i naa nɔ́ ngɛ nihi nɛ Mawu hla a a he, konɛ kɛ gu Kristo Yesu nɔ ɔ, a he mɛ hu a yi wami, nɛ a nine nɛ su hɛ mi nyami nɛ ngɛ kɛ yaa neneene ɔ nɔ.

2 Timoteo 4:17

Se Nyɔmtsɛ ɔ piɛ ye he, nɛ e wo mi he wami, nɛ i nyɛ fiɛ sane kpakpa a kɛ ha ma je li ɔmɛ tsuo. Bɔ nɛ Mawu je mi kɛ je gbenɔ nya mi ji nɛ ɔ nɛ. Ee, e je mi kɛ je gbenɔ mi.

Yoshua 1:7

Kaa bɔ nɛ i ngɛ dee ɔ, moo lɛɛ o he nɛ wa, nɛ o pee kã kɛkɛ; lɔ ɔ ji kaa, o maa ye mlaa a tsuo nɛ ye tsɔlɔ Mose wo mo ɔ nɔ sisiisi. Kó si ekoeko, nɛ he tsuaa he nɛ o maa ya a, o maa ye manye.

2 Petro 3:18

Se nyɛɛ ya nɔ nɛ nyɛɛ wa ngɛ dloomi ɔ mi, nɛ nyɛɛ le wa Nyɔmtsɛ, kɛ wa kpɔlɔ Yesu Kristo ɔ saminya. Á wo e hɛ mi nyami kɛ je be nɛ ɔ mi kɛ ya neneene! Amen.