2 Timoteo 1:7 - BAIBLO ALOO NGMAMI KLƆUKLƆU Ɔ

⁷ Ejakaa mumi nɛ Mawu ha wɔ ɔ ha we nɛ wa yeɔ gbeye; mohu e ji mumi nɛ woɔ wɔ he wami, nɛ haa wa suɔ nɔmlɔ, nɛ wa yeɔ wa he nɔ.

Somi He Ɔ

⁷ ejakaa Mawu hi wɔ gbeye yemi mumi, se mohu he wami kɛ suɔmi kɛ juɛmi nɛ sa mumi ekɛ ha wɔ.

2 Timoteo 1:7 ပူးပေါင်းရင်းမြစ်များ

La 119:80

Ha nɛ ma ye o mlaa amɛ a nɔ sisiisi, konɛ zo ko gbe mi!

Abɛ Womi 2:7

Nihi nɛ peeɔ nɔ́ nɛ da, nɛ a yeɔ anɔkuale ɔ, Yawɛ piɛɔ a he, nɛ e baa a yi.

Abɛ Womi 8:14

I le ní saminya, nɛ i woɔ nɔ ga; i nuɔ nɔ́ sisi, nɛ i ngɛ he wami hulɔ.

Yesaya 11:2

Yawɛ mumi ɔ maa ba e nɔ. E ma ha lɛ sane se kɔmi, nile, kɛ ga nɛ e kɛ maa ye e ma a nɔ. E maa le Yawɛ suɔmi nya ní, nɛ e maa bu lɛ.

Mika 3:8

Se imi lɛɛ Yawɛ ngɔ e mumi ɔ kɛ wo ye mi tɔ. E ha mi he wami, kɛ dami sane yemi, kɛ kã nɛ ma kɛ jaje Israel ma a he yayami ɔ kɛ tsɔɔ mɛ.

Zakaria 4:6

Mawu bɔfo ɔ de mi ke ma ngɔ Yawɛ sɛ gbi nɛ ɔ kɛ ya ha Zerubabel: “Pi o nyɛ́mi, loo o he wami nya; se ye mumi ɔ nɛ ma tsu enɛ ɔ. Yawɛ Tabohiatsɛ ɔ lɛ de.

Luka 10:19

Nyɛɛ bu tue! I ha nyɛ he wami nɛ nyɛɛ kɛ maa naa sinɔhi, kɛ nyingmogblakotohi a nɔ. Nyɛ maa ye he nyɛlɔ ɔ he wami ɔ tsuo nɔ, nɛ nɔ́ ko nɔ́ ko be nyɛ pee.

Luka 15:17

Benɛ e hɛ mi ba tsɔ lɛ ɔ, e de e he ke, ‘Tsaatsɛ we apaatsɛmɛ ɔmɛ tsuo ngɛ niye ní babauu nɛ a pee we he nɔ́ ko, nɛ imi lɛɛ i ngɛ hiɛ ɔ, nɛ hwɔ miɔ nɛ e maa gbe mi!

Luka 24:49

nɛ ma ha Mumi Klɔuklɔu ɔ maa ba nyɛ nɔ kaa bɔ nɛ Tsaatsɛ wo si ɔ. Se nyɛɛ hi Yerusalem ma a mi kɛ yaa si he wami nɛ je hiɔwe ɔ maa ba nyɛ nɔ.”

Luka 8:35

nɛ nihi je kpo kɛ ba, konɛ a ba hyɛ. Benɛ a ba su Yesu ngɔ ɔ, a na nyumu ɔ nɛ mumi yayami ɔmɛ je e mi ɔ nɛ e hii si ngɛ Yesu nane nya. E wo tade, nɛ e hɛ mi tsɔ lɛ. Nɛ mɛ tsuo a ye gbeye.

Yohane 14:27

“I ngɛ nyɛ sie kɛ he jɔmi. Imi nitsɛ ye he jɔmi i ngɛ sie ha nyɛ. Pi bɔ nɛ je ɔ haa a nɛ i kɛ ngɛ nyɛ hae ɔ. Nyɛ ko ye nyɛ tsui; nɛ nyɛ ko je fɔ̃ hulɔ.

Ni Tsumi 1:8

se ke Mumi Klɔuklɔu ɔ na ba nyɛ nɔ ɔ, nyɛ ma na he wami kɛ fiɛ, nɛ nyɛ maa ye odase ha mi ngɛ Yerusalem, Yudea, kɛ Samaria tsuo kɛ yaa su je ɔ nyagbe he tɔɔ.”

Ni Tsumi 10:38

Nyɛ le Yesu nɛ je Nazaret ɔ he sane, bɔ nɛ Mawu hla lɛ, nɛ e ha nɛ Mumi Klɔuklɔu ɔ he wami ɔ ba e nɔ. Nyɛ le bɔ nɛ e kpa si kɛ ya he tsuaa he kɛ kpakpa peemi. E tsa hiɔtsɛmɛ, nɛ e hia mumi yayamihi hulɔ; ejakaa Mawu kɛ lɛ ngɛ.

Ni Tsumi 20:24

Se imi lɛɛ ye wami tete he hia we mi. Nɔ́ nɛ he hia mohu ji kaa ní tsumi nɛ Nyɔmtsɛ Yesu ha mi ɔ, ma tsu kɛ gbe nya. Lɔ ɔ ji kaa ma fiɛ sane kpakpa a nɛ tsɔɔ kaa Mawu mi mi hi ha adesahi tsuo ɔ.

Ni Tsumi 21:13

Se e he nɔ ke, “Mɛni nyɛ ngɛ pee nɛ ɔ; nyɛ ngɛ ya foe kɛ ma tsɔ ye tsui kpa? Imi lɛɛ, pi fimi nɛ a maa fi mi ngɛ Yerusalem ɔ kɛkɛ nɛ i ngɛ blɔ hyɛe, se mohu i pee klaalo nɛ ma gbo ngɛ Nyɔmtsɛ Yesu he ngɛ lejɛ ɔ.”

Ni Tsumi 26:11

I ha nɛ a wa mɛ yi mi si abɔ ngɛ kpe he ɔmɛ tsuo; nɛ i bɔ mɔde kaa a ngmɛɛ a hemi kɛ yemi ɔ he. Ye hɛ dɔ wo mɛ, nɛ i tiu mɛ kɛ ya ma se zugbahi a nɔ tɔɔ ya wa mɛ yi mi.

Ni Tsumi 26:25

Paulo he nɔ ke, “Nɛnɛ Festo, i nui godo; anɔkuale ɔ i ngɛ tue ɔ nɛ.

Ni Tsumi 6:8

Mawu dloo Stefano saminya, nɛ e ha lɛ he wami nɛ e kɛ pee nyakpɛ ní nguanguahi ngɛ ma a mi.

Ni Tsumi 9:22

Se Saulo ya nɔ nɛ e fiɛ kɛ he wami pe kekle ɔ po kɛ tsɔɔ kaa Yesu ji Kristo ɔ nɛ. Enɛ ɔ ha Yuda bi nɛ ngɛ Yerusalem ɔ a nya mi jɔ.

Romabi 5:5

Hɛ kɛ nɔ fɔmi nɛ ɔ ha we nɛ zo gbeɔ wɔ, ejakaa kɛ gu Mumi klɔuklɔu ɔ nɛ Mawu ha wɔ ɔ nɔ ɔ, Mawu ha wa tsui hyi tɔ kɛ e suɔmi ɔ.

Romabi 8:15

Mawu ha we nyɛ mumi nɛ peeɔ nɔ nyɔguɛ, nɛ nyɛ ma pa hi gbeye yee; se mohu e peeɔ nyɛ Mawu bimɛ. Mumi ɔ lɛ woɔ wɔ he wami, nɛ wa nyɛɔ faa kue kɛ ngmlaa ke, “Tsaatsɛ! Tsaatsɛ!”

1 Korintobi 2:4

Ní nɛ i tsɔɔ, kɛ sɛ gbi nɛ i fiɛ ɔ hu, pi nile munyu nɛ plɛɔ nɔ yi mi nɛ i tu. Se mohu Mawu Mumi ɔ, kɛ he wami ɔ lɛ tsu ní nɛ ɔ,

Galatabi 5:22

Se Mawu mumi ɔ yiblii ji suɔmi, bua jɔmi, he jɔmi, tsui si tomi, mi mi himi, kpakpa peemi, hemi kɛ yemi,

Kolosebi 1:8

Suɔmi nɛ mumi ɔ ha nyɛ ɔ, Epafra ba bɔ wɔ he sane.

Hebribi 2:15

Kɛkɛ ɔ, e ma ha nihi nɛ a wami be tsuo a ngɛ gbenɔ gbeye yee, nɛ a pee yoyooyo kaa nyɔguɛhi ɔ maa ye a he.

1 Petro 1:22

Amlɔ nɛ ɔ, anɔkuale tsɔɔmi ɔ nɛ kɔɔ Yesu Kristo he ɔ, nyɛ ye nɔ. Nyɛ tsukɔ nyɛ he, nɛ nyɛ ba na suɔmi kpakpa kɛ ha nyɛ nyɛmimɛ nɛ ngɔ a he ngɔ ha Yesu ɔ. Lɔ ɔ he ɔ, nyɛɛ suɔ nyɛ sibi saminya kɛ nyɛ tsui tsuo.

1 Yohane 4:18

He nɛ suɔmi ngɛ ɔ, gbeye yemi be lejɛ ɔ; suɔmi nɛ mi wa a fieɔ gbeye tsuo kɛ yaa se. Lɔ ɔ he ɔ, nɔ tsuaa nɔ nɛ yeɔ gbeye ɔ, Mawu suɔmi nɛ mi wa a be e mi. Ejakaa gbeye yemi, kɛ tue gblami lɛ nyɛɛɔ.